Zaarettido Wogaa 32:22 - Wolaytta Bible

²² Ta hanqqoi tamaadan eexxidi, biittan de7iyaaba ubbaa xuuggana. He tamai Si7ooliyan de7iyaagaarakka gattidi xuuggana; deriyaa baasuwaa gakkanaashin, he tamai maana.

Zaarettido Wogaa 32:22 ပူးပေါင်းရင်းမြစ်များ

Mazamure Maxaafaa 144:5

Abeet GODAU, ne saluwaa phalqqada duge wodhdha! Wogga dereta bochcha; etinne cuwattona!

Mazamure Maxaafaa 21:9

Neeni qoncciyo wode, eta tama coociyaadan xuuggana. GODAI ba hanqquwaa suuluwan eta mittana; a tamaikka eta mi xaissana.

Mazamure Maxaafaa 46:2

Hegaa gishshau, biittai qaaxxiyaakkokka, woi dereti abban kunddiyaakkokka, nuuni yayyokko.

Mazamure Maxaafaa 83:14

Xaragai buuraa miidi wurssiyoogaadan, tamaa lacoi deriyaa maayiyoogaadan,

Mazamure Maxaafaa 86:13

Aissi giikko, aggenna ne siiqoi taayyo daro; neeni tana duufuwan geliyoosaappe ashshadasa.

Mazamure Maxaafaa 97:3

Tamai appe sinttaara bees; a yuuyi aadhdhida morkketa xuuggees.

Isiyaasa 24:6

Hegaa gishshau, Xoossaa qanggettai biittaa mees; qassi an de7iya asatikka bantta mooruwaa gaasuwan tuggatoosona. Hegaa gishshau, sa7an de7iya asati xuugettidosona; yaatin qoodan qii guutta asai attiis.

Isiyaasa 30:33

Aissi giikko, tamaa eettiyoosai beni giigiis; he sohoi giigidoi kawuwaassa. He sohoi ziqqanne aaho gididi, tamainne daro mittai dooretti uttidoo soho. GODAA shemppoi dinniyaa shaafaadan yiidi, he tamaa eetti kessana.

Ermmaasa 15:14

Taani inttena intte erenna biittan intte morkketuyyo ailleyana; aissi giikko, ta hanqqoi miya tamaa gididi, merinau eexxana” yaagiis.

Ermmaasa 17:4

Taani inttena laatissido biittaappe intte baana; taani inttena intte erenna biittan intte morkketuyyo ailleyana. Aissi giikko, intte ta hanqquwaa oisettideta; i merinau eexxana” yaagees.

Ermmaasa 4:4

Inttenoo, Yihudaa asatoo, Yerusalaamen de7iyaageetoo, intte intte huuphen Xoossaayyo qaxxarettite; intte wozanaa shoohuwaa diggite. Hegee xayikko, intte oottido iitatettaa gishshau, ta hanqqoi tamaadan eexxi kiyana. A ooninne toissanau danddayenna” yaagees.

Ermmaasa Zilaassaa 2:2

Godai Yihudan de7iya keettata ubbaa qarettennan xaissiis. Qassi ba hanqquwan he biittaa qatota ubbaa koliis. He kawotettaanne a halaqata sa7an duge wottidi kaushshiis.

Ermmaasa Zilaassaa 2:3

Ba suulliya hanqquwan Israa7eela wolqqaa ubbaa mentterettiis. Morkkee a olanau yiyo wode, Godai ba ushachcha kushiyaa eta bollappe diggirggiis. Lacottiya tamaadan, Israa7eela biittan eexxi kiyidi, ba yuushuwan de7iyaabaa ubbaa mi xaissiis.

Ermmaasa Zilaassaa 2:4

Morkkiyaadan i ba wonddafiyaa eta bolli dafiis. Huqqunniyaageetudan i ba kushiyaa minttidi, xeellin lo77iya asaa ubbaa woriis. Xiyoone keettatu bolli ba hanqquwaa suuluwaa tamaadan qoliis.

Ermmaasa Zilaassaa 4:11

GODAA hanqquwaa xuu7ai kumiis; i ba suulliya hanqquwaa tigiis. Tigidi Yerusalaame katamaa baasuwaara miida tamaa eetti kessiis.

Hizqqeela 19:12

SHin he turai hanqquwan shodettidi, biittan olettiis. Arshsho carkkoi a aifiyaa melissiis; a mino marai melin, tamai miis.

Hizqqeela 22:21

Taani inttena shiishshada, ta hanqquwaa tamaa intte bolli womppiinin, intte hegan seerana.

Hizqqeela 36:5

I tumuppe hagaadan yaagees; “Taani ta eexxiya hanqquwan hara kawotettatu bollinne Eedooma bolli haasayaas. Eti wozanaappe ufaittiiddinne kariiddi, ta biittaa banttau ekkidosona; hentta gadetakka laattidosona.

Hizqqeela 38:19

He wode Israa7eela biittan wolqqaama biittaa qaattai hanana; hegaa taani ta mishuwaaninne ta eexxiya hanqquwan awaajjais.

Wogaabaa 26:20

Intte wolqqai hadasan wurana; aissi giikko, intte biittai kattaa mokkenna; biittan de7iya mittatikka aifiyaa aifokkona.

Amoxa 5:6

GODAA koyite; yaatikko, intte de7uwan de7ana. Hegee xayikko, i Yooseefa zariyaa tamaadan xuuggana; Beeteelen de7iya asaakka tamai maana. He tamaa etau ooninne toissenna.

Amoxa 7:4

Ubbaa Haariya GODAI tana hara ajjuutaa bessiis. Ubbaa Haariya GODAI ba asaa pirddanau tamaa xeesiis; xeesin he tamai gita ciimma abbaa mirggidi, biittaakka xuugganau doommiis.

Mikiyaasa 1:4

Eessaa muqaaddai taman seeriyoogaadan, dereti a tohuwaappe garssaara seerana; eti keraappe zanggaarau duge goggiya haattaadan goggana.

Imbbaaqooma 3:10

Dereti nena be7idi, yashshau kokkoridosona; haattaa kixaikka kanttiis. Qassi haattaa ciimmatikka waassoosona; waassiiddi bantta dambbalaa haa haa darissidosona.

Sofonaasa 1:18

GODAA hanqquwaa gallassi eta biraa gidin, eta worqqaikka eta ashshanau danddayenna. I sa7an de7iya ubbaa akeekennan de7ishin, wurssi xaissana; biitta ubbaikka a hanqquwaa taman meetettana” yaagees.

Sofonaasa 3:8

GODAI hagaadan yaagees, “Ane taani pirddiyo gallassai gakkanaashin, guuttaa takki giite. Aissi giikko, taani deretanne kawotettata shiishshanau qachchaas; shiishshada ta hanqquwaa suuluwaa eta bolli gussana. Sa7ai muleerakka ta hanqquwaa taman xuugettana.

Qoodaabaa 16:33

Yaatin eti banttau de7iyaabaa ubbaara paxa de7iiddi, Si7ooliyaa duge wodhdhidosona. Biittaikka eta bolli gorddetti bayiis; eti maabaraa giddoppe tippi giidi xayi bayidosona.

Qoodaabaa 16:35

Qassi tamaikka GODAA matappe yiidi, ixaanaa cuwayiya naa77u xeetanne ishatamu asaa mi bayiis.

Maatiyoosa 10:28

Ashuwaa woriyaageetuyyo yayyoppite; eti shemppuwaa woranau danddayokkona. SHin shemppuwaanne ashuwaa gaannabiyan xaissanau danddayiya Xoossaassi yayyite.

Maatiyoosa 18:9

Qassi ne aifee nena balettikko, neeppe wooca ola; neeni naa77u aifiyaara gaannabiyaa taman olettanaagaappe issi aifiyaara merinaa de7uwaa geliyoogee neeyyo keha.

Maatiyoosa 23:33

“Ha shooshshatoo, shooshshaa naatoo, gaannabiyaa pirddaappe waanidi attuuteetii?

Zaarettido Wogaa 29:20

GODAA hanqqoinne qanaatee hegaa mala asa bolli eexxi kiyanaappe attin, GODAI a maarenna. Ha maxaafan xaafettida qanggetta ubbai a bolli yaana; saloppe garssa baggaappe a sunttaa GODAI xaissana.

Naa77antto Tasalonqqe 1:8

Qassi Xoossai bana erennaageetanne nu Godaa Yesuus Kiristtoosa wonggeliyaa mishiraachchuwaayyo azazettennaageeta qaxxayana.

Ibraawe 12:29

Aissi giikko, nu Xoossai tumu bashshiya tama.