Zaarettido Wogaa 30:20 - Wolaytta Bible

²⁰ GODAA intte Xoossaa siiqite; a qaalaa siyite, ayyo azazettite; aara ohettite. Hegaadan hanikko, GODAI kase intte maizza aawatuyyo, Abrahaamayyo, Yisaaqayyoonne Yaaqoobayyo immanau caaqqido biittan inttenne intte naati adussa laittaa de7ana” yaagiis.

Zaarettido Wogaa 30:20 ပူးပေါင်းရင်းမြစ်များ

Doomettaabaa 12:7

SHin GODAI Abraamayyo qonccidi a, “Ha biittaa taani ne zerettaayyo immana” yaagiis. Yaagin i baayyo qonccida GODAAYYO he sohuwan yarshshiyoosaa keexxidi goinniis.

Doomettaabaa 17:1

Abraama laittai uddufun tammanne uddufunaa gidiyo wode, GODAI ayyo qonccidi a, “Taani Ubbaa Danddayiya Xoossaa; neeni ta sinttan hemetta; suure gida.

Mazamure Maxaafaa 27:1

GODAI taayyo poo7onne tana ashshiyaagaa; yaatin, taani ooyyo yayyanee? GODAI ta de7oi naagettiyo miixaa; yaatin, taani ooyyo dagammanee?

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Mazamure Maxaafaa 36:9

Aissi giikko, de7uwaa pulttoi ne achchan de7ees; ne poo7uwan nuuni poo7uwaa be7oos.

Mazamure Maxaafaa 37:3

Neeni GODAN ammanetta; lo77obaa ootta. Yaatada biittan saro de7a.

Mazamure Maxaafaa 66:9

I nuna paxa wottiis; nuuni kunddennaadaaninne naagiis.

Wogaabaa 18:5

Hegaa gishshau ta azazuwaanne ta wogaa naagikko, intte paxa de7ana. Taani GODAA.

Yohaannisa 14:6

Yesuusi zaaridi, “Ogee, tumainne de7oi tana; ta baggaarappe attin, ooninne ta Aawaakko baanau danddayenna.

Yohaannisa 17:3

Asai nena issi Xoossaa gididaagaa erana malanne, qassi neeni kiittido Yesuus Kiristtoosa erana mala, hagee merinaa de7o.

Yesuusi Kiittidoogeetu Oosuwaa 11:23

Barnnaabaasi Anxxookiyaa biido wode, Xoossaa aaro kehatettaa oosuwaa be7idi ufaittiis; eti ubbaikka Godan bantta kumetta wozanaappe minnidi de7anaadan, eta zoriis.

Yesuusi Kiittidoogeetu Oosuwaa 17:25

Aibakko paccido asadan, asa kushe i xeellenna; aissi giikko, i ba huuphen de7uwaa shemppuwaanne ubbabaa asa ubbaassi immees.

Yesuusi Kiittidoogeetu Oosuwaa 17:28

Aissi giikko, intteppe issi issi eranchchati, ‘Nuuni a naata’ giidoogaadan, nuuni aani paxa de7oosinne de7idi qaaxettoos.

Roome 12:9

Intte siiqoi asa bessanau siiqettiyoobaa gidanau bessenna; iitabaa ixxite; lo77obaa minttidi oiqqite;

Galaatiyaa 2:20

Taani Kiristtoosaara a masqqaliyaa bolli misimaariyan xishettada kaqettaas; simmi, ha77i paxa de7iyaagee tana gidikke. SHin Kiristtoosi ta giddon de7ees; taani ha77i de7iyo de7oi, tana siiqidi, ta gishshau, ba huuphiyaa immida Xoossaa Na7an de7iya ammanuwaana.

Zaarettido Wogaa 1:8

Be7ite, taani intteyyo ha biittaa immaas. Biite; biidi intte aawatuyyo, Abrahaamayyo, Yisaaqayyo, Yaaqoobayyoonne, etappe guyyiyan, eta zariyaayyo immanau GODAI caaqqido biittaa laattite' yaagiis” yaagiis.

Zaarettido Wogaa 10:12

“Israa7eela asau, GODAI intteppe koyiyoogee hagaa: GODAAYYO, intte Xoossaayyo, yayyite; a ogiyan ubban hemettite; a siiqite; intte kumetta wozanaappenne kumetta shemppuwaappe GODAAYYO, intte Xoossaayyo oottite.

Zaarettido Wogaa 10:20

GODAAYYO, intte Xoossaayyo, yayyite; ayyo oottite; aara ohettite; a sunttankka caaqqite.

Zaarettido Wogaa 11:22

“Intte GODAA intte Xoossaa siiqanaadan, a oge ubban hemettanaadaaninne ayyo ammanettanaadan, taani hachchi intteyyo immiyo azazota intte minttidi naagikko,

Zaarettido Wogaa 11:9

Yaatikko, GODAI intte maizza aawatuyyoonne eta zaretuyyo immana giidi caaqqido, maattainne eessai goggiyo biittan intte adussa laittaa de7ana.

Zaarettido Wogaa 12:10

SHin intte Yorddaanoosa pinnidi, GODAI intte Xoossai immiyo he biittaa laattidi, intte yan uttana. Inttena dooddida morkketuppe inttena i shemppissiyo gishshau, intte woppu giidi hegan de7ana.

Zaarettido Wogaa 30:16

Intte GODAA intte Xoossaa siiqiyoogan a ogiyan hemettiyoogaaninne a azazuwaa, a awaajuwaanne a wogaa naagiyoogan, taani hachchi inttena azaziyo GODAU, intte Xoossau, azazettikko, intte de7uwan de7ananne corattana; qassi intte laattanau geliyo biittan GODAI intte Xoossai inttena anjjana.

Zaarettido Wogaa 30:6

“Intte de7uwan de7ana malanne GODAA intte Xoossaa intte kumetta wozanaappenne intte kumetta shemppuwaappe siiqanaadan, i intteyyoonne intte naatuyyo azazettiya wozanaa immana.

Zaarettido Wogaa 31:1

Muusee gujjidikka Israa7eela asau hagaadan yaagiis;

Zaarettido Wogaa 32:47

Ha qaalai intteyyo de7oppe attin, coo mela qaala gidenna. Ha qaalaa naagikko, intte Yorddaanoosa pinnidi laattana biittankka adussa laittaa de7ana” yaagiis.

Zaarettido Wogaa 4:1

Hegaappe guyyiyan, Muusee asaa hagaadan yaagiis; “Ha77ikka Israa7eela asau, intte de7uwan de7anaadaaninne GODAI, intte maizza aawatu Xoossai, intteyyo immiyo biittaa intte laattanaadan, taani inttena tamaarissiyo awaajuwaanne higgiyaa siyitenne oottite.

Zaarettido Wogaa 4:4

SHin intte GODAASSI, intte Xoossaassi, ammanettido gishshau, hachchi gakkanaashin ubbaikka de7uwan de7eeta.

Zaarettido Wogaa 4:40

Hegaa gishshau, intteyyoonne intteppe guyyiyan intte naatuyyo ubbabai lo77o gidanaadan, qassi GODAI intte Xoossai intteyyo merinau immiyo biittan intte baree aduqqanaadan, taani hachchi inttena azaziyo awaajuwaanne higgiyaa naagite” yaagiis.

Zaarettido Wogaa 4:6

Intte eta naagitenne oottite; hegaa intte oottikko, intte ai keena aadhdhida eranchchakkonne hara asai inttena be7ana. Eti ha awaajuwaabaa siyiyo wode, 'Tumukka ha gita kawotettai aadhdhida eranchchanne akeekanchcha kawotetta' yaagana.

Zaarettido Wogaa 5:16

“'GODAI ne Xoossai neeyyo immiyo biittan ne baree aduqqana malanne neeyyo lo77ana mala, GODAI ne Xoossai nena azazidoogaadan, ne aawaanne ne aayyiyo bonchcha.

Zaarettido Wogaa 6:2

Intte laittai adussa gidana mala, intte, intte naatinne intte naatu naatikka taani hachchi inttena azaziyo GODAA awaajuwaanne higgiyaa naagiyoogan intte laittan ubban GODAASSI, intte Xoossaassi yayyite.

Zaarettido Wogaa 6:5

Neeni GODAA ne Xoossaa ne kumetta wozanaappe, ne kumetta shemppuwaappenne ne kumetta wolqqaappe siiqa.

Yaasu Maxaafaa 23:11

GODAA intte Xoossaa ubbaton siiqanaagaa dogoppite.

Yaasu Maxaafaa 23:8

SHin hachchi gakkanaassi intte oottidoogaadan, GODAA intte Xoossaa mintti oiqqite.

Ajjuutaa 21:6

Qassikka tana hagaadan yaagiis; “Polettiis. Taani Alifaanne Omeegaa; Doomettaanne Poluwaa. Saamettida oonanne taani de7uwaa haattaa pulttuwaappe coo ushshana.

Ajjuutaa 22:1

Hegaappe guyyiyan, kiitanchchai tana Xoossaa kawotaa araataappenne Dorssaa kawotaa araataappe goggiya birilledan phooliya de7o haattaa shaafaa bessiis.

Ajjuutaa 22:17

Geeshsha Ayyaanainne bullashettiyaara, “Haaya” yaagoosona. Qassi hagaa siyiya ooninne, “Haaya” yaago. Saamettida asi ooninne haa yo. De7o haattaa koyiya asi ooninne coo ekko.