Zaarettido Wogaa 3:18 - Wolaytta Bible

¹⁸ “He wode taani inttena hagaadan yaagada azazaas; 'GODAI intte Xoossai ha biittaa intte laattanaadan intteyyo immiis. Simmi intteyyo de7iya tooranchcha asa ubbaa ola miishshaa gixissidi, intte ishantta gidiya Israa7eela asaappe sinttaara olettanau aadhdhite.

Zaarettido Wogaa 3:18 ပူးပေါင်းရင်းမြစ်များ

Doomettaabaa 15:7

GODAI qassikka a, “Taani neeni ha biittaa laattana mala neeyyo immanau Uri giyo Kaladaawetu katamaappe nena kessa ehiida GODAATTENNEE” yaagiis.

Mazamure Maxaafaa 136:21

Yaatidi eta biittaa ba asaa laatissiis; aggenna a siiqoi merinaagaa.

Qoodaabaa 33:53

Taani intteyyo he biittaa laatau immido gishshau, he biittaa laattidi, an de7ite.

Zaarettido Wogaa 12:1

“Intte laattanaadan, GODAI intte aawatu Xoossai intteyyo immido biittan intte de7ido keenan ubban intte balennan oottana awaajotinne higgeti, hageeta.

Zaarettido Wogaa 15:4

“Intte GODAA intte Xoossaa qaalaassi azazettikko, taani hachchi inttena azaziyo azazo ubbaa balennan oottikko, intte giddon issi asinne hiyyeesenna. Aissi giikko, intte laattanaadan GODAI intte Xoossai inttessi aqo oottidi immiyo biittan GODAI inttena anjjana.

Zaarettido Wogaa 19:14

“GODAI intte Xoossai intte laattanaadan immiyo biittan, beni asai essido ne shooruwaa biittaa zawaa shoddoppa.

Zaarettido Wogaa 19:2

GODAI intte Xoossai laata oottidi immiyo biittan de7iya katamatuppe heezzu katamata intteyyo dummayite.

Zaarettido Wogaa 19:7

Intte heezzu katamata dummayi wottanaadan, taani inttena hassayissidoogee hegaassa.

Zaarettido Wogaa 21:1

“Intte laattanaadan GODAI intte Xoossai intteyyo immiyo biittan, ooni woridaakko erenna ahai kunddidi beettikko,

Zaarettido Wogaa 25:19

Hegaa gishshau, GODAI intte Xoossai inttena he biittaa laatissidi, intte yuushuwan de7iya morkketu ubbaappe inttena shemppissiyo wode, ha biittan eta hassayiya asi xayana gakkanaashin, Amaaleeqata ubbaa salo gufanttoppe xaissite; hegaa oottanaagaa mulekka dogoppite.

Zaarettido Wogaa 5:31

SHin neeni hagan ta matan eqqashsha; eti laattanaadan taani etau immiyo biittan eti oottana mala, neeni eta tamaarissana ta azazuwaa, ta awaajuwaanne ta higgiyaa ubbaa taani neeyyo yootana' yaagiis.

Zaarettido Wogaa 6:1

“Intte laattanau biyo biittan intte oottanaadan taani inttena tamaarissana mala, GODAI intte Xoossai tana azazido azazoti awaajotinne higgeti hageeta.

Zaarettido Wogaa 9:6

Simmi yaakko intte hagaa akeekite; GODAI intte Xoossai ha lo77o biittaa inttena laatissiyoogee intte xillotettaa gishshaassa gidenna; aissi giikko, intte morgge zozzida asa.

Yaasu Maxaafaa 1:11

“Biite; asai dunkkaanidosaara kanttidi biiddi, asaa, 'Intte shinqqiyaa giigissite; heezzu gallassaa garssan, GODAI intte Xoossai intteyyo immiyo biittaa laattanau Yorddaanoosa SHaafaa pinneeta' yaagidi yootite” yaagiis.