Zaarettido Wogaa 28:65 - Wolaytta Bible

⁶⁵ He kawotettatu giddon intte woppaa demmekketa; intte tohuwaa caammai yedhdhiyo sohuwaa keena gadeekka intteyyo de7enna. Hegan GODAI intteyyo metobaa qofa xallan kumida huuphiyaa, amo xallan daafurida aifiyaanne hidootaa qanxxuwan kumida wozanaa immana.

Zaarettido Wogaa 28:65 ပူးပေါင်းရင်းမြစ်များ

Doomettaabaa 8:9

shin he haraphphiyaa haattai biittaa ubbaa bollan ha77ikka de7iyo gishshau, shemppiyoosaa demmabeikku. Hegaa gishshau simmada, markkabiyaa giddon de7iya Nohekko yaasu; yin i ba kushiyaa yeddidi, baakko markkabiyaa giddo ekkiis.

Iyyooba Maxaafaa 11:20

SHin iitati metuwaa be7idikka akeekokkona; appe baqati attanaukka danddayokkona. Etau haiqoppe attin, hara hidooti de7enna” yaagiis.

Isiyaasa 51:17

Nenoo, GODAA kushiyaappe a hanqquwaa xuu7aa uyida Yerusalaamee, beegotta! Dendda! Neeni ganddigaarissiya xuu7aa cinggada uyadasa.

Isiyaasa 57:21

Ta Xoossai, “Iitatussi saroi baawa” yaagees.

Isiyaasa 65:14

Be7ite, ta ashkkarati wozanan ufaittidi yexxana; shin intte wozanan azzanidi waassana. Qassi intte ayyaanai meqqido gishshau, intte zilaalidi yeekkana.

Ermmaasa Zilaassaa 1:3

Yihudiyaa naaqettaiddanne ailletaidda omoodettada baasu. A ha77i kawotettatu giddon de7ausu; shin shemppiyo soho demmabeikku. O yedettidaageeti a metoota uttidaashin gakkidi demmidosona.

Ermmaasa Zilaassaa 3:65

Eta wozanaa dammetta! Ne qanggettai eta gakko!

Ermmaasa Zilaassaa 5:17

Hegaa gishshau, nu wozanai daafuriis; nu aifeekka galjjiis.

Wogaabaa 26:16

he wode taani intte bolli hagaa oottana: Intte akeekennan de7ishin yashshaa, gilqqatettaa, intte aifiyaa jallettiyaanne inttena keehippe harggissiya mishuwaa intte bolli ehaana. Intte zerettaa zerana; shin i hada; aissi giikko, hegaa intte morkketi maana.

Wogaabaa 26:36

“Intte intte morkketu biittan de7iyo wode, intteppe shaahettidi, guyye attidi de7iyaageetu wozanan taani yashshaa yeddana; carkkoi qaattiyo bonccuwaa cenggurssai eta shabbirana; eti bisuwaappe baqatiyaabaadan baqatana; qassi eta ooninne yedettennan eti kunddana.

Amoxa 9:4

Qassi bantta morkketun omoodettidi, eti biikkokka, yan eti bisuwan haiqqanaadan, taani azazana; taani eta iita aifiyan xeellanaappe attin, lo77o aifiyan xeellikke” yaagiis.

Imbbaaqooma 3:16

Taani hagaa ubbaa siyin, ta bollai gajigajiis; ta menttershshai kokkoriis; ta meqettaikka kokkoriis; ta tohotikka qassi gunddidosona. Nuna tuggayiyaageeta GODAI qaxxayana gakkanaashin, metuwaa gallassaa taani danddayan naagana.

Maatiyoosa 24:8

Hegee ubbaikka koiro leesso mala.

Luqaasa 21:26

Asai sa7aa bolli yaanabaa ubbaa naagiiddi, yashshan daafurana; aissi giikko, saluwan de7iya wolqqati qaaxxana.

Roome 11:10

Eti xeellennaadan, eta aifee goozetto; ubba wode bantta metuwan quunnidi de7ona” yaagees.

Zaarettido Wogaa 28:66

Intte de7oi ubbai hirggaana gidana; gallassinne qammi shabbirssaaninne haiquwaa yashshan un77ettidi daana.