Zaarettido Wogaa 28:52 - Wolaytta Bible

⁵² Ne biittan de7iya neeni ammanettiyo, adussa, mino dirssati mulesaara kolettana gakkanaashin, ne katamaa yuushuwan dooddidi, nena un77ettana. GODAI ne Xoossai neeyyo immido biitta ubbaa yuushuwan dooddidi nena un77ettana.

Zaarettido Wogaa 28:52 ပူးပေါင်းရင်းမြစ်များ

Kawotu Maxaafaa Naa77anttuwaa 18:13

Kawoi Hizqqiyaasi kawotido tammanne oiddantto laittan, Asoore Kawoi Sanaakireebi gimbbetti uttida Yihudaa katamata ubbaa olidi oiqqiis.

Kawotu Maxaafaa Naa77anttuwaa 6:29

Hegaa gishshau, ta na7aa doissidi miida; wonttetta gallassi taani o, 'Nuuni maanau ne na7aa ekkada ya' yaagaas. SHin a ba na7aa qosaasu” yaagaasu.

Isiyaasa 1:7

“Intte biittai xafe gidiis; intte katamatikka taman xuugettidosona; intte goshshaa intte xeellishin, allagati ekkoosona; imatta asati laalin, mela attiis.

Isiyaasa 62:8

GODAI ba ushachcha kushiyaaninne ba wolqqaama qesiyan hagaadan yaagidi caaqqiis; “Taani naa77antto intte kattaa intte morkketussi quma oottada immikke; qassi intte daafurido intte woine eessaakka allagati uyokkona.

Ermmaasa 10:17

Inttenoo, morkkee dooddidoogeetoo, biittaappe kiyanau intteyyo de7iyaabaa qoridi shiishshite.

Ermmaasa 10:18

Aissi giikko, GODAI hagaadan yaagees; “Taani ha wodiyan ha biittan de7iya asata kessada yambbarana. Intte omoodettana mala, taani intte bolli iitabaa ehaana” yaagees.

Ermmaasa 37:8

Qassi Baabiloone olanchchati simmidi yaana; yiidi olettidi, ha katamaa oiqqana; tamankka a xuuggana' yaagite” yaagees.

Ermmaasa Zilaassaa 2:2

Godai Yihudan de7iya keettata ubbaa qarettennan xaissiis. Qassi ba hanqquwan he biittaa qatota ubbaa koliis. He kawotettaanne a halaqata sa7an duge wottidi kaushshiis.

Daaneela 9:26

“Usuppun tammanne naa77utoo laappun laittaappe guyyiyan, Masiyaa asi worana. A matan aibinne baawa. Yiya halaqaa asai katamaanne Beeta Maqidasiyaa laalana. He katamaa wurssettai di7uwaadan akeekennan yaana. He wodeppe biidi wurssettai gakkanaashin, olainne bashshai awaajetti uttiis.

Wogaabaa 26:25

Ta maachchaa menttido haluwaa kiyiya bisuwaa taani intte bolli ehaana; intte intte katamatun shiiqikkokka, taani intte bollan boshaa yeddana. Qassi inttekka intte morkketu kushiyan aadhdhidi imettana.

Zakkaariyaasa 12:2

“Be7a, taani Yerusalaame katamaa a yuushuwan de7iya asaa ubbaa uyin ganddigaarissiya woine eessaa tigiyo wancca mala oottana; Yerusalaamee doodettiyo wode, Yihudaa katamatikka doodettana.

Zakkaariyaasa 14:2

GODAI kawotettata ubbaa Yerusalaame bollan olau shiishshana; shiishshin katamai oiqettana; keettatikka bonqqettana; maccaasaarakka asai wolqqan gaittana. Katamaa asaappe baggai omoodettidi baana; shin attida asai katamaappe kiyenna.

Maatiyoosa 22:7

“Kawoi daro hanqqettiis; qassi ba wotaaddarata yeddidi, he shemppuwaa woridaageeta worissidi, eta katamaa xuugissiis.

Zaarettido Wogaa 28:51

Neeni xayana gakkanaashin, ne mehiyaa maraanne, ne biittaa aifiyaa maana. Eti neeni xayana gakkanaashin, ne kattaa, ne woiniyaa eessaa, ne zaitiyaa, ne miizzaanne ne dorssaa wudiyaa wurssana.