Zaarettido Wogaa 27:19 - Wolaytta Bible

¹⁹ “'Betiyaa, aaya aawu bainna naatu pirddaanne am77ee pirddaa geellayiya asi qanggettidaagaa gido' yaagin, asai ubbai, 'Amin77i' yaago.

Zaarettido Wogaa 27:19 ပူးပေါင်းရင်းမြစ်များ

Kessaabaa 23:2

Iitabaa oottanau daro asaa kaalloppa; pirddaa geellayanau daro asaara maayada markkattoppa.

Leemiso Maxaafaa 17:23

Iita daannai pirddaa geellayanau geeman mattaayiyaa ekkees.

Leemiso Maxaafaa 31:5

Eti uyiyo wode higgiyaa baloosona; balidi naaqettida asaa maataa shenehoo goosona.

Wogaabaa 19:33

“'Intte biittan inttenaara de7iya betetu bollan sugettabaa oottoppite.

Mikiyaasa 3:9

Inttenoo, suure pirddaa ixxiyaanne sitta yohuwaakka geellayiya Yaaqooba zaretu halaqatoonne Israa7eela asaa haariyaageetoo, hagaa siyite.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Zaarettido Wogaa 10:18

I aawu bainna naatussinne am77etussi eta pirddaa kessees; betiyaakka siiqidi, qumaanne maayuwaa ayyo immees.

Zaarettido Wogaa 24:17

“Kare biitta asatu pirddaanne aawu aaya bainnaageetu pirddaa geellayoppa; am77ee maayuwaa a tal77idobau gaada oiqqoppa.