Zaarettido Wogaa 25:5 - Wolaytta Bible

⁵ “Issippe de7iya ishanttuppe issoi na7a yelennan haiqqikko, a maccaasiyaa haraa baada geluppu; i keettaawaa ishai o aisso; aissidi iyyo koshshiyaagaa polo.

Zaarettido Wogaa 25:5 ပူးပေါင်းရင်းမြစ်များ

Doomettaabaa 19:31

Issi gallassi baira na7iyaa kaaliyo, “Nu aawai cimiis; sa7a ubban de7iya wogaadan nunaara zin77anau ha biittan mulekka attuma asi baawa.

Maatiyoosa 22:24

“Tamaarissiyaagoo, Muusee, ‘Issi asi na7a yelennan haiqqikko, he haiqqidaagaa ishai a machchiyo aissidi, ba ishaayyo na7a yelanau bessees’ yaagiis.

Marqqoosa 12:19

“Tamaarissiyaagoo, Muusee nuuyyo higgiyaa xaafiiddi, ‘Machcho ekkida asi na7a yelennan haiqqikko, he haiqqidaagaa ishai a machchiyo aissidi, ba ishaayyo na7a yelanau bessees’ yaagiyaagaa xaafiis.

Luqaasa 20:28

hagaadan yaagidi, a oichchidosona; “Tamaarissiyaagoo, Muusee nuuyyo higgiyaa xaafiiddi, ‘Machcho ekkida asi na7a yelennan haiqqikko, he haiqqidaagaa ishai a machchiyo aissidi, ba ishaayyo na7a yelanau bessees’ yaagiyaagaa xaafiis.

Uruti Maxaafaa 1:11

SHin Naa7ooma eta, “Hai ta naatoo, simmite. Intte tanaara aissi beetii? Intteyyo azina gidanau attuma naata taani hagaappe guyyiyan yelaneeyye?

Uruti Maxaafaa 3:13

Hachchi qammaa hagan aqa. Wonttin i nena aissanau koyikko, lo77o; aisso. SHin i aissanau koyennan ixxikko, GODAI ero, taani nena aissana. Sa7ai wonttanaashin hagan zin77aaga” yaagiis.

Uruti Maxaafaa 3:2

Neeni etaara takkido macca ashkkarati au kiitettiyo Boo7eezi nuuyyo mata dabbo gidennee? Siya, i hachchi qammi audiyan banggaa suraggana.

Uruti Maxaafaa 3:9

“Hannee, neeni oonee?” yaagidi oichchiis. Oichchin a, “Taani ne ashkkariyo Uruto; neeni ta keettaawaassi mata dabbo gidiyo gishshau, tana aissa” yaagaasu.

Uruti Maxaafaa 4:5

Boo7eezi, “Gadiyaa Naa7oomippe shammiyo gallassi, am77iyo Uruto aissaasa; yaatikko, haiqqidaagaa sunttai a laata biittan xeesettana” yaagiis.