Zaarettido Wogaa 24:15 - Wolaytta Bible

¹⁵ I hachchi oottidoogaa hachchi ekkanau minttidi koyiyo gishshau, awai wullennan hachchi qanxxa. Hegee xayikko, metootanchchai neeppe GODAU waassin, neeyyo nagara gidana.

Zaarettido Wogaa 24:15 ပူးပေါင်းရင်းမြစ်များ

Iyyooba Maxaafaa 31:13

“Taani ta attuma woikko ta macca ashkkarati tana mootin, eta mootuwaa karidabaa gidikko,

Iyyooba Maxaafaa 31:38

“Ta goshsha biittai, 'Tana bonqqa ekkadasa!' giidi, ta bolli waassidabaa gidikko, ta yafaratikka ta bolli yeekkidabaa gidikko,

Iyyooba Maxaafaa 34:28

Eti hiyyeesata huqqunnidi, eta Xoossaakko waassanaadan oottidosona; oottin Xoossai hiyyeesatu waasuwaa siyiis.

Iyyooba Maxaafaa 35:9

“Huqqunnai darobare asai waassees; wolqqaamatu kushiyaappe kessi ekkanau alluwaa xeegees.

Iyyooba Maxaafaa 7:2

Kuwaa amottiya ashkkaraadan, woikko ba damoozaa ekkanau naagiya oosanchchaadan,

Mazamure Maxaafaa 24:4

A kushee nagaraappe geeyidoogaa, a wozanai geeshsha gididoogaa, eeqau goinnennaagaa, wordduwan caaqqennaagaa.

Mazamure Maxaafaa 25:1

Abeet GODAU, ta shemppuwaappe nena woossais.

Mazamure Maxaafaa 86:4

Abeet Godau, taani ta shemppuwaappe nena woossiyo gishshau, tana, ne ashkkaraa ufaissa.

Isiyaasa 5:7

Ubbaappe Wolqqaama GODAA woiniyaa turaa sohoi Israa7eela asaa. Yihudaa asai i ufaittiyo darkkuwaa. Eti suure pirddoosona giidi naagiis; shin suuttaa gussidosona. Xillotettaa oottoosona giidi naagiis; shin waaso gidiis.

Ermmaasa 22:13

Ba keettaa sugettan keexxiyaagaayyo, xillo gidenna ogiyan pooqiyaa bolli pooqiyaa gujjiyaagaayyo, ba dere asaayyo ainne immennaaninne kera qanxxennan ootissiyaagaayyo, ayyo aayyee!

Wogaabaa 19:13

“'Ne shooruwaa sugoppa; woikko bonqqoppa. “'Keraa oottiya bitaniyaa damoozaa diggada, issi qammaanne ne matan aissoppa.

Wogaabaa 25:35

“'Qassi ne ishai hiyyeesidi bana danddayana xayikko, imattadaaninne betedan i nenaara de7ana mala, neeni a maadda.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Maatiyoosa 20:8

“Sa7ai omariyo wode, woiniyaa turaa godai oosanchchatu halaqaa, ‘Oosanchchata xeesada, wurssettan oosuwan gelidaageetuppe doommada koiro gelidaageeta gakkanaassi, eta damoozaa qanxxa’ yaagiis.

Marqqoosa 10:19

Xoossaa azazuwaa, ‘Woroppa; shaaramuxoppa; wuuqqoppa; wordduwaa markkattoppa; cimmoppa; ne aawaanne ne aayyiyo bonchcha’ yaagiyaagaa eraasa” yaagiis.

Zaarettido Wogaa 15:9

'Acuwaa maariyo laappuntta laittai matiis' gaada, hiyyeesa Israa7eelaa iita aifiyan xeellada, ayyo aibanne tal77iyoogaa digganau iita qofai ne wozanan gelennaadan naagetta. Hegee xayikko, i neeppe GODAU waassana; hegee neeyyo nagara gidana.

Koiro Ximootiyoosa 5:18

Aissi giikko, Xoossaa maxaafai, “Audiyan kattaa yedhdhiya booraa doonaa qachchoppa” qassi, “Oosanchchai ba damoozaa ekkanau bessees” yaagees.

Yaaqooba 5:4

Akeekite; intte gaden kattaa cakkida asatuyyo qanxxibeenna keraa miishshai waassees; eta waasoi wolqqaama Godaa haittan siyettiis.