Zaarettido Wogaa 23:7 - Wolaytta Bible

⁷ “Intteyyo eti dabbo gidiyo gishshau, Eedoomata karidi ixxoppite; qassi Gibxxetakka ixxoppite. Aissi giikko, intte eta biittan bete gididi de7ideta.

Zaarettido Wogaa 23:7 ပူးပေါင်းရင်းမြစ်များ

Doomettaabaa 25:30

Eesawi Yaaqooba, “Tana ha zo7o woxiyaappe miza; tana namisai worees” yaagiis. (Hegaa gishshau qassi a sunttai Eedooma geetettiis.)

Doomettaabaa 46:7

I ba attuma naatanne ba naatu attuma naata, ba macca naatanne ba naatu macca naata, hegeenne ba zerettaa ubbaa banaara Gibxxe efiis.

Doomettaabaa 47:12

Yooseefi qassi ba aawaayyo, ba ishanttuyyoonne ba aawaa so asa ubbau eta naatu qoodaadan kattaa immiis.

Doomettaabaa 47:27

Israa7eelati Gibxxe biittan Geseema giyoosan uttidosona; eti yan aqo demmidosona; eti yelettidosonanne daro corattidosona.

Doomettaabaa 47:6

Simmi Gibxxe biittai ne kushiyan de7ees; ha biittan ubbasaappe aadhdhidi lo77iyaasan ne aawaanne ne ishantta wotta; eti Geseema biittan de7ona. Neeni erin, eta giddoppe dumma eratettai de7iyoogeeti de7ikko, hegeeta ta mehiyaa bolli suntta” yaagiis.

Kawotu Maxaafaa Koiruwaa 11:25

Hadaadi medhdhido metuwaa bollikka gujjidi, Solomoni de7ido keenan ubban Razooni Israa7eelatuyyo baarigaara gidiis; yaatidi i Sooriyan kawotidi Israa7eela asaa morkkiis.

Izira Maxaafaa 9:12

Hegaa gishshau, intte mino gidana mala, he biittaa aifiyaa maana malanne merinau intte naatussi laatissana mala, intte macca naata eta attuma naatuyyo immoppite; eta macca naatakka intte attuma naatuyyo ekkoppite. Eti sarotettaaninne duretettan de7ana malakka amottoppite' yaagadasa.

Mazamure Maxaafaa 105:23

Hegaappe guyyiyan, Yaaqoobinne a keettaa asai Gibxxe geliis; he biittan bete gididi de7iis.

Kessaabaa 22:21

Betidi yiida asa qohoppite woikko un77oppite; aissi giikko, inttekka Gibxxe biittan bete gididi de7ideta.

Kessaabaa 23:9

“Betiyaa naaqqoppite; bete gidiyoogee aiba azzanttiyaabaakko ereeta; aissi giikko, intte intte huuphen bete gididi Gibxxe biittan de7ideta.

Wogaabaa 19:34

Intte biittan inttenaara de7iya bete asa intte biittaa asadan xeellite; a intte huuphedan siiqite. Aissi giikko, inttekka kase Gibxxe biittan bete gididi de7ideta. Taani, GODAI, intte Xoossaa.

Milkkiyaasa 1:2

GODAI ba asaa, “Taani inttena siiqaas” yaagees. SHin intte, “Neeni nuna aibin siiqadii?” yaageeta. Yaagin GODAI, “Eesawi Yaaqooba ishaa gidenneeyye? Gidikkonne taani Yaaqooba siiqaas;

Qoodaabaa 20:14

Muusee Qaadeesappe Eedooma biittaa kawuwaakko, ba kiitettiyaageeta hagaadan yaagidi kiittiis; “Ne dabbo gidiya Israa7eela asai hagaadan yaagees; 'Nuna gakkida meto ubbaa neeni eraasa.

Zaarettido Wogaa 10:19

Inttekka beteta siiqite; aissi giikko, intte intte huuphiyaukka bete gididi Gibxxen de7ideta.

Zaarettido Wogaa 23:8

Etayyo heezzantto yeletaa naati GODAA asaa maabaraa gelanau danddayoosona.