Zaarettido Wogaa 23:5 - Wolaytta Bible

⁵ Qaxarinkka GODAI, intte Xoossai, Balaami giyoogaa siyanau koyibeenna; a qanggettaa intteyyo anjjuwau laammiis. Aissi giikko, GODAI intte Xoossai inttena siiqees.

Zaarettido Wogaa 23:5 ပူးပေါင်းရင်းမြစ်များ

Sameela Maxaafaa Naa77anttuwaa 16:12

Ooni erii, GODAI ta metuwaa be7idi, taani hachchi ekkiyo qanggettaa gishshau taayyo kehaa zaaranaakkonne” yaagiis.

Nahimiyaa Maxaafaa 13:2

Aissi giikko, Israa7eela asai Gibxxeppe kiyidi, Kanaane biyo wode, Moo7aabanne Amoona biittaa asai etau kattaanne haattaa immennan ixxidosona. Hegaa bollikka qassi Israa7eela asaa qanggana mala, Balaamassi miishshaa immidi shammidosona. Gido shin, nu Xoossai qanggettaa anjjuwau laammiis.

Mazamure Maxaafaa 73:1

Xoossai Israa7eelayyo tumuppe lo77o; wozanaa geeshshatuyyo i keha.

Leemiso Maxaafaa 26:2

Kafoti yaanne haanne paallidi, asa qohennaagaadan, gaasoi bainnan qanggiyo qanggetti asa gakkenna.

Ermmaasa 31:3

taani GODAI etau haahosaappe hagaadan yaagaidda qonccaas; 'Israa7eela asau, taani inttena merinaa siiquwan siiqais; ta aggenna siiquwan taani inttena taakko shiishshaas.

Hizqqeela 16:8

“'“Naa77anttuwaa taani hegaara kanttaidda, nena xeelliyo wode, neeni gelossi gakkada borssida asa gidadasa. Yaatin, ta maayuwaa ne bolli yeggada, ne kalluwaa kammaas. Taani neeyyo caaqqada nenaara maachchaa maacettin, neeni taaro gidadasa. Taani Ubbaa Haariya GODAI hagaa odais.

Mikiyaasa 6:5

Ta asau, Moo7aaba Kawuwaa Baalaaqi halchchidobaanne Bi7oora na7ai Balaami au zaaridobaa hassaya. SHiixima giyoosaappe Gelggali neeni biyo wode, ogiyan hanidabaa ane hassaya. Hegaa hassayikko, taani GODAI nena ashshanau oottido oosuwaa neeni akeekana” yaagees.

Milkkiyaasa 1:2

GODAI ba asaa, “Taani inttena siiqaas” yaagees. SHin intte, “Neeni nuna aibin siiqadii?” yaageeta. Yaagin GODAI, “Eesawi Yaaqooba ishaa gidenneeyye? Gidikkonne taani Yaaqooba siiqaas;

Qoodaabaa 22:35

Yaagin GODAA kiitanchchai Balaama, “Neeni ha asatuura ba; shin taani neeyyo yootiyoogaa xalaalaa haasaya” yaagiis. Yaagin Balaami Baalaaqa biittaa halaqatuura biis.

Qoodaabaa 22:5

Amaawa biittan Efiraaxiisa SHaafaa matan Patoora kataman de7iya Bi7oora na7aa Balaamakko asa kiittiis. Kiittiiddi Baalaaqi, “Be7a, Gibxxeppe daro asai kiyiis; eti biitta ubbaa maayidi, taappe ya baggan de7oosona.

Qoodaabaa 24:9

Israa7eela asai gaammuwaadan zin77ees. Macca gaammeedan eta denttanau ooni xalanee? Inttena anjjiya ubbai anjjettidaagaa gidana; inttena qanggiya ubbai qanggettidaagaa gidana” yaagiis.

Roome 11:28

Aihuda gidenna asatoo, Aihudati wonggeliyaa mishiraachchuwaa baggaara intte gishshau, Xoossaara morkke; shin Xoossaa dooruwaa baggaara aawatu gishshau, eti i siiqiyoogeeta.

Roome 8:31

Yaatin, nuuni hagaa ubbaa woiganee? Xoossai nu bagga gidikko, nuna oonee qohanai?

Roome 9:13

Xoossaa maxaafai, “Yaaqooba siiqaas; shin Eesawa ixxaas” yaagees.

Naa77antto Qoronttoosa 4:17

Aissi giikko, ha77issau nuuni waayettiyo ha guutta waayee, ubbaappe keehi gitatiya merinaa bonchchuwaa nuuyyo beetissana.

Zaarettido Wogaa 2:29

Eedooman de7iya Eesawa zaretinne, Eeran de7iya Moo7aaba zareti nuna kanttissidoogaadan, GODAI nu Xoossai, nuuyyo immiyo biittau Yorddaanoosa SHaafaa nuuni pinnana gakkanaashin, oge xallaara nuna aatta' yaagaas.

Zaarettido Wogaa 33:3

GODAU neeni ne asaa siiqadasa. Geeshshati ubbai ne kushiyan de7oosona; ne gediyaa xaphon gulbbatidi goinnoosona; yaanidi neeppe azazuwaa ekkoosona.

Zaarettido Wogaa 4:37

I hegaa oottidoogee intte aawata siiqidoogaappe denddidaagan, etappe guyyiyan yelettiya eta zareta doorido gishshaassa. Qassi inttenakka Gibxxeppe ba gita wolqqan kessido gishshaassa.

Yaasu Maxaafaa 24:10

shin taani Balaamabaa siyabeikke. Hegaa gishshau i inttena anjjiis; yaatin, taani inttena Baalaaqa kushiyaappe ashshaas.