Zaarettido Wogaa 23:21 - Wolaytta Bible

²¹ “GODAAYYO, ne Xoossaayyo, immanau geppidobaa immanau gam77oppa. GODAI ne Xoossai neeni geppidoogaa kumettan neeppe koyiyo gishshau, polana xayikko, neeyyo nagara gidana.

Zaarettido Wogaa 23:21 ပူးပေါင်းရင်းမြစ်များ

Doomettaabaa 28:20

Yaaqoobi hagaadan yaagidi shiiqettiis; “Ta aawaa soo taani saro simmana mala Xoossai tanaara gidikko, taani biyo ha buussan tana naagikkonne tau miyo qumanne maayiyo maayo immikko, GODAI ta Xoossaa gidana;

Iyyooba Maxaafaa 22:27

Neeni Xoossaa woossana; woossin i siyana; qassi neeni ne shiiquwaa ayyo gattana.

Mazamure Maxaafaa 116:18

Asaa ubbaa sinttan taani shiiquwaa GODAAYYO gattana.

Mazamure Maxaafaa 15:5

ba miishshaa dichchau immennaagaa, xillo asa bolli wordduwaa markkattanau mattaayiyaa ekkennaagaa. Ha yohota oottiyaagee merinaukka qaaxxenna.

Mazamure Maxaafaa 50:14

Hegaa gishshau, Xoossaassi neeni immiyo yarshshoi galata gido; Ubbaappe Xoqqiya Xoossaassi ne shiiquwaa gatta.

Mazamure Maxaafaa 56:12

Abeet Xoossau, taani neessi shiiqettidobaa oottana; hegaa galataa yarshshuwaa taani neeyyo immana.

Mazamure Maxaafaa 61:8

Yaatiyaabaa gidikko, taani ta shiiquwaa gallassi gallassi gattaidda, ne sunttaa ubbaton sabbana.

Mazamure Maxaafaa 76:11

GODAAYYO, intte Xoossaayyo, shiiqettidoogaa gattite. Inttenoo shooro kawotettatoo, yayettanau bessiyaagaayyo immiyoobaa ehiite.

Kessaabaa 22:24

taani eta waasuwaa tumuppe siyana; he wode ta hanqqoi intte bolli denddana; taani inttena bisuwan wurssana; intte keettaayeti am77e intte naatikka aawu bainnaageeta gidana.

Hizqqeela 18:8

i woriyaa ekkanau dichchau tal77ana xayikko, ba kushiyaa balaappe shiishshi ekkikko, asaa giddon tumaa pirddikko,

Yoonaasa 1:16

Yaatin, asati GODAASSI keehi yayyidosona; GODAASSI yarshshuwaa yarshshidosona; shiiquwaakka shiiqqidosona.

Yoonaasa 2:9

SHin taani galataara neeyyo yarshshana; taani shiiqqidobaa ubbaakka gattana. Aissi giikko, atotettai GODAAPPE yees” yaagiis.

Naahooma 1:15

Be7ite, issi kiitettidaagee lo77o mishiraachchuwaa odiiddinne sarotettaa awaajjiiddi, xoqqa deretu bollaara gakkiis. Inttenoo, Yihudaa asatoo, intte morkketi muleera xayidosona; eti naa77antto intte biittaa woraajjokkona. Hegaa gishshau, intte baalata bonchchite; intte shiiqqidobaakka gattite.

Maatiyoosa 5:33

“Qassi beni asaa, ‘Wordduwan caaqqoppa, shin ne Godau caaqqidoogaa pola’ giidoogaa siyideta.

Zaarettido Wogaa 14:29

Hegaa intte kataman de7iya inttenaara shaakki ekkido, hara laati bainna Leewati, beteti, aawi bainna naatinne am77e maccaasati yiidi moona; miidikka kallona. Yaatikko, intte oottiyo intte kushiyaa ooso ubban GODAI intte Xoossai inttena anjjana.

Zaarettido Wogaa 15:3

Hara biitta asau intte tal77ido acuwaa ekkanau danddayeeta; shin intte intte zaretussi tal77idobaa ubbaa maarite.

Zaarettido Wogaa 23:18

Hegaadankka, attumaagaa gidin, maccaaro gidin, shaaramuxan demmido miishshaa shiiquwaa gattanau GODAA intte Xoossaa keettaa ehooppona. Aissi giikko, eta naa77aakka GODAI intte Xoossai shenetees.

Zaarettido Wogaa 23:22

SHin neeni geppana xayikko, hegan neeyyo nagari baa.

Sameela Maxaafaa Koiruwaa 20:16

Hegaa gishshau, Yonaataani, “GODAI Daawita morkketa achcho” yaagidi Daawita keettaa asaara maachchaa maacettiis.