Zaarettido Wogaa 23:20 - Wolaytta Bible

²⁰ Hara biittaa asaappe dichchaa oichchanau danddayaasa; shin neeni laattanau geliyo biittan neeni oottiyooban ubban GODAI ne Xoossai nena anjjana mala, ne zare gidiya Israa7eela asaassi dichchau tal77oppa.

Zaarettido Wogaa 23:20 ပူးပေါင်းရင်းမြစ်များ

Nahimiyaa Maxaafaa 5:7

Oottiyoobaa ta wozanan qoppoogaappe guyyiyan, asaa kaalettiyaageetanne halaqata xeegada hagaadan yaagaas; “Intte ubbai intte ishantta dichchaa qanxxissiyoogan huqqunneeta” yaagada etaara ooyettaas. He metuwaabaa haasayidi birshshanau gita galchchaakka shiishshaas.

Mazamure Maxaafaa 15:5

ba miishshaa dichchau immennaagaa, xillo asa bolli wordduwaa markkattanau mattaayiyaa ekkennaagaa. Ha yohota oottiyaagee merinaukka qaaxxenna.

Kessaabaa 22:24

taani eta waasuwaa tumuppe siyana; he wode ta hanqqoi intte bolli denddana; taani inttena bisuwan wurssana; intte keettaayeti am77e intte naatikka aawu bainnaageeta gidana.

Kessaabaa 22:25

“Intte giddon de7iya ta asaappe issi hiyyeesau miishsha tal77ikko, miishsha dichchau immiya asadan hanoppite; neeni dichchaa a oichchoppa.

Leemiso Maxaafaa 19:17

Hiyyeesaassi kehiya asi GODAASSI tal77ees; GODAI he lo77o oosuwaa acuwaa qanxxees.

Isiyaasa 1:19

Intte eeno giidi, tau azazettikko, biittaappe mokkiya murutaa maana.

Isiyaasa 24:2

Hara asaa bollan haniyoogaadan, qeesetu bollankka, ashkkaraa bollan haniyoogaadan godaa bollankka, ashkkaree bollan haniyoogaadan godee bollankka, shammiyaagaa bollan haniyoogaadan baizziyaagaa bollankka, tal77iyaa immiyaagaa bollan haniyoogaadan tal77iyaa ekkiyaagaa bollankka, acuwaa achchiyaagaa bollan haniyoogaadan, acuwaa ashettiyaagaa bollankka hanana.

Hizqqeela 18:8

i woriyaa ekkanau dichchau tal77ana xayikko, ba kushiyaa balaappe shiishshi ekkikko, asaa giddon tumaa pirddikko,

Wogaabaa 25:36

Ne ishaa nenaara wottanau appe dichchaa ekkoppa; woikko wore mooppa. SHin neeni ne Xoossaassi yayya.

Luqaasa 14:14

Eti ne kushiyaa zaaranau danddayenna gishshau, neeni anjjettana. Xilloti haiquwaappe denddiyo wode ne kushiyaa Xoossai zaarana” yaagiis.

Koiro Qoronttoosa 15:58

Taani siiqiyo ta ishatoo, hegaa gishshau, qaaxxennan minnidi eqqite. Intte daafurai Godaa baggaara mela gidennaagaa eridi, ubba wode Godaa oosuwaa azallennan oottite.

Zaarettido Wogaa 14:21

“Intte GODAASSI, intte Xoossaassi, geeshsha asa gidiyo gishshau, bautidabaa ubbaa aibanne mooppite. Hegaa intte kataman de7iya beteti maanaadan etau immanau danddayeeta; woikko hara biittaa asassi baizzanau danddayeeta. “Deeshsha maraa a aayee maattan doissoppa.

Zaarettido Wogaa 15:10

Neeni ayyo coo imma; neeni ayyo immiyo wode, ne wozanan aissi immiyaanaa gooppa; yaatikko, intte ooso ubban, intte oiqqidoban yedhdhidoban ubban GODAI intte Xoossai inttena anjjana.

Zaarettido Wogaa 15:3

Hara biitta asau intte tal77ido acuwaa ekkanau danddayeeta; shin intte intte zaretussi tal77idobaa ubbaa maarite.

Zaarettido Wogaa 28:12

“Ne kushiyaa oosuwaa ubbaa anjjanaunne, GODAI ne biittaassi iraa wodiyan bukissanau ba minjja keettaa, saluwaa penggiyaa neeyyo dooyana; qassi neeni daro kawotettatussi tal77anappe attin, ooppenne haa tal77akka.