Zaarettido Wogaa 2:7 - Wolaytta Bible

⁷ “GODAI intte Xoossai intte oottidobaa ubbaa anjjiis; intte ha gooba bazzuwan hemettiyo wode, inttena naagiis. Ha oitamu laitta ubban GODAI intte Xoossai inttenaara de7iis. Aibanne intteyyo pacissibeenna.

Zaarettido Wogaa 2:7 ပူးပေါင်းရင်းမြစ်များ

Doomettaabaa 12:2

Taani nena gita kawotetta oottana; qassi taani nena anjjana; taani ne sunttaa gitayana; yaatin neeni anjjo gidana;

Doomettaabaa 24:35

GODAI ta godaa keehi anjjin, i duretiis; dorssaa, miizzaa, biraa, worqqaa, attuma ashkkarata, macca ashkkarata, gaameelatanne hareta ayyo immiis.

Doomettaabaa 26:12

Yisaaqi he biittan kattaa zeridi, he laittankka xeetu kushiyaa cakkiis; aissi giikko, GODAI a anjjiis.

Doomettaabaa 30:27

SHin Laabaani a, “Taani neeyyo issibaa odais; GODAI ne gaasuwan tana anjjidoogaa taani be7aas.

Doomettaabaa 39:3

GODAI aara de7iyoogaanne GODAI i oottidobaa ubbaa ayyo injjeyiyoogaa PHoxiifaari be7ido wode,

Doomettaabaa 39:5

PHoxiifaari ba keettan de7iyaabaa ubbaa bollinne ba aquwaa ubbaa bolli sunttido wodiyaappe doommidi, GODAI Gibxxe bitaniyaa keettaa Yooseefa gishshau anjjiis. GODAA anjjoi PHoxiifaarayyo sooninne gaden de7ida ubbabaa bolli wodhdhiis.

Nahimiyaa Maxaafaa 9:21

Oitamu laittaa ubbaa eti bazzuwan hemettiyo wode, etau koshshiyaabaappe issibaanne xaissabaakka. Eta maayoi wuribeenna; eta gedeekka kixxibeenna.

Iyyooba Maxaafaa 23:10

SHin i ta tangguwaa ubbaa erees; i tana paaccikko, taani worqqaadan geeshsha gidiyoogaa i be7ana.

Mazamure Maxaafaa 1:6

Aissi giikko, GODAI xillotu ogiyaa erees; shin iitatu ogee xayana.

Mazamure Maxaafaa 107:4

Etappe issoti issooti bazzo biittan yuuyidosona. Bantta de7iyo katamaa biyo ogiyaa demmanau danddayibookkona.

Mazamure Maxaafaa 31:7

Ta metuwaa neeni be7ido gishshaunne ta tuggaa neeni erido gishshau, taani aggenna ne siiquwan ufaittananne ufaissau poocu gaana.

Mazamure Maxaafaa 90:17

Godaa nu Xoossaa kehatettai nu bollan gido; nu kushiyaa oosuwaa nuussi injjeya. Ee, nu kushiyaa oosuwaa injjeya.

Kessaabaa 16:35

Israa7eelati bantta de7iyo biittaa yaana gakkanaassi oitamu laittaa mannaa miidosona; eti Kanaane biittaa zawaa gakkana gakkanaassi mannaa miiddi de7idosona.

Ermmaasa 2:2

“Ba; baada Yerusalaame asaa haittan hagaadan yaagada awaajja; 'Neeni yelagatettan taayyo ai keena ammanettidaakko, qassi neeni biron mishiran de7iyo wode, tana ai keena siiqidaakko, taani GODAI hassayais. Neeni bazzo gidduwaara, zeretti zeretti erenna biittaara tana kaalladasa.

Hoose7a 13:5

Bazzuwan, mela biittan taani inttena naagaas.

Amoxa 2:10

Taani inttena Gibxxe biittaappe kessada, bazzon oitamu laittaa kaalettaas; qassi Amooretu biittaakka intteyyo laata oottada immaas.

Qoodaabaa 1:1

Siinaa Bazzuwan, Xoossaa Dunkkaaniyaa giddon, Israa7eela asai Gibxxe biittaappe kiyido naa77antto laittan, naa77antto aginan, he aginau koiro gallassan, GODAI Muusa hagaadan yaagiis;

Qoodaabaa 14:33

Intte ammanettibeenna gishshau, intte wurssetta ahai ha bazzuwan wullana gakkanaassi, intte naati waayettiiddi, ha bazzuwan oitamu laittaa henttanchcha gididi yuuyana.

Qoodaabaa 14:34

Intte he biittaa wochchido he oitamu gallassaa qoodan, issi gallassaayyo issi laittaa, hegeenne, oitamu laittau intte nagaraa gishshau intte waayettana; taani intte bolli denddiyoogaa intte erana' yaaga yoota.

Qoodaabaa 22:12

Yaagin Xoossai Balaama, “Neeni etaara booppa. Israa7eelati anjjettidaageeta gidiyo gishshau, neeni he asaa qanggoppa” yaagiis.

Qoodaabaa 32:13

GODAA hanqqoi Israa7eela bolli eexxi kiyiis; yaatin GODAA sinttan iitaa oottida he yeleta ubbai wuri xayana gakkanaassi, bazzuwan oitamu laittaa i eta toilayiis.

Luqaasa 22:35

Yesuusi ba erissiyo ashkkaratussi, “Korjjoi woi qarcciiti woi caammi bainnan taani inttena kiittido wode, inttessi paccidabi de7ii?” yaagiis. Yaagin eti, “Aibinne baawa” yaagidosona.

Yohaannisa 10:27

Ta dorssati ta qaalaa siyoosona; taani eta erais; etikka tana kaalloosona.

Zaarettido Wogaa 1:19

“Hegaappe guyyiyan, nuuni Siinaa Deriyaappe denddida; denddidi GODAI nu Xoossai nuna azazidoogaadan, deretiya Amooretu biittaa biyo ogiyan de7iya he intte be7ido gitanne yashshiya bazzuwaa kanttidi, Qaadeesa-Barnne gakkida.

Zaarettido Wogaa 1:46

Yaanin Qaadeesan he intte gam77ido keena gallassaa gam77ideta.

Zaarettido Wogaa 2:14

Nuuni Qaadeesa-Barnneppe denddidi, Zareeda SHaafaa pinnana gakkanaashin de7iya wodee hasttamanne hosppun laitta; he wode GODAI etayyo caaqqidoogaadan, olau gakkida he yeletaa attumaageeti ubbai wuridosona.

Zaarettido Wogaa 2:6

Intte miyo qumaanne uyiyo haattaa, etappe miishshan shammite” yaagada azaza' yaagiis.

Zaarettido Wogaa 29:4

SHin hachchi gakkanaashin, GODAI intteyyo akeekiya wozanaa, xeelliya aifiyaanne siyiya haittaa immibeenna.

Zaarettido Wogaa 29:5

GODAI oitamu laittaa kumettaa inttena biittaa bazzuwan kaalettiyo wode, intte maayoi intte bollaappe wuribeenna, intte caammaikka intte tohuwaappe wuribeenna.

Yaasu Maxaafaa 5:6

Israa7eela asai GODAASSI azazettennan ixxido gishshau, Gibxxeppe kiyiyo wode laittai olau gakkido attumaasai ubbai haiqqidi wurana gakkanaashin bazzon oitamu laittaa yuuyiis. Hegeenne, GODAI eta, “Eessainne maattai goggiyo aradda biittaa, taani kase intte maizza aawatussi immana giido he biittaa intte be7ekketa” giido qaalai polettanaassa.