Zaarettido Wogaa 2:30 - Wolaytta Bible

³⁰ “SHin Haseboona Kawoi Sihooni nuna kanttissennan diggiis. Aissi giikko, GODAI intte Xoossai hachchi intte be7iyoogaadan, a intte kushiyan aattidi immanau a wozanaa minttidi, a morgge zozza oottiis.

Zaarettido Wogaa 2:30 ပူးပေါင်းရင်းမြစ်များ

Kawotu Maxaafaa Koiruwaa 12:15

Kawoi asai giyoogaa siyennan ixxiis; aissi giikko, GODAI Seeloppe yiida Akiiya baggaara kase Nabaaxa na7aa Iyorbbaamayyo yootido qaalai polettanaadan hagee GODAAPPE haniis.

Hanidabaa Odiya Naa77antto Maxaafaa 10:15

Kawoi asai giyoogaa siyennan ixxiis; aissi giikko, GODAI Seeloppe yiida Akiiya baggaara kase Nabaaxa na7aa Iyorbbaamayyo yootido qaalai polettanaadan hagee Xoossaappe haniis.

Kessaabaa 11:10

Muuseenne Aarooni ha maalaalissiyaabata ubbaa kawuwaa sinttan oottidosona; oottinkka GODAI kawuwaa wozanaa dammissiis; yaanin i Israa7eelata ba biittaappe yeddennan ixxiis.

Kessaabaa 4:21

GODAI Muusa, “Neeni Gibxxe simmada biyo wode, taani neeyyo immido wolqqan neeni oottana malaatata ubbaa Gibxxe kawuwaa sinttan neeni oottanaagaa baloppa. Yaaninkka asaa i yeddenna mala, taani a wozanaa dammissana.

Kessaabaa 7:14

GODAI Muusa, “Kawuwaa wozanai dammiis; asaa i yeddennan ixxiis.

Isiyaasa 48:4

Aissi giikko, neeni yootin siyennaagaa, ne morggee birataa mala gidiyoogaa, ne som77oikka nahaasiyaa giyo birataadan leeqqamennaagaa taani eraas.

Ermmaasa Zilaassaa 3:65

Eta wozanaa dammetta! Ne qanggettai eta gakko!

Qoodaabaa 21:23

SHin Sihooni ba biittaara Israa7eela asaa kanttissennan diggiis; i ba olanchchata ubbaa shiishshidi, Israa7eela asaa olanau bazzo biis; Yahaaxa giyoosaa bi gakkidi, Israa7eela asaara olettiis.

Qoodaabaa 21:33

Hegaappe guyyiyan, Israa7eelati simmidi, Baasaane efiya ogiyaara kiyidosona. Kiyin Baasaane Kawoi Oogi ba olanchchatu ubbaara Ediraa7a giyo katamaa etaara olettanau kiyiis.

Qoodaabaa 21:34

SHin GODAI Muusa, “Ayyo yayyoppa! Aissi giikko, taani Kawuwaa Ooga a asaa ubbaaranne a biittaara ne kushiyan aattada immaas. Haseboonan uttidi haarida Amooretu Kawuwaa Sihoona bolli oottidoogaadan, neeni a bollikka oottana” yaagiis.

Zaarettido Wogaa 2:31

“Hegaappe guyyiyan GODAI tana, 'Be7a, Sihoonanne a biittaa taani neeyyo imettaa doommaas; ha77i xoonada, a biittaa laatta' yaagiis.

Daannatu Maxaafaa 11:20

SHin Sihooni Israa7eela asaa aattanau ammanibeenna. I ba asaa ubbaa shiishshidi, Yahaaxa giyoosan dunkkaanidi, Israa7eela asaara olettiis.