Zaarettido Wogaa 2:15 - Wolaytta Bible

¹⁵ Dunkkaanidosaappe eti muleera dim77i giidi xayana gakkanaashin, GODAA kushee eta bolli de7ees.

Zaarettido Wogaa 2:15 ပူးပေါင်းရင်းမြစ်များ

Mazamure Maxaafaa 106:26

Hegaa gishshau, i eta bazzon xaissanaagaa, eta zerettaa kawotettatu giddon laalanaagaanne biittan sa7an eta bete kessanaagaa ba kushiyaa denttidi caaqqiis.

Mazamure Maxaafaa 32:4

Gallassinne qammi ne kushee ta bolli deexxiis. Haattai bone awan melidi wuriyoogaadan, ta wolqqai wuriis.

Mazamure Maxaafaa 78:33

Hegaa gishshau, i eta gallassata carkkuwaadan, eta laittatakka akeekennan xaissiis.

Isiyaasa 66:14

Intte hegaa be7iyo wode, intte wozanai ufaittana; intte meqettaikka maataadan aacana. Qassi GODAA kushee a ashkkaratuura de7iyoogeenne a hanqqoi a morkketu bollan de7iyoogee erettana” yaagees.

Qoodaabaa 14:28

Hegaa gishshau, neeni etau hagaadan yaagada oda; 'Ta de7uwan caaqqais; taani intte haasayishin ta haittan siyidoogaa intteyyo oottana. Taani GODAI hegaa odais.

Koiro Qoronttoosa 10:5

SHin Xoossai etappe dariya baggatun ufaittibeenna gishshau, eta ahai bazzon laalettiis.

Yihudaa 1:5

SHin intte ha ubbabaa eriyaabaa gidikkokka, Godai Israa7eela asaa Gibxxe biittaappe waati ashshidaakkonne qassi ammanibeennaageeta guyyeppe waati xaissidaakko, taani inttena hassayissanau koyais.

Daannatu Maxaafaa 2:15

Eti olettanau kiyido wode ubban, GODAI kase etassi caaqqidoogaadan eti xoonettana mala, i eta bolli denddiis. Yaatin, eti keehippe waayettidosona.

Sameela Maxaafaa Koiruwaa 5:11

Hegaa gishshau, Pilisxxeema halaqata xeesi shiishshidi, “Israa7eela Xoossaa Taabootaa hagaappe diggite; i guyye ba sohuwaa simmo; hegee xayikko, nunanne nu asaa worana” yaagidosona. Aissi giikko, katamaa ubban haiquwaa dagamai de7ees; GODAA kusheekka katamaa bolli wolqqaamiis.

Sameela Maxaafaa Koiruwaa 5:6

Ashddooda katamaa bollinne hegaa heeran de7iya asaa bolli GODAA kushee wolqqaamiis; GODAI eta bollan boshaa yeddidi, kixa harggiyan eta qaxxayiis.

Sameela Maxaafaa Koiruwaa 5:9

SHin Taabootai Gaate gakkidoogaappe guyyiyan, GODAA kushee he katamaa bolli wolqqaamidi, keehi gita daganttuwaa daganttiis; yaatidi kataman de7iya asaa naatuppe cimaa gakkanaassi kixa harggiyan shociis.

Sameela Maxaafaa Koiruwaa 7:13

Pilisxxeema asatikka xoonettidosona; eti Israa7eela biittaa bolli naa77anttuwaa woraajjibookkona. Sameeli de7ido laitta ubban GODAA kushee Pilisxxeema asatu bolli wolqqaamiis.