Zaarettido Wogaa 16:9 - Wolaytta Bible

⁹ “Intte kattaa cakkanau koiro doommido wodiyaappe doommidi, laappun saaminttaa kumettaa qoodite.

Zaarettido Wogaa 16:9 ပူးပေါင်းရင်းမြစ်များ

Hanidabaa Odiya Naa77antto Maxaafaa 8:13

Muuse higgee azaziyoogaadan hachchi hachchissi bessiya xuuggiyo yarshshuwaa yarshshees. Solomoni Sambbatan Sambbataaninne aginai xeeriyo wodiyan wodiyan, qassi laittaappe heezzuton bonchchiyo baalatun (Oittaa Baalan, Saaminttatu Baalaaninne Daase Baalan) GODAAYYO yarshshuwaa yarshshees.

Kessaabaa 23:16

“Qassi intte intte gaden zerin, koiro gakkida kattaa cakkiyo wode, Kattaa Cakkiyo Baalaa bonchchite. “Qassikka laittaa wurssettan, kattaa aifiyaa gadeppe shiishshiyo wode, SHiishuwaa Baalaa bonchchite.

Kessaabaa 34:22

“Baira zerettida gisttiyaa intte cakkiyo wode, Saaminttatu Baalaa bonchchite; laittaa wurssetta kattaa shiishshiyo wodekka, SHiishuwaa Baalaa bonchchite.

Yesuusi Kiittidoogeetu Oosuwaa 2:1

PHenxxaqosxxe giyo gallassai gakkido wode, ammaniyaageeti ubbati issippe gididi, issisaa shiiqidaashin,

Koiro Qoronttoosa 16:8

SHin taani PHenxxaqosxxe giyo gallassai gakkanaassi Efisoonan gam77ana.

Zaarettido Wogaa 16:10

Yaatidi GODAI intte Xoossai inttena anjjidoogaa keenaa intte intte dosan coo immiyo imuwaa ehiidi, GODAAYYO, intte Xoossaayyo, Saaminttatu Baalaa bonchchite.

Zaarettido Wogaa 16:16

“Intte biittan attuma asa gidida ubbai laittan heezzutoo, Oittaa Baalaa wode, Saaminttatu Baalaa wodenne Daase Baalaa wode, GODAA intte Xoossaa sinttan i dooriyo sohuwan beetto. Eti GODAA sintti yiiddi, mela kushe yooppona.

Ibraawe 2:1

Hegaa gishshau, nuuni siyido tumu yohuwaappe wora beenna mala, he yohuwaa mintti oiqqanau bessees.

Uruti Maxaafaa 2:23

Hegaa gishshau, Uruta Boo7eeza macca ashkkaratukko shiiqada, banggaanne gisttiyaa cahai wurana gakkanaashin, poshiluwaa qoraidda takkaasu. Qassi ba bolloteera issippe de7aasu.