Zaarettido Wogaa 16:19 - Wolaytta Bible

¹⁹ Xillo pirddaa geellayoppite; som77uwaa xeellidi maaddoppite. Maganxxaa ekkoppite; aissi giikko, maganxxai aadhdhida eranchchatu aifiyaakka qooqissidi, xillotu qaalaakka geellayees.

Zaarettido Wogaa 16:19 ပူးပေါင်းရင်းမြစ်များ

Mazamure Maxaafaa 15:5

ba miishshaa dichchau immennaagaa, xillo asa bolli wordduwaa markkattanau mattaayiyaa ekkennaagaa. Ha yohota oottiyaagee merinaukka qaaxxenna.

Kessaabaa 18:21

Qassi asaa ubbaa giddon danddayiya asata, Xoossaayyo yayyiyaageeta, ammanettidaageetanne mattaayiyaa miyoogaa ixxiyaageeta doora. Doorada etappe asaayyo shaalaqata, mato halaqata, hamssaalaqatanne assiraalaqata oottada suntta.

Kessaabaa 23:2

Iitabaa oottanau daro asaa kaalloppa; pirddaa geellayanau daro asaara maayada markkattoppa.

Kessaabaa 23:3

Hiyyeesai pirddau shiiqikko, mootuwan a metuwaa xeellada maaddoppa.

Leemiso Maxaafaa 15:27

Wordduwan woriyaa demmanau jaamiya asi ba so asaa bolli metuwaa ehees; shin mattaayiyaa ixxiya asi paxa de7ana.

Leemiso Maxaafaa 17:23

Iita daannai pirddaa geellayanau geeman mattaayiyaa ekkees.

Leemiso Maxaafaa 18:5

Mooranchchaa maaddidi, xilluwaa pirddaa geellayiyoogee lo77o gidenna.

Leemiso Maxaafaa 24:23

Aadhdhida eranchchati gujjidikka hagaadan yaagidosona: Pirddiiddi maaddiyoogee lo77o gidenna.

Leemiso Maxaafaa 24:28

Ne shooruwaa bolli gaasoi bainnan markkattoppa; ne doonankka cimmoppa.

Leemiso Maxaafaa 31:5

Eti uyiyo wode higgiyaa baloosona; balidi naaqettida asaa maataa shenehoo goosona.

Eranchchaa Maxaafaa 7:7

Sugetta oosoi aadhdhida eranchchaa eeyya kessees; maganxxuwaa asappe ekkiyoogeekka wozanaa bashshees.

Isiyaasa 1:17

lo77obaa oottanau tamaarite. Xillo pirddaa koyite; un77ettidaageetu morggiyaa oiqqite. Aawu bainnaageetuyyo pirddite; azini haiqqido maccaasatuyyo mootettite” yaagees.

Isiyaasa 1:23

Intte daannati makkalanchchatanne kaisotu exata gididosona; eti ubbatikka mattaayiyaa dosoosonanne miishshaa yedettoosona; aawi bainnaageetussi pirddokkona; azini haiqqido maccaasatu mootoi etakko shiiqenna.

Isiyaasa 33:15

Xillotettan hemettiyaagee, suurebaa haasayiyaagee, suure gidenna ogiyaara beettiya go77aa ixxiyaagee, mattaayiyaa ekkanau ba kushiyaa yeddennaagee, suuttaa gussiyoobaa siyennaadan, ba haittaa tucciyaagee, iitabaa xeellennaadan, ba aifiyaa qilimmiyaagee,

Ermmaasa 5:28

Eti orddenne modhdho gididi diccidosona. Eta iita oosuwaassi zawai baawa. Eti aawi bainna naata shatinttanau eta gishshaa mootettokkona; hiyyeesatu maataakka naagibookkona.

Hizqqeela 18:8

i woriyaa ekkanau dichchau tal77ana xayikko, ba kushiyaa balaappe shiishshi ekkikko, asaa giddon tumaa pirddikko,

Hizqqeela 22:12

Ne giddon de7iyaageetuppe issooti issooti miishshaa ekkidi, shemppuwaa woroosona; haraati bantta miishshaa dichchau immoosonanne, bantta shooruwaa miishshaa yashissidi ekkoosona. Qassi intte tana mulekka dogideta. Taani Ubbaa Haariya GODAI hagaa odais.

Wogaabaa 19:15

“'Pirddaa pirddaidda geellayoppa; hiyyeesaa a hiyyeesatettaa gishshau maaddada pirddoppa; duriyaakka a duretettaa gishshau yayyada aggoppa. SHin ne shooruwaayyo tumatettan pirdda.

Mikiyaasa 7:3

Eta kusheti naa77aikka iitabaa oottanau loohi uttidosona. Halaqainne daannai mattaayiyaa oichchoosona; gita asati bantta amottidobaa odoosona; eti ubbaikka issippe iitaa phuphphuroosona.

Imbbaaqooma 1:4

Hegaa gishshau, higgee leppiis; tumi kiyi erenna. Qassi nagaranchchati xillo asata dooddi oiqqido gishshau, pirddai geellattees” yaagiis.

Yesuusi Kiittidoogeetu Oosuwaa 10:34

PHeexiroosi haasayaa hagaadan yaagidi doommiis; “Xoossai asa som77o xeellenna; shin dere ubban baassi yayyiyaagaanne xillo ooso oottiyaagaa galatiyoogaa taani tumu akeekaas.

Yesuusi Kiittidoogeetu Oosuwaa 16:37

SHin PHauloosi he polise halaqata, “Nuuni Roome biittaa asa gidishin, eti nuna pirddi bainnan asaa sinttan wadhdhidi, qasho keettan yeggidosona. Ha77i nuna geeman kessi yeddiyoonaa? Hanenna; eti bantta huuphen yiidi, nuna kessona” yaagiis.

Yesuusi Kiittidoogeetu Oosuwaa 23:3

PHauloosi he wode a, “Laa ha aannuwan tiyido godau, Xoossaikka nena baqqana. Neeni ta bolli higgiyan pirddanau uttada, higgee bainnan tana baqqana mala azazai?” yaagiis.

Zaarettido Wogaa 10:17

Aissi giikko, GODAI intte Xoossai xoossatu Xoossaanne godatu Godaa. I gita Xoossaa; i wolqqaamanne yashshiya Xoossaa. I som77o xeelli pirddennaagaanne maganxxo ekkennaagaa.

Zaarettido Wogaa 16:18

“Intte zaretu ubbaassi GODAI intte Xoossai immiyo katamatun ubban intte daannatanne halaqata sunttite; etikka asaassi xillo pirddaa pirddona.

Zaarettido Wogaa 24:17

“Kare biitta asatu pirddaanne aawu aaya bainnaageetu pirddaa geellayoppa; am77ee maayuwaa a tal77idobau gaada oiqqoppa.

Zaarettido Wogaa 27:19

“'Betiyaa, aaya aawu bainna naatu pirddaanne am77ee pirddaa geellayiya asi qanggettidaagaa gido' yaagin, asai ubbai, 'Amin77i' yaago.

Zaarettido Wogaa 27:25

“'Miishshan shamettidi, xillo asa woriya asi qanggettidaagaa gido' yaagin, asai ubbai, 'Amin77i!' yaago.

Sameela Maxaafaa Koiruwaa 12:3

Hekko taani hagan eqqaas; GODAA sinttaaninne i tiyido kawuwaa sinttan ta bolli markkattite. Taani o boora ekkidanaa? O hare ekkidanaa? Oona cimmidanaa? Oona huqqunnidanaa? Ta aifiyaa qooqissanau o kushiyaappe mattaaye miidanaa? Hageetuppe issuwaanne taani oottidobaa gidikko, taani qanxxana” yaagiis.

Sameela Maxaafaa Koiruwaa 8:1

Sameeli cimido wode, ba naata Israa7eela bolli daanna oottidi sunttiis.

Sameela Maxaafaa Koiruwaa 8:3

A naati a ogiyaa hemettibookkona. Eti bessenna go77aa demmanaayyo wora simmidosona; mattaayiyaa ekkidi, xillo pirddaa mirqqidosona.