Zaarettido Wogaa 15:11 - Wolaytta Bible

¹¹ He biittan ubba wodekka hiyyeesi xayenna gishshau, taani nena Israa7eelatuyyo, ne biittan de7iya hiyyeesatuyyoonne metootanchchatuyyo keha gidanaadan azazais.

Zaarettido Wogaa 15:11 ပူးပေါင်းရင်းမြစ်များ

Kessaabaa 23:11

Laappuntta laitti gadiyaa goyennan shaachcha; yaatikko, ne asaa giddon de7iya hiyyeesati hegaappe miyoobaa demmana; qassi etappe attiyaagaa do7ati maana. Neeni ne woiniyaa turaakka ne wogaraakka hegaadan ootta.

Leemiso Maxaafaa 19:17

Hiyyeesaassi kehiya asi GODAASSI tal77ees; GODAI he lo77o oosuwaa acuwaa qanxxees.

Leemiso Maxaafaa 22:2

Duriyaanne manqquwaa ubbaakka GODAI medhdhiis; hegan eti naa77aikka lagge.

Leemiso Maxaafaa 31:20

A hiyyeesatussinne metootanchchatussi babaappe coo immausu.

Hizqqeela 18:7

oonanne huqqunnana xayikko, acuwaassi oiqqidobaa guyye zaarikko, issi uraanne bonqqana xayikko, bau de7iyaagaappe namisettida asa mizikko, kallottidaagaa maizzikko,

Maatiyoosa 26:11

Hiyyeesati ubba wode inttenaara de7oosona; shin taani inttenaara ubba wode de7ikke;

Maatiyoosa 5:42

Nena woossiya urau imma; qassi neeppe tal77ana koyiya uraukka diggoppa.

Marqqoosa 14:7

Hiyyeesati ubba wode inttenaara de7oosona; intte koyido wode audenne eta maaddanau danddayeeta; shin taani ubba wode inttenaara de7ikke.

Luqaasa 12:33

Inttessi de7iyaabaa baizzite; hiyyeesau immite; kaisoi shiiqennasan, bil77ai bochchennasan, saluwan wurenna miishshaa dagayidi, ceeggenna korjjuwaa intte huuphessi oottite.

Yohaannisa 12:8

Hiyyeesati ubba wode inttenaara de7ana; shin taani ubba wode inttenaara de7ikke” yaagiis.

Yesuusi Kiittidoogeetu Oosuwaa 2:45

Eti bantta biittaanne banttassi de7iyaabaa baizzi baizzidi, oonanne koshshido keena miishshaa ubbaassi shaakkidosona.

Zaarettido Wogaa 15:7

“GODAI intte Xoossai intteyyo immiyo biittan de7iya qeeri katamatuppe augaaninne de7iya intte lagge Israa7eelatu giddon issi asi hiyyeesikko, ayyo meqettaa iitoppite; qassi intte kushiyaakka shiishshi ekkoppite.

Zaarettido Wogaa 15:8

Intte kushiyaa ayyo birshshite; a koshshiyaabaa aibanne ayyo tal77ite.