Zaarettido Wogaa 12:30 - Wolaytta Bible

³⁰ eti intte sinttappe xayiichchin intte eta kaallanau, eta piriyan ohettennaadan naagettite; 'Nuunikka etadan goinnanau, ha kawotettati bantta xoossatussi waati goinniyoonaa' yaagidi, kaalli oichchennaadan naagettite.

Zaarettido Wogaa 12:30 ပူးပေါင်းရင်းမြစ်များ

Kawotu Maxaafaa Naa77anttuwaa 16:10

Hegaappe guyyiyan, Kawoi Akaazi Asoore Kawuwaa Tigilaati-Paleseeraara gaittanau Damasqqo biis. Biidi Damasqqon de7iya yarshshiyoosaa be7iis; be7idi a milatiya yarshshiyoosaa keexxana mala, he yarshshiyoosaa misiliyaanne keexxiyo hanotaa qeesiyaa Ooriyoonayyo kiittiis.

Kawotu Maxaafaa Naa77anttuwaa 17:15

Eti a wogaa, i eta aawatuura maacettido maachchaanne a seeraa karidosona. Eti shufuro eeqatau goinnidi, bantta huuphiyaukka shufuro gididosona. GODAI eta, “Intte yuushuwan de7iya dere asati oottiyoogaadan oottoppite” gi wottidaashin ixxidi, eti eta de7uwaa wogaa kaallidosona.

Kessaabaa 23:24

Eta xoossatu sinttan hokkoppite, woikko goinnoppite, woikko eta hanuwaa qulloppite. Intte eta xaissanaunne eta eeqa shuchchata mentterettanau koshshees.

Ermmaasa 10:2

GODAI hagaadan yaagees; “Deretu ogiyaa intte tamaaroppite. Dereti saluwaa bolli malaataa be7idi dagammikkokka, intte dagammoppite.

Hizqqeela 11:12

Taani GODAA gidiyoogaa intte hegan erana. Aissi giikko, intte ta azazuwaa kaallennan ixxideta; ta wogaakka naagennan ixxidi, intte yuushuwan de7iya kawotettatu wogaadan de7ideta” yaagees' yaaga” yaagiis.

Hizqqeela 20:28

Taani etau immanau caaqqido biittaa eta ehaas. Etikka xoqqa keraanne irxxa mittaa be7ido wode, etan ubban bantta yarshshuwaa yarshshidosona. Eti bantta xuuggiyo yarshshuwan, bantta cuwayiyo ixaanaaninne bantta gussiyo ushshaa yarshshuwan tana hanqqetissidosona.

Hizqqeela 20:32

Intte, 'Nuuni mittaunne shuchchau goinniya hara kawotettatu malanne sa7an de7iya asaa mala gidana' yaagidi qoppeeta. SHin intte qofai mulekka hanenna.

Wogaabaa 18:3

Intte kase de7ido Gibxxe biittaa asai oottiyoogaadan oottoppite; woikko ha77i taani inttena efiyo Kanaane biittaa asai oottiyoogaadankka oottoppite; eta wogaakka kaalloppite.

Wogaabaa 18:30

“'Hegaa gishshau intteppe kase de7ida asati oottido tuna oosota ubbaa oottidi intte tunennaadan, intte ta azazuwaa naagite; taani, GODAI, intte Xoossaa' yaaga” yaagiis.

Qoodaabaa 33:52

he biittan de7iya asaa ubbaa intte sinttappe yedettite; yedettidi shuchchaappe masettida eta misileta ubbaanne seerissidi medhdhido eeqata ubbaa xaissite. Eti goinniyo xoqqa sohota ubbaakka laalite.

Roome 12:2

Xoossai intte qofaa muumeera dummayidi, inttena laammoppe attin, ha sa7aa asaa milatoppite; he wode intte Xoossai koyiyoobi, lo77obi, a ufaissiyaabinne qassi kumettabi aibakko erana.

Efisoona 4:17

Hegaa gishshau, taani hagaa intteyyo Godaa sunttan odaisinne markkattais. Intte go77i bainna qofaa qoppiya Aihuda gidenna asatudan de7oppite.

Zaarettido Wogaa 11:16

“Intte wozanai balin wora simmidi, intte hara xoossatussi oottennaadaaninne etau goinnennaadan naagettite.

Zaarettido Wogaa 12:29

“Intte laattanau biyo kawotettaa GODAI intte Xoossai intte sinttappe xaissiyo wodenne inttekka eta biittaa laattidi de7iyo wode,

Zaarettido Wogaa 12:31

Eti bantta xoossatussi goinniyo wode, GODAI ixxiyo tunaba ubbaa oottiyo gishshau, intte GODAASSI, intte Xoossaassi, hegaadan goinnanau bessenna. Aissi giikko, eti harai atto bantta yelido attumanne macca naata bantta xoossatussi yarshshidi, taman xuuggoosona.

Zaarettido Wogaa 18:9

“GODAI intte Xoossai intteyyo immido biittaa geliyo wode, he biittan de7iya asai oottiyo tuna oosuwaa oottoppite.

Zaarettido Wogaa 20:18

Hegee xayikko, eti bantta xoossatuyyo goinniyo tuna oosuwaa intte oottanaadan inttena tamaarissana; hegan intte GODAA intte Xoossaa bolli nagaraa oottana.

Zaarettido Wogaa 7:16

GODAI intte Xoossai intteyyo aatti immiyo asa ubbaa xaissite; etayyo ainne qarettoppite. Eta xoossatuyyookka goinnoppite. Aissi giikko, hegee intteyyo pire gidana.