Zaarettido Wogaa 12:20 - Wolaytta Bible

²⁰ “I intteyyo gelido qaalaadan GODAI intte Xoossai intte zawaa aassiyo wode, inttena ashuwaa maanau koshshiyo wode, intte koyido keenaa miite.

Zaarettido Wogaa 12:20 ပူးပေါင်းရင်းမြစ်များ

Doomettaabaa 28:14

Ne zerettai sa7aa shafiyaadan darana; neeni arggoora, arshshoora, huuphessaaranne tohossaara de7iya sohota gakkanau aakkana; sa7aa bollan de7iya asai ubbai ne baggaaranne ne zerettaa baggaara anjjettana.

Doomettaabaa 31:30

Ha77i gidikkonne, neeni ne aawaa soo baanau keehi laamotido gishshau kiyadasa. SHin ta so misileta neeni aissi wuuqqadii?” yaagiis.

Sameela Maxaafaa Naa77anttuwaa 13:39

Kawoi Daawiti Abeseloomakko baanau amottiis; aissi giikko, Aminoona haiquwaassi azzaniyoogaappe i minettiis.

Sameela Maxaafaa Naa77anttuwaa 23:15

Daawiti haattaa uyanau amottidi, “Beetaliheeme katamaa penggiyaa lanqqen de7iya pultto haattaappe tana ooni ushshanddeeshsha!” yaagiis.

Hanidabaa Odiya Koiro Maxaafaa 4:10

Yaabeexi Israa7eela Xoossaa xeesidi, “Abeet Xoossau, hai tana neeni anjja; ta gadiyaakka aassa. Tanaara issippe gida; tana sakkennaadan tana qohiyaabaappe neeni naaga” yaagidi woossiis. Woossin Xoossai a woosaa siyiis.

Mazamure Maxaafaa 107:9

Aissi giikko, i saamettidaageeta alees; namisettidaageetakka lo77obaa kalssees.

Mazamure Maxaafaa 119:174

Abeet GODAU, neeni tana ashshanaagaa laamotais; ne higgeenne tana ufaissees.

Mazamure Maxaafaa 119:20

Taani ubba wode ne pirddaa laamotaidda haiqqais.

Mazamure Maxaafaa 119:40

Taani ne wogaa naaganau amottais; neeni xillo gidiyo gishshau, ta de7uwaa ooraxissa.

Mazamure Maxaafaa 63:1

Abeet Xoossau, neeni ta Xoossaa; ta wozanai nena laamotees; ta ashoikka nena amottees. Mela, qa77enne haatti bainna biittaadan ta kumetta asatettai nena saamettees.

Mazamure Maxaafaa 84:2

Taani GODAA Beeta Maqidasiyaa laamotais; ta kumetta asatettai de7o Xoossaayyo ufaissan yexxees.

Kessaabaa 23:31

Taani intte zawaa Zo7o Abbaappe Pilisxxeema Abbaa, bazzuwaappe Efiraaxiisa SHaafaa gattana. He biittan de7iya ubbaa taani intte kushiyan aattada immana; inttekka eta intte sinttappe laaggidi kessana.

Kessaabaa 34:24

Kawotettata taani intte sinttappe yedettada kessana; yaatada intte zawaa taani aassana. GODAA intte Xoossaa sinttan intte laittan heezzutoo beettanau pude kiyiyo wode, ooninne intte biittaa amottenna.

Qoodaabaa 11:34

Yaatin he sohoi Amuwaa Duufuwaa geetetti sunttettiis; aissi giikko, ashuwaa amottida asaa eti he sohuwan moogidosona.

Qoodaabaa 11:4

Israa7eelatuura de7iya dumma dumma dere asai hara qumaa keehi amottiis. Israa7eela asaikka qassi hagaadan yaagidi yeehuwaa doommiis; “Laa nuuni asho auppe demmanee?

Naa77antto Qoronttoosa 9:14

Eti intteyyo Xoossaa woossiiddi, inttenan de7iya Xoossaa aaro kehatettaa zawai bainnaagaa gishshau, inttena laamotoosona.

Zaarettido Wogaa 11:24

Intte tohuwan intte yedhdhido biitta ubbai inttessa gidana. Intte zawai bazzuwaappe biidi Liibaanoosa gakkanaashiinanne Efiraaxiisa SHaafaappe biidi arggo bagga Meediteraane Abbaa gakkanaashiina gidana.

Zaarettido Wogaa 12:15

“SHin intte de7iyoosan awaaninne intte mehiyaappe GODAI inttena anjjidoogaatto shukkidi miite; wogan geeshsha asa gidin woikko geeyenna asa gidinkka ubbaikka gaaraa ashuwaanne genessaa ashuwaa miyoogaadan, intte mehiyaappe shukkidi miite.

Zaarettido Wogaa 12:21

SHin GODAI intte Xoossai ba sunttai hegan xeesettanaadan doorido he issi sohoi intteyyo haakkikko, GODAI intteyyo immido intte mehiyaa woi dorssaa wudiyaappe augaa gidinkka, ta inttena azazidoogaadan, intte koyido keenaa intte kataman shukkidi miite.

Zaarettido Wogaa 19:8

“GODAI intte Xoossai kase intte maizza aawatuyyo caaqqidoogaadan intte zawaa aassikko, qassi intte maizza aawatussi immana giido biittaa ubbaa intteyyo immikko,

Piliphphisiyuusa 1:8

Aissi giikko, taani inttena ubbata Kiristtoos Yesuusappe yiya siiquwan ai keenaa siiqiyaakko, Xoossai tau markka.

Piliphphisiyuusa 2:26

Aissi giikko, i inttena ubbaa be7anau laamotees; qassi i sakettidoogaa intte siyido gishshau, ba wozanan daro metootees.