Zaarettido Wogaa 11:7 - Wolaytta Bible

⁷ Ee! GODAI oottido ha gita ooso ubbaa intte aifiyan be7idaageeti inttena.

Zaarettido Wogaa 11:7 ပူးပေါင်းရင်းမြစ်များ

Mazamure Maxaafaa 106:2

GODAI oottido wolqqaama oosuwaa yootanau, woikko a galataa ubbaa qonccissanau danddayiyai oonee?

Mazamure Maxaafaa 145:12

Hegeenne, ne wolqqaama oosuwaabaanne ne kawotettaa bonchchuwaa anggaabaa asaa erissanaassa.

Mazamure Maxaafaa 150:2

A wolqqaama oosotu gishshau, a galatite; ubbaappe aadhdhiya a gitatettaadan a galatite.

Zaarettido Wogaa 11:6

Qassi Roobeela zariyaappe Eli7aaba naata gidiya Daataana bollinne Abiiraama bolli GODAI oottidoogaa hassayite. Israa7eela asai ubbai xeellishin, biittai dooyettidi, eta, eta so asaa, eta dunkkaaniyaanne etayyo de7iya shemppoora de7iyaabaa ubbaa mittiis.

Zaarettido Wogaa 11:8

“Hegaa gishshau, intte mino gidanaadaaninne Yorddaanoosa pinnidi intte ekkanau biyo biittaa intte laattanaadan, taani hachchi inttena azaziyo azazuwaa ubbaa naagite.

Zaarettido Wogaa 27:10

Hegaa gishshau, hachchi taani intteyyo immiyo azazuwaanne awaajuwaa naagiyoogan, GODAA intte Xoossaa qaalau azazettite” yaagiis.

Zaarettido Wogaa 29:2

Muusee Israa7eela asaa ubbaa xeesi shiishshidi, etassi yootidobai hagaa; “GODAI intte sinttan Gibxxe kawuwaa bolli, a olanchchatu ubbaa bollinne a biittaa ubbaa bolli oottidobaanne gattidobaa intte aifiyan be7ideta.

Zaarettido Wogaa 4:3

Pa7oora Deriyaa bollan GODAI oottidobaa intte intte aifiyan be7ideta; GODAI intte Xoossai Pa7ooran de7iya Ba7aalassi goinnidaageeta ubbaa intte giddoppe xaissiis.

Zaarettido Wogaa 5:3

GODAI ha maachchaa maacettidoogee nu aawatu xallaara gidenna; hachchi de7uwan de7iya nu ubbaarakka maacettiis.

Zaarettido Wogaa 7:19

GODAI intte Xoossai inttena Gibxxeppe kessiyo wode oottido gita boshata, malaatata, maalaalissiyaabata, a wolqqaama kushiyaanne a micettida qesiyaa intte intte aifiyan be7ideta. Ha77i intte yayyiyo asa ubbaa bollankka GODAI, intte Xoossai hegaadan oottana.

Yaasu Maxaafaa 24:31

Yaasu paxa de7ido wode ubbaaninne Yaasuppe simmin de7idi, Xoossai Israa7eelatussi oottido ooso ubbaa erida cimatu wode ubban Israa7eelati GODAASSI goinnidosona.