Zaarettido Wogaa 11:19 - Wolaytta Bible

¹⁹ Hageeta intte naatakka tamaarissite. Intte son de7iyo wode, ogiyan hemettiyo wode, zin77iyo wodenne denddiyo wodekka, etayyo yootite.

Zaarettido Wogaa 11:19 ပူးပေါင်းရင်းမြစ်များ

Iyyooba Maxaafaa 8:10

Eti nena tamaarissona, neeyyo yootonanne bantta akeekidobaappe haasayona.

Mazamure Maxaafaa 34:11

Ta tamaaretoo, haa yiite; siyite; GODAA yashshaa taani inttena tamaarissana.

Mazamure Maxaafaa 78:4

He yohota nuuni nu naatuppe qosokko; GODAAYYO bessiya galatata, a wolqqaanne garamissiya a oosuwaa yiya yeletaukka nuuni yootana.

Leemiso Maxaafaa 2:1

Ta na7au, neeni ta giyoogaa ekka; ta azazuwaakka ne giddon minjja.

Leemiso Maxaafaa 22:6

Na7i waanidi de7ana bessiyaakko tamaarissa; yaatikko, i cimidikka hegaa aggenna.

Isiyaasa 38:19

Taani hachchi nena galatiyoogaadan, paxa de7iyaageetu xalaalati nena galatoosona; neeni ammanttiyoogaa aawai ba naatussi yootees.

Efisoona 6:4

Aawatoo, intte intte naata Godaa seeraaninne zoriyan dichchiteppe attin, eta hanqqetissoppite.

Zaarettido Wogaa 32:46

eta hagaadan yaagiis; “Ha higgiyaa qaala ubbaa eti naaganaadaaninne oottanaadan intte naata azazana mala, hachchi ta intteyyo markkattiyo qaala ubbaa intte wozanan wottite.

Zaarettido Wogaa 6:7

Eta neeni ne naata tamaarissa; neeni ne son uttiyo wode, ogiyan hemettiyo wode, zin77iyo wodenne denddiyo wode etabaa haasaya.