Zaarettido Wogaa 11:15 - Wolaytta Bible

¹⁵ GODAI intte mehiyaayyo dembban maataa darissana. Qassi inttekka maananne kallana.

Zaarettido Wogaa 11:15 ပူးပေါင်းရင်းမြစ်များ

Kawotu Maxaafaa Koiruwaa 18:5

Akaabi Obaadiyaa xeesidi, “Biittan sa7an pulttoi de7iyoosaa ubbaanne shaafaa qoco ubbaa ba. Ooni erii, nuuni maataa demmidi paratanne baqulota worennan ashshanaakkonne” yaagiis.

Mazamure Maxaafaa 104:14

Neeni mehiyaassi maataa, asaassi kattaa mokissaasa. Hegeenne, asai biittaa oottidi, biittaappe kattaa, asaa wozanaa ufaissiya woiniyaa, som77uwaa shicissiya zaitiyaanne wolqqaa kunttiya qumaa mokissanaassa.

Ermmaasa 14:5

Maati bainna gishshau, wushiyaa ba yelido galo mariyo dembban ola bayada bausu.

Yuu7eela 1:18

Meheti keehi waassoosona; miizzaa wudiyaukka heemettiyoosai bainna gishshau, yaanne haanne bichchaaroosona. Harai atto, dorssaa wudetikka tuggatoosona.

Yuu7eela 2:19

GODAI zaaridi ba asaa hagaadan yaagana; “Be7ite, taani intteyyo kattaa, woine eessaanne zaitiyaa inttena adda kalissiyaagaa yeddana; taani inttena mulekka kawotettatu giddon boriyoobaa kessikke.

Yuu7eela 2:22

Inttenoo sa7aa mehetoo, yayyoppite; aissi giikko, bazzon de7iya hentta gadee aaciis; mittaikka ba aifiyaa aifiis; balasiyaa mittainne woiniyaa turaikka aifiyaa herxxexxiis.

Yuu7eela 2:26

Maanau intteyyo daro qumai de7ana. Hegaa gishshau, intte kallananne maalaalissiyaabaa intteyyo oottida GODAA intte Xoossaa sunttaa galatana. Qassi ta asai naa77antto mulekka yeellatenna.

Wogaabaa 26:5

Intte kattaa qoxxiyo wodiyaappe biidi woiniyaa aifiyaa maxiyo wodee gakkanaashin kattaa qoxxana; qassi woiniyaa aifiyaa maxoikka biidi kattaa zeriyo wodee gakkanaashin wurenna. Intte kallana gakkanaashin qumaa maana; qassi intte intte biittankka saruwan de7ana.

Hagge 1:6

Intte daruwaa zerideta; shin guuttaa shiishshideta. Meeta, shin kallekketa; uyeeta, shin alekketa. Maayeeta, shin inttena ho77enna; damoozaa ekkiyaagee daassa qarcciitan yegganau ekkees” yaagees.

Zaarettido Wogaa 8:10

Neeni hegan maada kallana; yaatada, i neeyyo immido lo77o biittaa gishshau, GODAA ne Xoossaa galatana.