Zaarettido Wogaa 11:12 - Wolaytta Bible

¹² He biittai GODAI intte Xoossai xomoosiyo biitta; laittaa doomettaappe biidi laittaa wurssettaa gakkanaashin, GODAA intte Xoossaa aifee a bollan de7iyo biittaa.

Zaarettido Wogaa 11:12 ပူးပေါင်းရင်းမြစ်များ

Kawotu Maxaafaa Koiruwaa 9:3

Qonccidi GODAI a hagaadan yaagiis; “Neeni ta sinttan woossido woosaanne watiwatido watiwatuwaa taani siyaas. Neeni keexxido Beeta Maqidasee merinau ta sunttai an xeesettana mala oottada taani geeshshaas; ta aifeenne ta wozanai ubba wode ha Beeta Maqidasiyan de7ana.

Kawotu Maxaafaa Naa77anttuwaa 18:32

Hegaappe guyyiyan, taani yaada, inttena intte biittaa milatiya biitti ekkada efaana. He biittai kattinne woine eessi, oittinne woine ataakilttee kumido biitta; wogarainne mattaa eessainne kumido biitta. Intte taayyo azazettikko, paxa de7ana; haiqqekketa' yaagees. “Hizqqiyaasi inttena, 'GODAI nuna ashshana' yaagidi cimmiyoogaa siyoppite.

Izira Maxaafaa 5:5

SHin he yohoi Daariyoosakko gakkin, a matappe dabddaabbee xaafettidi yaana gakkanaashin, eti bantta oosuwaa aggibookkona; aissi giikko, eta Xoossaa aifee Yihudaa biittaa cimatu bollan de7ees.

Mazamure Maxaafaa 33:18

GODAA aifeti ayyo yayyiyaanne aggenna a siiquwan ufaissaa oottiya asatu bollaana.

Mazamure Maxaafaa 34:15

GODAA aifee xillotukko xeellees; qassi i ubba wode eta waasuwaa ezggees.

Mazamure Maxaafaa 65:11

Laittaa kalo laitta oottaasa; neeni aadhdhiyoosai ubbai kumi goggees.

Isiyaasa 36:17

Hegaappe guyyiyan taani yaada, inttena intte biittaa milatiya biitti ekkada efaana. He biittai kattinne woine eessi, oittinne woine ataakilttee kumido biittaa' yaagees.

Ermmaasa 24:6

Taani keha aifiyan eta xeellana; qassi taani eta zaarada ha biitti ehaana. Taani eta keexxanaappe attin qolikke. Taani eta tokkanaappe attin shoddikke.