Zaarettido Wogaa 10:21 - Wolaytta Bible

²¹ Intte intte aifiyan be7ido he gitanne yashshiya maalaalissiyaabata, intteyyo oottidaagee i intte galataattenne; qassi intte Xoossaattenne.

Zaarettido Wogaa 10:21 ပူးပေါင်းရင်းမြစ်များ

Sameela Maxaafaa Naa77anttuwaa 7:23

Neeni ne asa oottanau wozido ne asaa Israa7eela milatiya hara kawotetti sa7aa bollan baawa. Neeni etayyo oottido gitanne maalaalissiya oosotu gaasuwan ne sunttai biittan sa7an erettiis. Neeni ne asaa sinttaappe hara kawotettatanne eta xoossata laaggadasa.

Mazamure Maxaafaa 109:1

Abeet taani galatiyo Xoossau, neeni taayyo co77u gooppa.

Mazamure Maxaafaa 145:6

Asai, “Hoola!” giissiya ne oosuwaa wolqqaabaa haasayana; taanikka ne gitatettaa awaajjana.

Mazamure Maxaafaa 148:14

A bagga gidiya, ayyo matattiya Israa7eela asati a galatana mala, i eta minttiis. GODAA galatite!

Mazamure Maxaafaa 22:3

Gidikkonne, neeni kawotaa araatan geeshsha gidada uttadasa. Neeni Israa7eelati galatiyoogaa.

Kessaabaa 15:2

GODAI ta wolqqaanne ta mazamuriyaa; i tana ashshiyaagaa gidiis. I ta Xoossaa; taani a sabbana. I ta aawaa Xoossaa; taani a xoqqu xoqqu oottana.

Kessaabaa 34:10

Yaatin GODAI hagaadan yaagiis; “Taani inttenaara maachchaa maacettais; hagaappe kase sa7a ubban de7iya kawotetta ubban hani erenna maalaalissiyaabaa ne asa ubbaa sinttan oottana; taani GODAI, intteyyo oottiyo oosoi ai keena maalaalissiyaabaakko neeni eta giddon de7iyo asai be7ana.

Isiyaasa 60:19

“Hegaappe guyyiyan, gallassi neeyyo awaa poo7uwaa koshshenna; qammikka aginaa poo7uwaa koshshenna. Aissi giikko, GODAI neeyyo merinaa poo7o gidana; ne Xoossai neeyyo bonchcho gidana.

Isiyaasa 64:3

Kasekka neeni nuuni naagibeenna maalaalissiyaabaa oottido wode wodhdhadasa; wodhdhin dereti ne sinttan gaji gajidi kokkoridosona.

Ermmaasa 17:14

Abeet GODAU, tana patta; taani paxana. Tana ashsha; taani attana. Aissi giikko, neeni taani galatiyoogaa.

Luqaasa 2:32

He ashettai Israa7eela gidenna asau nebaa bessiya poo7o mala; qassi ne asaa Israa7eelassi bonchcho” yaagiis.

Yaasu Maxaafaa 24:18

Qassi GODAI asaa ubbaa, he biittan de7iya Amoore asatuurakka nu sinttaappe laaggidi kessiis. Hegaa gishshau nuunikka GODAASSI goinnana; aissi giikko, i nu Xoossaa” yaagiis.

Ajjuutaa 21:23

Katameeyyo poo7iya awi woi agini koshshenna. Aissi giikko, Xoossaa bonchchoi he katamen poo7ees; Dorssaikka he katameeyyo xomppe.

Sameela Maxaafaa Koiruwaa 12:24

GODAAYYO yayyite; intte kumetta wozanaappe ammanettidi, ayyo kiitettite; intteyyo i oottido gitabaa hassayite.