Zaarettido Wogaa 1:37 - Wolaytta Bible

³⁷ “Intte gaasuwan GODAI ta bollikka hanqqettidi, hagaadan yaagiis; 'Muusee, harai atto neenikka he biittaa gelakka.

Zaarettido Wogaa 1:37 ပူးပေါင်းရင်းမြစ်များ

Qoodaabaa 20:12

SHin GODAI Muusanne Aaroona, “Israa7eela asaa sinttan intte ta geeshshatettaa bessanau ammanettibeenna gishshau, taani etayyo immiyo biittaa ha asaa intte gelissekketa” yaagiis.

Qoodaabaa 27:18

Yaagin GODAI Muusa, “Ayyaanai an de7iyo Nawe na7aa Yaasa ekkada, ne kushiyaa a bolli wotta;

Zaarettido Wogaa 3:27

Hegaa aggada denddada, Pisgga Deriyaa huuphiyaa kiya; hegan eqqada biittau arggo baggi, huuphessi, tohossinne arshsho baggi ne aifiyaa denttada xeella. Aissi giikko, neeni ha Yorddaanoosa SHaafaa mulekka pinnakka.

Zaarettido Wogaa 3:28

Mati neeni Yaasussi azazuwaa imma; a xalissanne minttetta; aissi giikko, i ha asaa kaalettidi pinttananne ha neeni be7iyo biittaa i eta laatissana' yaagiis.

Zaarettido Wogaa 31:2

“Ha77i taayyo xeetanne laatamu laitta gidido gishshau, hagaappe sinttanau inttena kaalettanau danddayikke; hegaa bollikka GODAI tana, 'Neeni Yorddaanoosa hefintti pinnakka' yaagidi yootiis.

Zaarettido Wogaa 32:52

Hegaa gishshau, biittaa haahuwan hefintti xeellanaappe attin, taani Israa7eela asaa laatissana biittaa gelakka” yaagiis.

Zaarettido Wogaa 34:4

Bessidi GODAI Muusa hagaadan yaagiis; “Abrahaamassi Yisaaqassinne Yaaqoobassi, 'Taani intte zariyaassi immana' yaagada caaqqido biittai hagaa. Ha77i neeni ne aifiyan be7anaadan taani oottaas; shin neeni yaa pinnakka” yaagiis.

Zaarettido Wogaa 4:21

“Qassi intte gaasuwan GODAI tana hanqqettiis; hanqqettidi taani Yorddaanoosa pinnennaadaaninne, GODAI, intte Xoossai, laata oottidi intteyyo immiyo lo77o biittaa taani gelennaadan caaqqiis.

Zaarettido Wogaa 4:22

Hegaa gishshau, taani Yorddaanoosa SHaafaa pinnennan ha biittan haiqqana; shin intte pinnidi, he lo77o biittaa laatteeta.