Yuu7eela 2:26 - Wolaytta Bible

²⁶ Maanau intteyyo daro qumai de7ana. Hegaa gishshau, intte kallananne maalaalissiyaabaa intteyyo oottida GODAA intte Xoossaa sunttaa galatana. Qassi ta asai naa77antto mulekka yeellatenna.

Yuu7eela 2:26 ပူးပေါင်းရင်းမြစ်များ

Doomettaabaa 33:11

Taani neeyyo ehiido ha imuwaa ekka; aissi giikko, Xoossai kehidi immin, taayyo bessiis” yaagiis. Yaaqoobi shoobiyaa tolido gishshau, Eesawi hegaa ekkiis.

Nahimiyaa Maxaafaa 9:25

Qassi eti yuushoi gimbbettido katamatanne aradda biittaa xoonidi ekkidosona; qassikka lo77obai ubbai kumido keettata, bookettida haatta ollata, woiniyaa turaa sohota, wogaratanne hara aifiyaa immiya daro mittata laattidosona. Hegaappe miidi kallidi orddidosona; ne gita kehatettan eti ufaittidosona.

Mazamure Maxaafaa 103:5

Argganttaadan taani yelagana mala, i ta de7o ubban tana lo77obaa kalissees.

Mazamure Maxaafaa 116:7

Tanooshsho, simmi woppu ga; aissi giikko, GODAI neeyyo kehiis.

Mazamure Maxaafaa 13:6

GODAU, taani neeyyo yexxana; aissi giikko, neeni taayyo kehadasa.

Mazamure Maxaafaa 22:26

Hiyyeesati miidi kallana. GODAA koyiyaageeti a galatana. Eti merinau duretana.

Mazamure Maxaafaa 37:19

Iita wodiyan suure asati yeellatokkona; koshaa wodiyan eti kallana.

Mazamure Maxaafaa 67:5

Abeet Xoossau, asai nena galato; asai ubbai nena galato.

Mazamure Maxaafaa 72:18

Maalaalissiyaabaa barkka oottiya GODAASSI, Israa7eela Xoossaassi galatai gido.

Leemiso Maxaafaa 13:25

Xilloi a uloi kallana gakkanaassi mees; shin nagaranchchai namisettees.

Siiquwaa Sabaa 5:1

“Ta siiqo michchiyo gidiya ta mishiree, be7a; taani ta ataakilttiyaa giddo gelaas. Ta karbbiyaanne ta shitto ciishshaa qorais. Eessaa oittaa yolttayada mais. Ta woiniyaa eessaanne ta maattaa uyais” yaagiis. “Inttenoo, a laggetoo, siiquwaa alana gakkanaashin uyite” yaagidosona.

Isiyaasa 25:1

Abeet GODAU, neeni ta Xoossaa. Taani nena xoqqu xoqqu oottana; ne sunttaakka galatana. Aissi giikko, neeni polo ammanettiyoogan beniisappe halchchettidi de7iya maalaalissiya oosota oottadasa.

Isiyaasa 29:22

Hegaa gishshau, Abrahaama wozida GODAI Yaaqooba zariyau hagaadan yaagees; “Yaaqooba zaree hagaappe sinttanau yeellatenna; eta som77oikka yeellatidi, sa7aa xeellenna.

Isiyaasa 45:17

SHin Israa7eela GODAI merinaa atotettan ashshirggiis; intte merinaukka yeellatekketanne kauyyekketa.

Isiyaasa 49:23

Kawoti nena dichchiya aawata gidana; eta macca kawotikka nena xanttiyaageeta gidana. Eti gufannidi, neessi goinnana; qassi ne tohuwaa baanaakka laaccana. Taani GODAA gididoogaa neeni hegan erana; tanan ammanettidi naagiyaageeti yeellatokkona” yaagees.

Isiyaasa 54:4

“Yayyoppa; aissi giikko, neeni yeellatakka. Dagammoppa; aissi giikko, neeni kauyyakka. Neeni ne yelagatetta yeellaa dogana; ne am77etettaa boriyaakka hagaappe sinttan hassayakka.

Isiyaasa 55:2

Intte miishshaa quma gidennabau aibissi kesseetii? Kalissennaban intte wolqqaa aibissi wursseetii? Ane loittidi, taani odiyoogaa ezggite; lo77obaa miite; qassi modhdhuwan intte asatettaa ufaissite.

Wogaabaa 25:19

Biittai ba aifiyaa intteyyo immana; immin intte kallana gakkanaashin maana; qassi he biittankka intte sarotettan de7ana.

Wogaabaa 26:26

Intte kattaa taani xaissiyo wode, tammu maccaasati issi bashiyan oittaa uukkana; hegaakka meezaanan likkidi shaakkana; intte hegaa maana, shin kallekketa.

Wogaabaa 26:5

Intte kattaa qoxxiyo wodiyaappe biidi woiniyaa aifiyaa maxiyo wodee gakkanaashin kattaa qoxxana; qassi woiniyaa aifiyaa maxoikka biidi kattaa zeriyo wodee gakkanaashin wurenna. Intte kallana gakkanaashin qumaa maana; qassi intte intte biittankka saruwan de7ana.

Mikiyaasa 6:14

Intte maana, shin kallekketa; namisaikka intteppe duuxxenna. Intte buuridi shiishshana, shin intteyyo dagattenna; intte dagayidobaakka taani olaa yeddada xaissana.

Sofonaasa 3:11

He wode intte ta bolli makkalidi oottido oosotu gaasuwan yeellatekketa; aissi giikko, otorettiyaanne ayyiyaageeta taani intte giddoppe diggarggana. Qassi inttekka hagaappe sinttan ta geeshsha deriyan otorettekketa.

Zakkaariyaasa 9:15

Ubbaappe Wolqqaama GODAI eta gishshaa olettana. Etikka bantta morkketa wurssana; yambbarshshan oliyaageetakka yedhdhana. Eti bantta morkketu suuttaa woine eessaadan uyana; uyidi suuttai keriyan kumiyoogaadan kumana; qassi yarshshiyoosaa zooziyaadankka yakkana.

Zakkaariyaasa 9:17

Ee, eti waanida lo77onne puulanchcha gidanddonaashsha! Wodalla naata kattai, geela7o naatakka woine eessai anqqarissana.

Roome 10:11

Xoossaa maxaafai, “Aani ammaniya ooninne yeellatenna” yaagees.

Roome 5:5

Xoossai nuuyyo immido Geeshsha Ayyaanaa baggaara ba siiquwaa nu wozanan gussido gishshau, he nuuni demmanau ufaissan naagi uttidoogee nuna yeellayenna.

Zaarettido Wogaa 11:15

GODAI intte mehiyaayyo dembban maataa darissana. Qassi inttekka maananne kallana.

Zaarettido Wogaa 12:12

Intte, intte attumanne macca naati, attumanne macca ashkkaratinne inttenaara laata ekkibeenna intte kataman de7iya Leewatuurakka issippe hegan GODAA intte Xoossaa sinttan ufaittite.

Zaarettido Wogaa 12:18

SHin intte, intte attumanne macca naati, intte attumanne macca ashkkaratinne intte katamatun de7iya Leewatuurakka issippe, GODAI intte Xoossai doorido sohuwan GODAA intte Xoossaa sinttan ha yarshsho ubbata miite; hegan intte daafuran shiishshidoban GODAA intte Xoossaa sinttan ufaittite.

Zaarettido Wogaa 12:7

Hegan GODAI intte Xoossai de7iyoosan intte maana; qassi intte kushee oottidoban ubbaaninne GODAI intte Xoossai inttena anjjidoban intte ufaittana.

Zaarettido Wogaa 8:10

Neeni hegan maada kallana; yaatada, i neeyyo immido lo77o biittaa gishshau, GODAA ne Xoossaa galatana.

Koiro Ximootiyoosa 6:17

Ha77i ha wodiyan dure gidiyaageeti otorettennaadaaninne qassi nuuni ufaittanaadan, ubbabaa palahissidi nuuyyo immiya de7o Xoossan ammanettanaagaappe attin, aadhdhiya duretettan eti ammanettennaadan, eta azaza.

Koiro Yohaannisa 2:28

Ta naatoo, qassi i qoncciyo wode, nuuni yashshi bainnaageeta gidanaadaaninne, a yuussaa gallassi a sinttan nuuni yeellatennaadan, aani de7ite.