Yuu7eela 2:17 - Wolaytta Bible

¹⁷ GODAU oottiya qeeseti Beeta Maqidasiyaa baranddaappenne yarshshiyoosaappe gidduwan eqqidi yeekkona. Eti hagaadan yaagidi woossona; “Abeet GODAU, ne asau qaretta; ne asaa kawotettatu giddon boriyoobaanne baceessiyoobaa kessoppa. Asai ba giddon aissi, 'Eta Xoossai awan de7ii?' yaaganee?” yaagona.

Yuu7eela 2:17 ပူးပေါင်းရင်းမြစ်များ

Kawotu Maxaafaa Koiruwaa 6:3

Beeta Maqidasiyaa geliyoosan de7iya baranddaa gomppai Beeta Maqidasiyaa gomppaakka keena laatamu wara; keettaa zananai Beeta Maqidasiyaa geliyoosaa gakkanaashin tammu wara.

Kawotu Maxaafaa Koiruwaa 9:7

yaatikko, Israa7eela asaa taani kase etayyo immido biittaappe xoqollana; taani ta sunttaayyo geeshshido ha Beeta Maqidasiyaakka aggaagana. Aggin Israa7eelati asaa ubbaa giddon haiseyiyoobaanne qilliicciyoobaa gidana.

Hanidabaa Odiya Naa77antto Maxaafaa 7:20

yaatikko, taani kase intteyyo immido biittaappe inttena xoqollana; taani ta sunttaayyo geeshshido ha Beeta Maqidasiyaakka aggaagana. Taani ha Beeta Maqidasiyaa asaa ubbaa giddon haiseyiyoobaanne qilliicciyoobaa oottana.

Hanidabaa Odiya Naa77antto Maxaafaa 8:12

Solomoni he wode Beeta Maqidasiyaa sinttan GODAAYYO keexxido yarshshiyoosan xuuggiyo yarshshuwaa GODAAYYO yarshshees.

Nahimiyaa Maxaafaa 9:36

“Hegaappe denddidaagan, nuuni hachchi aille gidiyoogaa be7a. Qassi hegeekka eti a aifiyaanne i immiyo anjjuwaa ubbaa maana mala, nu maizza aawatussi neeni immido he biittan, nuuni aille gidida.

Mazamure Maxaafaa 115:2

Dere asati aissi, “Eta Xoossai awan de7ii?” giyoonaa?

Mazamure Maxaafaa 42:10

Ta morkketi tana, “Ne Xoossai awan de7ii?” yaagi yaagidi, ta meqettaa menttidi cayoosona.

Mazamure Maxaafaa 42:11

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Mazamure Maxaafaa 42:3

Asati ubbatoo, “Ne Xoossai awan de7ii?” yaagiyo wode, taayyo gallassinne qammi ta afuttai quma gidiis.

Mazamure Maxaafaa 42:4

Taani eta baalaa bonchchanau shiiqida daro asaa giddoora salppiyan hombbocishiininne galata yettaa yexxishin, Xoossaa keetti kaalettidoogaa qoppiyo wode, ta wozanai azzanidi, giddon seerees.

Mazamure Maxaafaa 74:10

Abeet Xoossau, ne morkketi woisa wodiyaa ne bolli qilliiccanee? Eti ne sunttaa merinaayyo cayanee?

Mazamure Maxaafaa 79:10

Dereti aibissi, “Eta Xoossai awan de7ii?” yaaganee? Ne ashkkaratu suuttaa eti gussidoogaa haluwaa neeni kessiyoogaa nuuni xeellishin, eta gidduwan qonccissa.

Mazamure Maxaafaa 79:4

Nu shoorotuyyo nuuni cayiyoobaa gidida; nu heeran de7iyaageetuyyo miicciyoobaanne qiriyoobaa gidida.

Mazamure Maxaafaa 89:41

Ogiyaara aadhdhiya ubbati a bonqqidosona; i ba shoorotuyyo boriyoobaa gidiis.

Mazamure Maxaafaa 89:51

Abeet GODAU, morkketi qilliiccidosona; neeni doorada tiyido kawuwaa tangguwan tangguwan qilliiccidosona.

Kessaabaa 34:9

goinnidi, “Abeet Godau, neeni tanan ufaittidabaa gidikko, nunaara issippe hindda. Hagee asai morgge zozzidabaa gidikkokka, nu iitatettaanne nu nagaraa atto yaagada, nuna ne asa ootta” yaagiis.

Isiyaasa 22:12

He gallassi Godai, Ubbaappe Wolqqaama GODAI inttena yeekkanaunne zilaalanau, intte huuphiyaa meedettanaunne waaruwaa maayanau inttena xeesiis.

Isiyaasa 37:20

Ha77i simmi abeet GODAU, nu Xoossau, ne xalaalai GODAA gidiyoogaa sa7aa kawotettati ubbai erana mala, neeni nuna a kushiyaappe wotta ekka!” yaagidi woossiis.

Hizqqeela 20:9

SHin eti de7iyo kawotettatu giddooninne Israa7eela asaa Gibxxeppe kessiyoogan, taani tanatettaa erissido asaa sinttan ta sunttai tunennaadan oottaas.

Hizqqeela 8:16

Hegaappe guyyiyan, i tana GODAA Beeta Maqidasiyau giddo dabaabaa efiis; hegan Beeta Maqidasiyaa penggen baranddaappenne yarshshiyoosaappe gidduwan laatamanne ichchashu attumaasaa gidiyaagaa be7aas. Eti bantta zokkuwaa GODAA Beeta Maqidasiyaakko, bantta som77uwaa arshshokko zaaridi, arshshoora mokkiya awaayyo goinnoosona.

Hoose7a 14:2

GODAAKKO simmidi, hagaadan yaagidi woossite; “Nu nagara ubbaappe nuna maara; neeni nuna ne kehatettan shiishsha ekka; yaatin nuuni nu inxxarssan nena galatana.

Yuu7eela 1:13

Inttenoo qeesetoo, waaruwaa maayidi yeekkite! Inttenoo, yarshshiyoosan oottiya qeesetoo, zilaalite! Inttenoo, ta Xoossaa sinttan oottiyaageetoo, Beeta Maqidasiyaa gelite; gelidi waaruwaa maayidi aqite. Aissi giikko, kattaa yarshshuwaanne ushshaa yarshshuwaa Xoossaa Beeta Maqidasiyan yarshshiyoobi baawa.

Yuu7eela 1:9

Kattaa yarshshoinne ushshaa yarshshoi GODAA Beeta Maqidasiyaa biyoogaa aggiis; hegaa gishshau, GODAASSI oottiya qeeseti yeekkoosona.

Amoxa 7:2

Eti irxxabaa ubbaa miidi wurssido wode taani, “Abeet Ubbaa Haariya GODAU, hai hayyanaa atto garkkii! Yaaqooba zareti waanidi attanau danddayiyoonaa? Eti qii guuttattenne!” yaagaas.

Amoxa 7:5

Yaatin taani hagaadan yaagaas; “Abeet Ubbaa Haariya GODAU, hai hayyanaa ha tamaa toissarkkii! Yaaqooba zareti waanidi attanau danddayiyoonaa? Eti qii guuttattenne!” yaagaas.

Mikiyaasa 7:10

He wode ta morkkeekka be7ana; qassi tana, “GODAI ne Xoossai awan de7ii?” yaagi yaagidi qilliicciyaagee yeellaa maayana; i ogiyan de7iya urqqaadan yerettishinkka taani ta aifiyan be7ana.

Milkkiyaasa 1:9

Qassikka Ubbaappe Wolqqaama GODAI hagaadan yaagees; “Xoossai intteyyo qarettana mala, ha77i a woossite. Woni intte hegaa mala imotaa ayyo immin, i inttena maaddanee?” yaagees.

Qoodaabaa 25:6

Muuseenne Israa7eela maabarai ubbai Xoossaa Dunkkaaniyaa penggen yeekkishin, Israa7eelatuppe issoi Midiyaama biittaa maccaasiyo eta sinttaara aattidi, ba keettaa asaakko ehiis.

Maatiyoosa 23:35

Hegaa gishshau, xilluwaa Aabeela woroosappe doommidi, Beeta Maqidasiyaappenne yarshshiyoosaappe gidduwan intte worido Baraakiyaa na7aa Zakkaariyaasa wodiyaa gakkanaassi, haiqqida xillo ubbatu suuttaa gishshau, intte qaxxayettana.

Maatiyoosa 27:43

Xoossan i ammanettees; Xoossai a ashshana koyikko ane ashsho; aissi giikko, i bana, ‘Taani Xoossaa Na7aa’ gees” yaagidosona.

Zaarettido Wogaa 28:37

GODAI nena laaliyo hara kawotettatu ubbaa giddon poora hageetubaa giidi, qilliicciyoobaanne baceessiyoobaa gidana.

Zaarettido Wogaa 32:27

SHin eta morkketi, “Nu wolqqai eta xooniis; hagaa ubbaa GODAI oottibeenna” yaagidi otoruwan ceeqettennan aggokkona yaagada qoppaas' yaagiis.

Yaasu Maxaafaa 7:9

Kanaanetinne ha biittan de7iya asai ubbai ha yohuwaa siyidi, nuna dooddana; dooddidi nuna biittaappe xaissana. Yaatin, ne gita sunttaayyo neeni oottiyoobai aibee?” yaagiis.