Yuu7eela 1:20 - Wolaytta Bible

²⁰ Goggiya haattai melido gishshaunne tamai bazzon de7iya hentta gadeta mirggido gishshau, harai atto, bazzo do7atikka neekko waassoosona.

Yuu7eela 1:20 ပူးပေါင်းရင်းမြစ်များ

Kawotu Maxaafaa Koiruwaa 17:7

Biittan iri bukkenna gishshau, guutta wodiyaappe guyyiyan shaafai meliis.

Kawotu Maxaafaa Koiruwaa 18:5

Akaabi Obaadiyaa xeesidi, “Biittan sa7an pulttoi de7iyoosaa ubbaanne shaafaa qoco ubbaa ba. Ooni erii, nuuni maataa demmidi paratanne baqulota worennan ashshanaakkonne” yaagiis.

Iyyooba Maxaafaa 38:41

Quuroti namisetti bichchaariyo wode, eta maratikka miyoobaa demmanau taayyo, Xoossaayyo, waassiyo wode, etayyo miyoobaa immiyai oonee?

Mazamure Maxaafaa 104:21

Wodala gaammoti shankkatiiddi gudoosona; eti banttau miyoobaa Xoossaappe koyoosona.

Mazamure Maxaafaa 145:15

Ubbaa aifee neekko xeellees; eta koshshiyo wodiyan neeni etau qumaa immaasa.

Mazamure Maxaafaa 147:9

Mehetuyyoonne waassiya quuro maratuyyo miyoobaa i immees.

Ermmaasa 14:4

Irai bukkenna gishshau, biittai melidi za77ees. Goshshanchchati yeellatidi, bantta huuphiyaa gullettoosona.

Ermmaasa 28:8

Beni neeppenne taappe kase de7ida hananabaa yootiyaageeti olai, iitabainne boshai daro biittatu bollinne gita kawotettatu bolli hananaagaa yootidosona.

Yuu7eela 1:18

Meheti keehi waassoosona; miizzaa wudiyaukka heemettiyoosai bainna gishshau, yaanne haanne bichchaaroosona. Harai atto, dorssaa wudetikka tuggatoosona.