Yohaannisa 19:14 - Wolaytta Bible

¹⁴ He gallassai Paasikaa bonchchiyo gallassau giigissiyo gallassa; sa7ai usuppun saate heera gidana. PHilaaxoosi Aihudata, “Intte kawuwaa hagaa be7ite!” yaagiis.

Yohaannisa 19:14 ပူးပေါင်းရင်းမြစ်များ

Maatiyoosa 27:45

Usuppun saateppe doommidi, uddufun saate gakkanaashin, biitta ubbai xumiis.

Maatiyoosa 27:62

Sambbataassi giigettiyo gallassaappe wonttetta gallassi, qeese halaqatinne Parisaaweti PHilaaxoosaara gaittidi, hagaadan yaagidosona;

Marqqoosa 15:25

Eti masqqaliyaa bolli misimaariyan xishidi a kaqqiyo wode, maallado heezzu saate.

Marqqoosa 15:42

Sa7ai omarido wode, yaa7aa asan bonchchettida issi Yooseefa giyo bitanee, Xoossaa kawotettai yaanaagaa naagi uttidaagee, Armmaatiyaasa giyo katamaa asi yiis; he gallassai wonttetta Sambbataayyo giigettiyo gallassa gidido gishshau, Yooseefi xalidi PHilaaxoosakko biidi, Yesuusa ahaa ekkanau woossiis.

Luqaasa 23:44

He wode usuppun saate heera gidin, awai xumiis; uddufun saate gakkanaashin, biitta ubban sa7ai xumiis.

Luqaasa 23:54

Hegee Sambbataassi giigettiyo gallassa; Sambbatai doommana hanees.

Yohaannisa 19:3

Akko shiiqidi, “Aihuda kawuwau, shemppo gam77a!” yaagidi a qinxxalliyaa baqqidosona.

Yohaannisa 19:42

He gonggoloi matan de7iyo gishshaunne qassi Aihudati Sambbatau giigettiyo gallassa gidiyo gishshau, Yesuusa yaani wottidosona.

Yohaannisa 19:5

Hegaappe guyyiyan, Yesuusi agunttaa akiliiliyaa ba huuphiyan wottidi, zo7o maayuwaa maayidi, kare kiyiis; PHilaaxoosi Aihudata, “Bitaniyaa hagaa be7ite” yaagiis.