Yaasu Maxaafaa 21:43 - Wolaytta Bible

⁴³ Hegaadan oottidi, GODAI eta aawatuyyo immanau caaqqido biittaa ubbaa Israa7eela asaayyo immiis; immin eti laattidi, yan de7idosona.

Yaasu Maxaafaa 21:43 ပူးပေါင်းရင်းမြစ်များ

Doomettaabaa 12:7

SHin GODAI Abraamayyo qonccidi a, “Ha biittaa taani ne zerettaayyo immana” yaagiis. Yaagin i baayyo qonccida GODAAYYO he sohuwan yarshshiyoosaa keexxidi goinniis.

Doomettaabaa 13:15

Ha neeni xeelliyo biitta ubbaa taani neeyyoonne ne zariyaayyo merinau immana;

Doomettaabaa 28:4

Neeni ha77i betetettan uttido ha biittaa nebaa oottana mala neeyyoonne ne zerettaayyo Xoossai Abrahaama anjjuwaa immo” yaagiis.

Hanidabaa Odiya Naa77antto Maxaafaa 20:8

Eti ha biittan de7idosona; eti hagan ne sunttaayyo Beeta Maqidasiyaa keexxidi,

Nahimiyaa Maxaafaa 9:24

Eti Kanaane biittaa laattidosona; he biittan de7iya Kanaane asaa ubbaa eta sinttan neeni kaushshadasa. Eti Kanaane asaa bollan, eta kawotu bollaaninne he biittan de7iya asa ubbaa bollan bantta dosidobaa oottana mala, eta kushiyan aatta immadasa.

Nahimiyaa Maxaafaa 9:8

I neeyyo ammanettiya asa gidiyoogaa be7ada, Kanaanetu, Hiitetu, Amooretu, Parzzetu, Yaabuusatunne Gerggeesetu biittaa a zaretussi laata biittaa oottada immanau ayyo maachchaa geladasa. Neeni xillo gidiyo gishshau, ne giido qaalaakka poladasa.

Mazamure Maxaafaa 105:8

I ba maachchaa merinaassi, ba azazido qaalaa sha7u yeletaa gakkanaassi naagees.

Mazamure Maxaafaa 44:3

Eti bantta bisuwan olidi, he biittaa kessibookkona; eti bantta kushiyaa minotettan xoonibookkona. SHin neeni eta siiqido gishshau, eti ne ushachcha kushiyaa, ne qesiyaanne ne sinttaa poo7uwaa wolqqan xoonidosona.

Mazamure Maxaafaa 78:55

I eta sinttaappe kawotettata laaggidi, eta biittaa shaakkidi, Israa7eela zaretuyyo gishshiis. Gishidi ba asaa eta keettan wottiis.

Kessaabaa 3:8

Hegaa gishshau, taani eta Gibxxe biittaa asatu kushiyaappe ashshanaunne he biittaappe eta kessada, aahonne lo77o biitti ehaanau wodhdhaas. He biittai maattainne eessai goggiyo biitta; he biittan Kanaaneti, Hiiteti, Amooreti, Parzzeti, Hiiwetinne Yaabuusati ha77i de7oosona.

Ermmaasa 32:23

immin eti ha biittaa gelidi laattidosona. SHin eti neeyyo azazettibookkona; ne higgiyaakka kaallibookkona; eti oottanaadan neeni azazidobaa ubbaakka oottibookkona. Hegaa gishshau, neeni eta bolli ha bashsha ubbaa ehaadasa.

Qoodaabaa 33:53

Taani intteyyo he biittaa laatau immido gishshau, he biittaa laattidi, an de7ite.

Qoodaabaa 34:2

“Neeni Israa7eelata hagaadan yaagada azaza; 'Laatadan inttena gakkiya Kanaane biittaa zawai hagaa.

Zaarettido Wogaa 11:31

Intte ha77i GODAI intte Xoossai intteyyo immiyo biittaa laattanau Yorddaanoosa SHaafaa pinnana haneeta. Intte he biittaa ekkidi yan de7iyo wode,

Zaarettido Wogaa 12:29

“Intte laattanau biyo kawotettaa GODAI intte Xoossai intte sinttappe xaissiyo wodenne inttekka eta biittaa laattidi de7iyo wode,

Zaarettido Wogaa 17:14

“GODAI intte Xoossai intteyyo immiyo biittaa laattidi, yan de7uwaa doommiyo wode, intte yuushuwan de7iya kawotettatuugaadan, inttekka, 'Ane nuunikka nu bollan kawuwaa kawoyoos' yaagidi qoppikko,

Zaarettido Wogaa 34:4

Bessidi GODAI Muusa hagaadan yaagiis; “Abrahaamassi Yisaaqassinne Yaaqoobassi, 'Taani intte zariyaassi immana' yaagada caaqqido biittai hagaa. Ha77i neeni ne aifiyan be7anaadan taani oottaas; shin neeni yaa pinnakka” yaagiis.

Yaasu Maxaafaa 1:6

Minna; xala! Aissi giikko, taani eta maizza aawatussi immana gaada caaqqido biittaa neeni ha asaa laatissana.

Yaasu Maxaafaa 21:42

He katamatu ubbaa yuushuwan hentta gadeti de7oosona.

Daannatu Maxaafaa 11:24

Neeni ne xoossai Kamooshi neeyyo immiyoobaa ekkikkii? Hegaadankka, nuuni GODAI nu Xoossai nuuyyo immidobaa ubbaa laattidi de7ana.

Sameela Maxaafaa Koiruwaa 12:8

Yaaqoobinne a so asai Gibxxe biidi de7ishin, Gibxxe asati eta naaqqido wode, intte aawati GODAAYYO waassidosona; waassin GODAI Musanne Aaroona kiittiis; eti intte aawata Gibxxeppe kessidi, hagan wottidosona.