Wogaabaa 25:23 - Wolaytta Bible

²³ “'Biittai tabaa gidiyo gishshaunne inttekka ha biittan imattanne bete gididi de7iyo gishshau, biittaa naa77antto simmennaadan baizzoppite.

Wogaabaa 25:23 ပူးပေါင်းရင်းမြစ်များ

Doomettaabaa 23:4

“Taani intte giddon betenne imatta; ta keettaayee ahaa mooganau taayyo intte gadiyaappe makkaanaa baizzerkketii!” yaagiis.

Doomettaabaa 47:9

Oichchin Yaaqoobi kawuwaa, “Taani yuuyaidda de7ido laittai xeetanne hasttama; ta laittai beni ta aawati yuuyiiddi de7ido laittatuppe guuttanne metoi daridoogaa” yaagiis.

Kawotu Maxaafaa Koiruwaa 21:3

Yaagin Naabutee Akaabayyo, “Taani ta aawatuppe laattido gadiyaa tana neeyyo imissiyaabaappe GODAI ashsho” yaagiis.

Hanidabaa Odiya Koiro Maxaafaa 29:15

Kase nu aawatu ubbaadan nuunikka ne sinttan betenne imatta. Ha sa7aa bollan nu de7o laittai kuwaadan aadhdhiyaagaa; nuuni haiqoppe attanau danddayokko.

Hanidabaa Odiya Naa77antto Maxaafaa 7:20

yaatikko, taani kase intteyyo immido biittaappe inttena xoqollana; taani ta sunttaayyo geeshshido ha Beeta Maqidasiyaakka aggaagana. Taani ha Beeta Maqidasiyaa asaa ubbaa giddon haiseyiyoobaanne qilliicciyoobaa oottana.

Mazamure Maxaafaa 119:19

Taani ha sa7an imatta; ne azazota taappe genttoppa.

Mazamure Maxaafaa 24:1

Sa7ainne sa7an kumidabai ubbai GODAABAA; biittainne biittan de7iyaabai ubbai abaa.

Mazamure Maxaafaa 39:12

“Abeet GODAU, ta woosaa siya; tana maaddanau ta waasuwaa ezgga. Ta afuttaa co77u gooppa; aissi giikko, taani ta aawatu ubbaadan betenne imatta gidada, nenaara de7ais.

Mazamure Maxaafaa 39:13

Taani shaahettanaappenne xayanaappe kasetada ufaittana mala, hai tana agga” yaagaas.

Mazamure Maxaafaa 85:1

Abeet GODAU, neeni ne biittaa maaradasa; Yaaqooba asaa omooduwaa zaaradasa.

Kessaabaa 19:5

Simmi ha77i intte taayyo kumetta azazettikkonne ta maachchaa naagikko, kawotetta ubbaa giddon intte taayyo buzo gidana. Kumetta sa7ai tabaa gidikkonne

Kessaabaa 2:22

Xippaara attuma na7aa yelin, Muusee a, “Taani asa biittan bete gidaas” yaagiiddi, Gershshooma sunttiis.

Isiyaasa 8:8

Kixxidi goggiiddi, Yihudaa gelana; eelliiddi yaara kanttana; kixai qooriyaa gakkana. Abeet Amaanu7eelaa, kafoi ba qefiyaa micciyoogaadan, haattaa kixai ne biittaa ubbaa bollan micettana” yaagiis.

Hizqqeela 48:14

Eti he gadiyaappe aibanne baizzoppona woikko laammoppona. Hegee biitta ubban dummatidaagaa gidiyo gishshau, hara asa kushiyan gelanau bessenna; GODAASSI i geeshsha soho.

Hoose7a 9:3

Eti GODAA biittankka gam77okkona. SHin Efireemi Gibxxe biitti simmana; qassi Asoore biittan tuna qumaa maana.

Yuu7eela 2:18

Yaatin, GODAI ba biittaassi mishettana; qassi ba asaukka qarettana.

Yuu7eela 3:2

Taani kawotettatu ubban de7iya asaa shiishshada, duge Yoosaafixa Wombbaa wottana; wottada eti ta asaa Israa7eela bolli oottido mooro ubbaa gishshau, taani eta yan pirddana. Aissi giikko, eti ta asaa kawotettatu giddon laalidosona; qassi ta biittaakka banttau shaakki ekkidosona;

Wogaabaa 25:10

Ishatamantto laittaa dummayidi, he biittan de7iya ubbaassi birshshettaa awaajjite. Hegee intteyyo Ishatamantto Laittaa Baalaa. He wodiyan intte ubbaikka intte gadiyaunne intte yarau yarau simmite.

Wogaabaa 25:24

Intte oiqqido biittan ubban de7iya gadiyaa gadiyaawati wozana mala, eta maataa naaganau koshshees.

Zaarettido Wogaa 32:43

“Inttenoo kawotettatoo, GODAA asaara ufaittite. I ba ashkkaratu suuttaa achchana; ba morkketa bollankka haluwaa kiyana. Biittan de7iya ba asaa nagaraakka atto gaana” yaagiis.

Koiro PHeexiroosa 2:11

Ta dabbotoo, intte ha sa7an imattanne yedettin asasan de7iyaageeta gididoogaadan, ubba wode intte shemppuwaara olettiya asatettaa amuwaappe intte haakkana mala, taani inttena woossais.