Uruti Maxaafaa 1:19 - Wolaytta Bible

¹⁹ Hegaa gishshau, naa77u maccaasati Beetaliheeme gakkanaashin biidosona. Biidi eti Beetaliheeme gakkiyo wode, he katamaa asai ubbai etaban garamettiis. Qassi maccaasati, “Hanna Naa7oomii?” yaagidosona.

Uruti Maxaafaa 1:19 ပူးပေါင်းရင်းမြစ်များ

Hanidabaa Odiya Koiro Maxaafaa 2:51

Beetaliheema aawaa Salmmoonanne Beeti-Gadeera aawaa Hareefa.

Isiyaasa 23:7

Beni wode keexettida, kare biittaa oiqqidi haaranau a tohoi a haassi efiidonne, intte an ufaittiyo Xiiroosa katamai hagaadan hanidee?

Ermmaasa Zilaassaa 2:15

Ne mataara aadhdhiya ubbai ba biradhdhiyaa ne bollan dukkees. Qassi, “Biittan sa7an ubbaappe aadhdhada lo77iya katamiyaa hannii? Kumetta biittau ufaissa geetettida katamiyaa hannii?” yaagidi nena baceessees; ba huuphiyaakka qaattees.

Maatiyoosa 21:10

Yesuusi Yerusalaame katamaa gelido wode, kataman de7iya asai ubbai, “Hagee oonee?” yaagidi shabbirettiis.

Uruti Maxaafaa 1:20

A zaarada eta, “Tana, 'Naa7oomo' gooppite; 'Camettidaaree' giite. Aissi giikko, Ubbaa Danddayiya Xoossai ta de7uwaa daro camettiis.

Uruti Maxaafaa 2:6

Oichchin cakkiyaageetu halaqai zaaridi, “Hanna yelagiyaa Naa7oomiira Moo7aaba biittaappe yiida Moo7aaba maccaasa.