Siiquwaa Sabaa 7:4 - Wolaytta Bible

⁴ Ne ziizzee danggarssaa zaaliyan alleeqettida adussa gimbbiyaa mala. Ne aifee gita Haseboona katamaa penggiyaa matan de7iya zeero haattaa milatees. Ne siiree Damasqqo xeelissidi gimbbido Liibaanoosa gimbbiyaa milatees.

Siiquwaa Sabaa 7:4 ပူးပေါင်းရင်းမြစ်များ

Doomettaabaa 15:2

Yaagin Abraami, “Abeet Ubbaa Haariya GODAU, taayyo mulekka na7i bainna gishshau, neeni immiyo woitoi taayyo aissee? Damasqqoi El77eezari tana laattana shin” yaagiis.

Sameela Maxaafaa Naa77anttuwaa 8:6

Hegaappe guyyiyan, Daawiti Sooriyaa kawotettaaninne Damasqqo kataman olanchchatu qatota medhdhiis. Yaatin Sooriyaa asati Daawitayyo haarettidi, giiraa giiridosona. Daawiti biido soho ubban GODAI ayyo xoonuwaa immiis.

Kawotu Maxaafaa Koiruwaa 10:18

Qassikka kawoi issi gita kawotaa araataa danggarssaa zaaliyaappe merissidi, muruta worqqan sheeshshiis.

Kawotu Maxaafaa Koiruwaa 10:22

Kawuwaayyo Kiiraama markkabetuura zal77iya gita markkabeti abban de7oosona. He markkabeti worqqaanne biraa, danggarssaa zaaliyaa, geleshshotanne qaareta caani ekkidi, heezzu laittaappe issiton simmoosona.

Kawotu Maxaafaa Koiruwaa 22:39

Akaabi hanido harabai, i oottidobai ubbai, danggarssaa zaaliyan kawo keettaa i keexxidobainne i gimbbido katamatubai ubbai Israa7eela Kawotu Taarikiyaa Maxaafan xaafetti uttiis.

Kawotu Maxaafaa Koiruwaa 7:2

Liibaanoosa Woraa Keettaa geetettiya keettaa Solomoni keexxiis; he keettaa zananai xeetu wara; gomppai ishatamu wara; geesai hasttamu wara. Zigaa tuuqeti oiddu maaran eqqidosona; qassi masettida zigaa mudettati eta bolli wodhdhidosona;

Kawotu Maxaafaa Koiruwaa 9:19

miishshaa minjjiyo katamata ubbaa, ba paratanne paraa gaareta wottiyo katamatanne Yerusalaamen, Liibaanoosaaninne ba haariyo biittan ubban keexxanau amottido ubbaa keexxiis.

Hanidabaa Odiya Naa77antto Maxaafaa 8:6

Baa7ilaata katamaa, miishshaa minjjiyo katamata ubbaa, ba paratanne paraa gaareta wottiyo katamata ubbaanne i keexxanau amottido ubbaa Yerusalaamen Liibaanoosaaninne ba haariyo biitta ubban keexxiis.

Mazamure Maxaafaa 144:12

Nu attuma naati bantta yelagatettan dalqqidalqqidi, dicciya mittaa mala gidona. Nu macca naatikka kawo keettaa zoozziyan alleequwau essido tuuqe mala gidona.

Mazamure Maxaafaa 45:8

Sinxxan, xaittaaninne puuxisan ne maayoi ubbai xaidettiis. Danggarssaa zaaliyan alleeqettida ne kawotaa keettan diixxiyaageeti nena ufaissoosona.

Siiquwaa Sabaa 1:10

Abeet, ne haittan goolattiya alleequwaara shiiqidi, ne gacoi aiba lo77ii! Ne ziizzeekka inqquwan alleeqettidaagaa.

Siiquwaa Sabaa 4:1

“Ta siiqee, neeni aiba malanchchee! Neeni aiba lo77ai! Ne aifeti ne som77uwaa kammiyo sharbbe giddoora be7iyo wode, haraphphiyaadan lo77oosona. Ne binnaanai Gala7aade Deriyaappe wodhdhiya deeshshaa wudiyaa mala.

Siiquwaa Sabaa 4:4

Ne ziizzee ola miishshaa kaqqanau gimbbido, Daawita adussa gimbbiyaa milatees; he gimbbee sha7u mino olanchchatu gonddallee kaqettin, alleeqetti uttiis.

Siiquwaa Sabaa 4:5

Ne xanttati naa77ai mentte yelettida, woraa ciishshaa giddon miya genessa marata milatoosona.

Siiquwaa Sabaa 6:5

Hayyanaa ne aifiyaa taappe wora zaararkkii, aissi giikko, eti tana waissoosona. Ne binnaanai Gala7aade Deriyaappe wodhdhiya deeshshaa wudiyaa milatees.

Isiyaasa 54:4

“Yayyoppa; aissi giikko, neeni yeellatakka. Dagammoppa; aissi giikko, neeni kauyyakka. Neeni ne yelagatetta yeellaa dogana; ne am77etettaa boriyaakka hagaappe sinttan hassayakka.

Ibraawe 5:14

SHin mino qumai iitaa kehaa de7uwaa daruwan shaakkida wozannaama asaassa.