Siiquwaa Sabaa 5:2 - Wolaytta Bible

² “Taani qammi xiskkaas; shin ta wozanai beegotti uttiis. Ta aimuwan ta siiqoi hagaadan yaagiiddi, penggiyaa qoxxishin siyaas; 'Ta mishiree, ta siiqee, nenan wottiyoobi bainna ta haraphphee, tau kariyaa dooya; ta huuphee akkan ka77iis. Ta binnaanaikka qamma diifiyan narkkakkiis' yaagees.

Siiquwaa Sabaa 5:2 ပူးပေါင်းရင်းမြစ်များ

Doomettaabaa 29:20

Hegaa gishshau Yaaqoobi Raaheelo ekkanau laappun laittaa oottiis; shin i o siiqiyo gishshau, ayyo amarida gallassa milatiis.

Mazamure Maxaafaa 119:1

Bantta ogiyan boree bainnaageetinne GODAA higgiyaadan hemettiyaageeti anjjettidaageeta.

Mazamure Maxaafaa 81:10

Taani, GODAA intte Xoossaa, inttena Gibxxe biittaappe kessada ehiidaagaa. Ne doonaa keehi hangga; taani nena tuxxada barssana.

Leemiso Maxaafaa 23:26

Ta na7au, ta zoriyaa ezgga; taani haniyoogaadan hana.

Siiquwaa Sabaa 1:16

“Ta siiquwau, neeni aiba lo77ai! Aiba ufaissai; nu arssaikka aacida maataadan ufaissiyaagaa.

Siiquwaa Sabaa 2:10

Ta siiqoi tana hagaadan yaagees; 'Ta siiqee, dendda! Ta malanchchee, haaya! Issippe ane boos.

Siiquwaa Sabaa 2:14

“Neeni aafuwaa doona zaallaa za7an qosettida haraphphee mala; ane issitoo tana ne som77uwaa bessa; ne cenggurssaakka sissa. Aissi giikko, ne cenggurssai tana qarettees; ne som77oikka daro lo77ees” yaagiis.

Siiquwaa Sabaa 2:8

“Siyite, hegee ta siiquwaa cenggurssaa! Be7ite deriyaara piriiddi, keratu bollaara xonggettiiddi gakkiis!

Siiquwaa Sabaa 3:1

“Qamma kumettaa ta hiixan zin77ada, ta siiquwaa demmanau amottaas; minttada koyaas; shin demmanau danddayabeikke.

Siiquwaa Sabaa 4:7

Ta siiqee, ne asatettai muleekka malanchcha; nenan wottiyoobi aibinne baawa.

Siiquwaa Sabaa 4:9

Ta siiqo michcho gidiya ta mishiree! Ne aifiyaa xeeloinne ne qooriyaa alleeqoi, ta wozanaa ufaissan gooshshiis.

Siiquwaa Sabaa 5:11

A huuphee worqqaa luliyaa milatees; a binnaanaikka lo77onne quuro mala karetta.

Siiquwaa Sabaa 5:6

Ta siiquwaassi kariyaa dooyaas; shin dooyiyo wode i baawa biichchiis. A cenggurssaa siyanau keehi amottaas. Minttada a koyaas; shin demmanau danddayabeikke. Xeegaas; shin tau koyibeenna.

Siiquwaa Sabaa 6:9

SHin ta haraphphiyaa, ta boree bainnaara, a tau dumma. A ba aayeessikka mexi issinno; o yelida aayyiyaakka aibippenne aattada o siiqausu. Geela7otikka o xeellidi, 'Hanna anjjettidaaro' yaagoosona. Macca kawotikka baakkotikka o sabboosona;

Siiquwaa Sabaa 7:9

Ne yeroi menttershshatuppenne achchaappe gidduwaara yalalattiiddi geliya, ubbaappe aadhdhidi mal77iya woine eessaa mala” yaagiis.

Siiquwaa Sabaa 8:7

Haattaa daroi siiquwaa tamaa toissanau danddayenna; di7oikka meeccidi efaanau danddayenna. Asi siiquwaa shammanau bau de7iya aqo ubbaa immikkokka, siiqoi miishshan shamettenna gishshau, asai hegaa karees” yaagaasu.

Isiyaasa 50:6

Taani ta zokkuwaa shociyaageetussi, ta gacuwaakka buuchchaa shoddiyaageetussi aattada immaas. Ta som77uwaa kaushshaappenne cuchchaa cushettiyoosaappe genttabeikke.

Isiyaasa 52:14

A som77oi asa ubbaagaappe, a meraikka asa naatuugaappe moorettiis; moorettin a be7idi, daro asai dagammiis.

Daaneela 8:18

I tanaara haasayiyo wode, taani biittan gufannada, xiskkuwaa kaira uttaas. Yaatin, i tana biittaappe pude denttidi, ta gediyan essiis.

Zakkaariyaasa 4:1

Hegaappe guyyiyan, tanaara haasayida kiitanchchai simmidi yiidi, xiskkida asa beegottiyoogaadan, tana beegottiis.

Maatiyoosa 7:8

Aissi giikko, woossiya ubbai ekkana; koyiya urai demmana; qassi kare yiidi xeesiya urau karee dooyettana.

Marqqoosa 1:35

Yesuusi maallado wonttimaattan denddidi, sooppe kiyidi, asi bainnasaa biis; biidi yaani Xoossaa woossiis.

Luqaasa 22:44

Ba wozanaa giddon mishettidi, daro minttidi woossees. I cawattiyo cawai sa7an xokkiya suutta milatees.

Luqaasa 6:12

He wodiyan Yesuusi Xoossaa woossanau deree de7iyoosaa biis. Biidi qamma ubban Xoossaa woossiiddi aqiis.

Luqaasa 9:32

SHin PHeexiroosinne aara de7iyaageeti xiskkuwan kairidosona. SHin beegottidi, Yesuusa bonchchuwaanne aara issippe eqqida naa77u asata be7idosona.

Yohaannisa 10:4

I baageeta kare kessidoogaappe guyyiyan, etappe sinttaara hemettees; etikka a qaalaa eriyo gishshau, a kaalloosona.

Galaatiyaa 2:20

Taani Kiristtoosaara a masqqaliyaa bolli misimaariyan xishettada kaqettaas; simmi, ha77i paxa de7iyaagee tana gidikke. SHin Kiristtoosi ta giddon de7ees; taani ha77i de7iyo de7oi, tana siiqidi, ta gishshau, ba huuphiyaa immida Xoossaa Na7an de7iya ammanuwaana.

Efisoona 5:14

Hegaa gishshau, “Xiskkiyaagoo, beegotta; haiquwaappekka dendda; Kiristtoosi neeyyo poo7issana” yaagees.

Ajjuutaa 14:4

Hageeti geeshsha asata gidiyo gishshau, maccaasaara gaittidi banttana tunissibookkona. Dorssai biyoosaa ubbaa eti kaalloosona. Eti Xoossaassinne Dorssaassi baira gidanau, sa7aa asa giddoppe wozettidaageeta.

Ajjuutaa 3:20

“ ‘ “Be7a, taani karen eqqada xeesais. Ooninne taani xeesiyoogaa siyidi, kariyaa dooyikko, taani akko gelana; gelada aara issippe kahuwaa maana; ikka tanaara issippe maana.

Ajjuutaa 3:4

SHin bantta maayuwaa urqqayibeenna amarida asati Sarddeesan nenaara de7oosona. Eti bootta maayuwaa maayidi tanaara hemettana; aissi giikko, eti bootta maayuwaa maayanau bessiyaageeta.