Siiquwaa Sabaa 1:9 - Wolaytta Bible

⁹ Ta siiqee! Gibxxe kawuwaa paraa gaariyaa goochchiya paratu giddon de7iya maggaayeedan lo77aasa.

Siiquwaa Sabaa 1:9 ပူးပေါင်းရင်းမြစ်များ

Doomettaabaa 50:9

Para gaaretikka paraasatikka aara pude biidosona; a kaallidi biida asai keehi daro.

Kawotu Maxaafaa Koiruwaa 10:28

Solomona parati Gibxxeppenne Qaawe giyo biittaappe yiidosona. Kawuwaa zal77anchchati eta Qaaweppe miishshan shammidi ehoosona.

Siiquwaa Sabaa 1:15

“Ta siiqee, neeni aiba lo77ai! Neeni aiba lo77ai! Ne aifeti haraphphiyaa aifiyaadan lo77oosona” yaagiis.

Siiquwaa Sabaa 2:10

Ta siiqoi tana hagaadan yaagees; 'Ta siiqee, dendda! Ta malanchchee, haaya! Issippe ane boos.

Siiquwaa Sabaa 2:13

Balasee aifiyaa doommiis; woinee ciyyiis; a ciishshaa sawoi biittan tonggu gees. Hegaa gishshau, ta siiqee, dendda; ta malanchchee, haaya; ane issippe boos' yaagees” yaagaasu.

Siiquwaa Sabaa 2:2

“Ee ta siiqiyaa maccaasaa giddon xeelliyo wode, agunttaa giddon beettiya lo77o ciishshaa milatausu” yaagiis.

Siiquwaa Sabaa 4:1

“Ta siiqee, neeni aiba malanchchee! Neeni aiba lo77ai! Ne aifeti ne som77uwaa kammiyo sharbbe giddoora be7iyo wode, haraphphiyaadan lo77oosona. Ne binnaanai Gala7aade Deriyaappe wodhdhiya deeshshaa wudiyaa mala.

Siiquwaa Sabaa 4:7

Ta siiqee, ne asatettai muleekka malanchcha; nenan wottiyoobi aibinne baawa.

Siiquwaa Sabaa 5:2

“Taani qammi xiskkaas; shin ta wozanai beegotti uttiis. Ta aimuwan ta siiqoi hagaadan yaagiiddi, penggiyaa qoxxishin siyaas; 'Ta mishiree, ta siiqee, nenan wottiyoobi bainna ta haraphphee, tau kariyaa dooya; ta huuphee akkan ka77iis. Ta binnaanaikka qamma diifiyan narkkakkiis' yaagees.

Siiquwaa Sabaa 6:4

“Ta siiqee! Neeni Tirxxa katamai lo77iyoogaadan lo77aasa; Yerusalaamedan daro lo77aasa; banddiraa oiqqidi, salppiyan biya olanchchai yashshiyoogaadan yashshaasa.

Isiyaasa 31:1

Maaduwaa koyanau duge Gibxxe wodhdhiyaageetussinne paran ammanettiyaageetussi aayye7ana! Cora gidiyo gishshau paraa gaaretun, daroppe mino gidiyo gishshau paraasatun ammanettiyaageetussi aayye7ana! Eti Israa7eela Geeshshaakko xeellokkona; woikko GODAAPPE maaduwaa koyokkona.