Siiquwaa Sabaa 1:4 - Wolaytta Bible

⁴ Tana nenaara ekkada ba. Haaya, ane naa77ai issippe woxxoos! Ta kawuwau, tana ne siirixaa gelissa” yaagaasu. “Aban nuuni ai keenaa ufaittidonii! Nuuni a siiquwaa woiniyaa eessaappekka aattidi nashshoos. Tumukka maccaasai ubbai nena siiqanau bessees” yaagidosona.

Siiquwaa Sabaa 1:4 ပူးပေါင်းရင်းမြစ်များ

Mazamure Maxaafaa 111:4

I ba maalaalissiya oosoti hassayettanaadan oottiis. GODAI qarettiyaagaanne maariyaagaa.

Mazamure Maxaafaa 119:32

Neeni tana daro wozanttido gishshau, taani ne azazuwaa ogiyan woxxais.

Mazamure Maxaafaa 119:60

Taani ne azazuwaa naaganau, eesotanaappe attin takkikke.

Mazamure Maxaafaa 149:2

Israa7eela asati banttana medhdhidaagan ufaittona. Xiyoone asati bantta kawuwan keehippe ufaittona.

Mazamure Maxaafaa 42:4

Taani eta baalaa bonchchanau shiiqida daro asaa giddoora salppiyan hombbocishiininne galata yettaa yexxishin, Xoossaa keetti kaalettidoogaa qoppiyo wode, ta wozanai azzanidi, giddon seerees.

Mazamure Maxaafaa 48:9

Abeet Xoossau, ne Beeta Maqidasiyaa giddon aggenna ne siiquwaa qoppida.

Mazamure Maxaafaa 63:5

Asi oissa qumaa kalliyoogaadan, taani nena kallana. Taani ta inxxarssan ufaissaa yettan nena galatana.

Siiquwaa Sabaa 3:4

Etappe yaa kanttanne ta siiquwaa demmaagaas. I taappe kessi ekkennaadan, minttada oiqqaas; oiqqada taayee soo ekka efaas; ta yelettido kifiliyaa gelissaas.

Siiquwaa Sabaa 4:10

Ta siiqo michcho gidiya ta mishiree! Ne siiqoi tana aiba ufaissii! Ne siiqoi woiniyaa eessaappe aadhdhi ufaissees; ne shittoi ubbabaappekka aadhdhidi sawees.

Isiyaasa 25:8

Haiquwaa i merinau mittana; Ubbaa Haariya GODAI aife ubbaappe afuttaa quccana; ba asaa kaushshaakka biitta ubbaappe diggana. Hagaa GODAI odiis.

Isiyaasa 45:25

SHin Israa7eela zerettai ubbai GODAN, xoonuwaanne bonchchuwaa demmana.

Isiyaasa 61:3

Hegaadankka qassi, Xiyoonen kayyottiyaageetussi, bidinttaa gishshaa akiliiliyaa, azzanuwaa gishshaa ufaissaa zaitiyaa, daafura ayyaanaa gishshaa galataa qumaashshaa immana mala, tana kiittiis. Eti GODAI ba bonchchuwau tokkido xillo mitta geetettidi xeesettana.

Isiyaasa 63:7

GODAI nuussi oottido ooso ubbaa gishshatau, GODAA aggenna siiquwaanne a galataa taani yootana; ee, ba maarotaaninne ba kehatettaa daruwan Israa7eela asaassi i immido cora lo77obaa taani yootana.

Ermmaasa 31:3

taani GODAI etau haahosaappe hagaadan yaagaidda qonccaas; 'Israa7eela asau, taani inttena merinaa siiquwan siiqais; ta aggenna siiquwan taani inttena taakko shiishshaas.

Hoose7a 11:4

Taani eta qaretaaninne siiquwaa wodoruwan goochchaas; eta morggiyaappe qambbaraa denttaas; denttada hokkada eta mizaas.

Sofonaasa 3:14

Xiyoone na7ee, mazamuriyaa yexxa! Israa7eela asau, ililite! Yerusalaame na7ee, ne polo wozanaappe ufaitta; ufaittada hashshukka ga!

Zakkaariyaasa 9:9

Nenoo Xiyoone katamau, ufaitta! Nenoo Yerusalaame katamau, ilila! Be7a, xoonida ne xillo kawoi neekko yees. Ne kawoi ashkke gididi, hariyaa bolli, hare maraa bolli uttidi, neekko yees.

Maatiyoosa 25:10

Yaagin eeyya geela7oti lambbaa shammanau biichchidaashin, machchiyo bullachchiyaagee puttu gin, giigi uttida ichchashu geela7oti aara issippe bullachchaa keettaa gelidosona; kareekka gorddetti aggiis.

Luqaasa 2:10

kiitanchchai eta, “Hachchi Godai Kiristtoosi, ashshiyaagee Daawita kataman yelettidoogaassi taani asa ubbaa ufaissiya mishiraachchuwaa intteyyo odiyo gishshau, yayyoppite;

Luqaasa 22:19

Qassi oittaa ekkidi, Xoossaa galatiis; he oittaa menttidi, etassi immidi, “Hagee intteyyo imettida ta ashuwaa; hagan tana hassayite” yaagiis.

Yohaannisa 12:32

Qassi taani masqqaliyaa bolli kaqettiyo wode, asa ubbaa taakko ekkana” yaagiis.

Yohaannisa 6:44

Tana kiittida ta Aawai taakko ehiido asappe attin, taakko yaanau danddayiya asi baawa; taanikka wurssettaa gallassi a denttana.

Efisoona 2:6

Nuuni Kiristtoos Yesuusaara saluwaa sohuwan haaranaadan, Xoossai nuna aara issippe haiquwaappe denttiis.

Efisoona 6:24

dochchenna siiquwan nu Godaa Yesuus Kiristtoosa siiqiya ubbatuura Xoossaa aaro kehatettai gido. Amin77i.

Piliphphisiyuusa 3:3

Aissi giikko, nuuni Xoossaa Geeshsha Ayyaanan Xoossaayyo goinniyo gishshaunne nu de7uwan Godaa Kiristtoos Yesuusan ufaittiyo gishshau, tumu qaxxaraa qaxxarettidaageeta; asatettaa bolli oosettiyaaban ammanokko.

Piliphphisiyuusa 4:4

Godaara intte de7iyo de7uwan ubba wode ufaittite; taani hagaa gujjadakka gais; ufaittite.

Ibraawe 12:1

Simmi nuuyyo hagaa keena daro asai, shaaraadan nu matan yuuyi aadhdhidi markkattiyaagee de7ishin, nuna xubbiya ubbabaanne baqqi oiqqiya nagaraa diggoos; diggidi nu sinttan de7iya nuuni woxxana wottaa genccidi woxxoos.

Koiro PHeexiroosa 1:8

Intte a be7ana xayikkokka, siiqeeta; intte ha77i a be7ana xayikkokka, ammaneeta. Qassi intte intte ammanuwau polo gidiya intte shemppuwaa atotettaa ekkiyo gishshau, yootanau danddayettenna bonchchoi kumido ufaissaa ufaitteeta.