Roome 15:1 - Wolaytta Bible

¹ Nuuni ammanuwan minnidaageeti daafuranchchatu toohuwaa tookkanau bessees; nuuni nu xalaalaa ufaissanau bessenna.

Roome 15:1 ပူးပေါင်းရင်းမြစ်များ

Roome 14:1

Ammanuwan azalliya uraa shiishshi ekkite. SHin i ba huuphen qoppiyooban aara palamettoppite.

Roome 14:2

Issi ura ammanoi i ai miininne diggenna; shin ammanuwan azalliya urai gaden mokkidabaa xalaalaa mees.

Roome 4:20

Xoossaa i bonchchiiddi, au immana giida Xoossai qassi polanau danddayiyoogaa loittidi erees; eridi ba ammanuwan minnidoogaappe attin, ammanennan ixxidi, Xoossai immana giidoogaa siribeenna.

Koiro Qoronttoosa 4:10

Nuuni Kiristtoosa gishshau eeyya, shin intte Kiristtoosan aadhdhida eranchcha. Nuuni laafa, shin intte mino. Intte bonchchettidaageeta, shin nuuni tooshettidaageeta.

Koiro Qoronttoosa 9:22

Taani ammanuwan shuggiyaageeta zaaranau, shugotu mala gidaas. Taani ai ogiyaaninne amarida asata ashshanau, ubba asatuura ubbaban eta mala gidaas.

Naa77antto Qoronttoosa 12:10

Taani Kiristtoosa gishshau daafuriyoogan, asan cayettiyoogan, waayettiyoogan, yedetettiyoogan, metootiyoogan ufaittais; aissi giikko, taani daafuriyo wode, he wode minnais.

Efisoona 6:10

Wurssettan, Godaaninne a gita wolqqan minnite.

Piliphphisiyuusa 2:4

Qassi issoi issuwaa go77iyaabaa koyanaappe attin, intte huuphe xalaalaa go77iyaabaa koyoppite.

Koiro Tasalonqqe 5:14

Nu ishatoo, nuuni inttena zoroos; maari bainna de7uwaa de7iyaageeta seerite. Yayyiyaageeta minttettite. Wolqqi bainnaageeta maaddite. Asa ubbaa danddayite.

Naa77antto Ximootiyoosa 2:1

Simmi ta na7au, Kiristtoos Yesuusan de7iya aaro kehatettan minna.

Koiro Yohaannisa 2:14

Aawatoo, koiroosappe de7iyaagaa intte erido gishshau, intteyyo xaafais. Yelagatoo, intte mino gidiyo gishshaunne Xoossaa qaalai inttenan de7iyo gishshau, qassi xalahe halaqaa intte xoonido gishshau, intteyyo xaafais.