Roome 14:20 - Wolaytta Bible

²⁰ Xoossaa oosuwaa quma gishshau bashshoppa; quma ubbaa min aikko baawa; shin hara ura nagaran yeggiyaabaa miya urau iita.

Roome 14:20 ပူးပေါင်းရင်းမြစ်များ

Maatiyoosa 15:11

asa tunissiyaabai doona giddo geliyaabaa gidenna; shin asa tunissiyaabai doonappe kiyiyaabaa” yaagiis.

Maatiyoosa 18:6

SHin tana ammaniya ha guutta naatuppe issuwaa balettiya ooninne, gaacciyo wogga woxaa ba qooriyan qachchidi, ciimma abban mitettiyoogee au keha.

Yesuusi Kiittidoogeetu Oosuwaa 10:15

Qassi naa77anttuwaa, “Xoossai geeshshidoogaa neeni tuna gooppa” giya qaalai akko yiis.

Roome 14:2

Issi ura ammanoi i ai miininne diggenna; shin ammanuwan azalliya urai gaden mokkidabaa xalaalaa mees.

Roome 14:21

Asho meennan woi ushsha uyennan aggiyoogee woikko ne ishaa xubbiyaabaa aibanne oottennan aggiyoogee lo77o.

Efisoona 2:10

Aissi giikko, nuuni Xoossaa mereta; i nuuyyo kasetidi giigissi wottido lo77o oosuwaa nuuni oottanaadan, Kiristtoos Yesuusa baggaara nuna medhdhiis.

Piliphphisiyuusa 1:6

Qassi intte giddon lo77o oosuwaa doommida Xoossai, Kiristtoos Yesuusi simmiyo gallassai gakkanaassi polanaagaa erais.

Tiitu 1:15

Bantta huuphen geeshsha gididaageetussi ubbabaikka geeshsha; shin tunatussinne ammanennaageetussi eta wozanaa qofainne eta zoriya wozanai tunido gishshau, etau aibinne geeshsha gidenna.