Nahimiyaa Maxaafaa 1:1 - Wolaytta Bible

¹ Hakaaliyaa na7ai Nahimee oottido oosuwaa qonccissiya qaalai hagaa. Arxxekssiisi Parsse biittan kawotoosappe laatamantto laittan, Kisileewa geetettiya aginan, taani Nahimee waanna katama gidiya Suusan de7ais.

Nahimiyaa Maxaafaa 1:1 ပူးပေါင်းရင်းမြစ်များ

Izira Maxaafaa 10:9

He geetettida heezzu gallassati wurennan de7ishin, uddufuntta aginan laatamantta gallassan Yihudaanne Biniyaama asai ubbai Yerusalaame shiiqidosona; shiiqidi, ha deexo yohuwaappenne wolqqaama iraappe denddidaagan kokkoriiddi, Xoossaa Beeta Maqidasiyaa sinttan de7iya dabaaban uttidosona.

Izira Maxaafaa 7:7

Israa7eela asaappe amaridaageetinne qassi qeesetuppe, Leewatuppe, mazamuriyaa yexxiyaageetuppe, penggiyaa naagiyaageetuppenne Beeta Maqidasiyaa ashkkaratuppe amaridaageeti Kawoi Arxxekssiisi kawotido laappuntta laittan Iziraara issippe Yerusalaame biidosona.

Nahimiyaa Maxaafaa 10:1

Hagaappe kaalliya asati he maatafai wodhdhido woraqataa bollan paramidosona. Hegeetikka Hakaaliyaa na7aa biittaa haariya Nahimiyaa; qeesetuppe: Sedeqiyaasa,

Nahimiyaa Maxaafaa 2:1

Oiddu aginaappe simmin, Arxxekssiisi kawotido laatamantto laittan, Niisaana giyo aginan, issi gallassi kawuwaa sinttan woiniyaa eessai de7iyaagaa ekkada, taani ayyo immaas. He gallassappe attin, kase mulekka kawuwaa sinttan azzana erikke.

Nahimiyaa Maxaafaa 5:14

Arxxekssiisi kawotido laatamantto laittaappe biidi, hasttamanne naa77antto laittaa gakkanaashin, taani Yihudaa haariyaagaa gidada gam77aas. He tammanne naa77u laittaa giddon, tana gidin woi ta ishantti haariyaagaassi bessiya kattaa damooza ekkibookko.

Asttiri Maxaafaa 3:15

Kawuwaa azazuwan eesotiya wottanchchati biitta ubbaakka kiitaa gattidosona. Qassi Suusa katamankka odettiis. Yaatin, Suusa katamaa asai ubbai shabbirettiis. SHin kawuwaaranne Hamaanaara issippe uttidi, woiniyaa eessaa uyoosona.

Daaneela 8:2

He ajjuutan ai be7idanaa giikko, Elaama biittan Suusa giyo kataman, Uulaaya giyo shaafaa lanqqen eqqidaagaa tana be7aas.

Zakkaariyaasa 7:1

Daariyoosi kawotido oiddantto laittan, Kisileewa giyo uddufuntta aginan, oiddantto gallassan GODAA qaalai Zakkaariyaasakko yiis.