Naa77antto Qoronttoosa 1:4 - Wolaytta Bible

⁴ Xoossai nuna nu huuphen minttettido minttettuwaadan, daro waayiyaa waayettiyaageeta nuunikka minttettanaadan, nu waaye ubban i nuna minttettees.

Naa77antto Qoronttoosa 1:4 ပူးပေါင်းရင်းမြစ်များ

Mazamure Maxaafaa 32:5

Taani ta nagaraa neessi paaxaas; ta iitatettaakka neeppe genttabeikke; “Ta mooruwaa GODAASSI paaxana” gaas. Yaatin, neeni tana deexxida nagaraa atto yaagadasa.

Mazamure Maxaafaa 32:7

Neeni taayyo qosettiyo soho; neeni tana metuwaappe naagana. Atotettaa yettaa yexxiyaageeta ta yuushuwan wottadasa.

Mazamure Maxaafaa 66:16

Inttenoo, Xoossaassi yayyiyaageetoo, ubbati haa yiidi, siyite. Xoossai taassi oottidobaa taani inttessi yootana.

Mazamure Maxaafaa 86:17

Abeet GODAU, ne kehatettaa malaataa tana bessa. Neeni tana maaddidoogaanne minttettidoogaa be7iyo wode, tana ixxiyaageeti hegan yeellatana.

Isiyaasa 12:1

He wode intte hagaadan yaagana; “Abeet GODAU, neeni tana hanqqettadasa; hanqquwaappekka simmadasa; yaatada tana minttettadasa. Hegaa gishshau, taani nena galatais.

Isiyaasa 40:1

Intte Xoossai hagaadan yaagees; “Ta asaa minttettite! Minttettite!

Isiyaasa 49:10

Eti namisettokkona woi saamettokkona. Eta bazzuwaa mishoi xuuggenna; awaikka eta meenna. Etau qarettiyaagee eta kaalettana; pultto haattaakkokka eta laaggana.

Isiyaasa 51:12

GODAI hagaadan yaagees; “Inttena minttettiyaagee tana. Yaatin, haiqqiya asau yayyanau, maatadan eesuwan meliya asaa na7au yayyanau intte oonee?

Isiyaasa 51:3

“GODAI Xiyooneeninne a qolettido sohotun de7iya ubba asaa minttettana. I bazzuwaa Edene Gannatiyaadan, i mela sohotakka GODAA ataakilttiyaa sohuwaadan oottana. Ufaissainne hashshu guussai yan de7ana; galataanne mazamuriyaa cenggurssai yan siyettana.

Isiyaasa 52:9

Inttenoo Yerusalaamen qolettida sohotoo, issippe ufaissau yexxite; aissi giikko, GODAI ba asaa minttettiis; Yerusalaame katamaakka woziis.

Yohaannisa 14:16

Taani Aawaa woossana; inttenaara merinau de7ana mala, tumatettaa Ayyaanaa, hara minttettiyaagaa intteyyo i immana. Ha sa7ai he tumatettaa Ayyaanaa be7ennaagaanne erennaagaa gidiyo gishshau, a ekkanau danddayenna; shin i inttenaara de7iyo gishshaunne intte giddon de7ana gishshau, intte a ereeta.

Yohaannisa 14:18

“Taani inttena intterkka yeggabeikke; taani simmada inttekko yaana.

Yohaannisa 14:26

shin Geeshsha Ayyaanai, minttettiyaagee, Aawai ta sunttan kiittanaagee, inttena ubbabaa tamaarissana. Taani intteyyo odido ubbabaakka inttena hassayissana.

Naa77antto Qoronttoosa 7:13

Nuuni minettidoogee hegaa gishshassa; he nu minettaa bolli, Tiitu ufaittidoogaassi nuuni ubbaappe dariya ufaissaa ufaittida. Aissi giikko, intte ubbai a hirggaappe shemppissideta.

Naa77antto Qoronttoosa 7:4

Taani inttena keehi ammanais; taani inttenan gitatais; nu waayee ubban taani keehi minettaisinne wogi bainna ufaissaa ufaittais.

Piliphphisiyuusa 1:14

Qassi taani qashettidoogee nu ishanttuppe dariyaageeti Godan keehi ammanettidi, Xoossaa qaalaa yashshi bainnan kaseegaappe xalidi yootanaadan maaddiis.

Koiro Tasalonqqe 4:18

Hegaa gishshau, ha haasayan issoi issuwaa minttettite.

Koiro Tasalonqqe 5:11

Hegaa gishshau, intte qassi ha77i oottiyoogaadan, issoi issuwaa minttettitenne maaddite.

Ibraawe 12:12

Hegaa gishshau, intte arggaacida kushiyaanne intte daafurida gulbbataa minttettite.