Milkkiyaasa 3:6 - Wolaytta Bible

⁶ Qassikka Ubbaappe Wolqqaama GODAI hagaadan yaagees; “Taani GODAI laamettikke; hegaa gishshau, inttenoo Yaaqooba zaretoo, intte xayibeekketa.

Milkkiyaasa 3:6 ပူးပေါင်းရင်းမြစ်များ

Doomettaabaa 15:18

He gallassi GODAI Abraamaara hagaadan yaagidi maachchaa maacettiis; “Gibxxe SHaafaappe doommidi Efiraaxiisa giyo gita shaafaa gakkanaassi, ha biittaa taani ne zerettaassi immaas;

Doomettaabaa 15:7

GODAI qassikka a, “Taani neeni ha biittaa laattana mala neeyyo immanau Uri giyo Kaladaawetu katamaappe nena kessa ehiida GODAATTENNEE” yaagiis.

Doomettaabaa 22:16

“GODAI, 'Hagaadan yaagada neeyyo taani ta huuphiyan caaqqais; neeni hagaa oottido gishshaunne ne mexi issi na7aakka tana diggabeenna gishshau,

Mazamure Maxaafaa 102:26

Hegeeti ubbai xayana; shin neeni de7ana; eti ubbaikka afaladan wurana. Neeni eta curqqa afaladan laammana; etikka aadhdhana.

Mazamure Maxaafaa 102:27

SHin neeni nenakka; ne laittai mule wurenna.

Mazamure Maxaafaa 102:28

Nuuni ne ashkkarata; nu naati sarotettan de7ana. Eta zerettaikka ne sinttan minnidi eqqana.

Mazamure Maxaafaa 103:17

SHin GODAAYYO yayyiyaageetuyyo aggenna a siiqoi merinaappe merinaa gakkanaassa. A xillotettainne naatu naata gakkanaassa.

Mazamure Maxaafaa 78:38

SHin i eta maariyaagee; eta iitatettaa atto giis. Eta xaissibeenna; daroto ba hanqquwaa teqqiis; ba hanqquwaa teegaa ubbaara eta bolli yeddibeenna.

Mazamure Maxaafaa 78:57

Eti bantta aawatudan makkalanchchatanne kaddanchchata gididosona. Geella tooraadan wora wodhdhidosona.

Isiyaasa 41:13

Aissi giikko, taani GODAI, ne Xoossai, ne ushachcha kushiyaa oiqqana. Nena, 'Yayyoppa, taani nena maaddana.

Isiyaasa 44:6

GODAI, Israa7eela Kawoi, a Woziyaagee, Ubbaappe Wolqqaama GODAI hagaadan yaagees; “Koiroi tana; wurssettaikka tana. Taappe hara Xoossi baawa.

Isiyaasa 46:4

Intte cimmana gakkanaashinkka taani tanakka; intte puulummana gakkanaashinkka, taani inttena maaddana. Taani inttena medhdhaas; taani inttena denttana; taani inttena tookkananne ashshana.

Ermmaasa 32:27

“Taani GODAA, asaa ubbaa Xoossaa. Taassi danddayettennabi de7ii?” yaagiis.

Daaneela 6:26

“Ta kawotettan de7iya asai ubbai Daaneela Xoossaassi yayyana malanne kokkorana mala, taani awaajuwaa kessaas. “Aissi giikko, i de7o Xoossaa; qassi i merinau de7iyaagaa. A kawotettai mulekka xayenna; a kawotaa maataikka mule attenna.

Hoose7a 11:9

Taani ta suulliya hanqquwan eta ainne oottikke; qassi Efireema naa77anttuwaa xaissikke. Aissi giikko, taani Xoossappe attin, asa gidikke. Taani Geeshsha Xoossai intte giddon de7ais; inttekko suulo hanqquwan yiikke.

Imbbaaqooma 1:12

Abeet GODAU, ta Xoossau, ta Geeshshau, neeni merinaappe doommada de7iya Xoossaa gidikkii? Neeni nu Zaalla gidiyo gishshau, nuuni haiqqokko. Abeet GODAU, Kaladaaweti nuna pirddanaadan, neeni eta denttadasa; denttada wolqqaakka etau immadasa.

Qoodaabaa 23:19

Xoossai worddotanau asa gidenna; ba qofaa laammanau i asa na7a gidenna. I yootidi, ba yootidoogaa oottennee? Woikko i ba giidobaa polennee?

Roome 5:10

Aissi giikko, nuuni Xoossaara kase morkke; shin a Na7aa haiquwan aara sigettida; hegaappe aattidi, ha77i nuuni Xoossaara sigettiichchidoogaappe guyyiyan, i paxa gidiyo gishshau nuna ashshana.

Piliphphisiyuusa 1:6

Qassi intte giddon lo77o oosuwaa doommida Xoossai, Kiristtoos Yesuusi simmiyo gallassai gakkanaassi polanaagaa erais.

Ibraawe 13:8

Yesuus Kiristtoosi zinekka hachchikka merinaukka laamettenna.

Ibraawe 6:18

Xoossai worddotanau danddayenna ha naa77u laamettenna yohotun, i immana giido nu sinttan de7iyaagaa oiqqanau baqatida nuuyyo gita minttettoi de7ees.

Yaaqooba 1:17

Lo77o imo ubbainne kumetta woito ubbai saluwaappe yees. Saluwaa poo7uwaa medhdhida Xoossaappe yees; Xoossai ba huuphen dummatennanne woi mirqqidi xumissenna.

Ajjuutaa 1:8

Kase de7iyaagee, ha77ikka de7iyaagee, sinttappekka yaana Godai, Ubbaappe Wolqqaama Xoossai, “Alifainne Omeegai tana” yaagees.

Ajjuutaa 22:13

Taani Alifaanne Omeegaa; Koiruwaanne Wurssettaa; Doomettaanne Poluwaa” yaagiis.

Sameela Maxaafaa Koiruwaa 15:29

Israa7eela Bonchchoi worddotenna, woikko ba qofaa laammenna; aissi giikko, ba qaalaa laammanau i asa gidenna” yaagiis.