Milkkiyaasa 3:5 - Wolaytta Bible

⁵ Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Milkkiyaasa 3:5 ပူးပေါင်းရင်းမြစ်များ

Doomettaabaa 20:11

Oichchin Abrahaami yaagiis; “'Xoossau yayyiya issi asinne ha sohuwan baawa' gaada qoppido gishshaassanne, 'Ta keettaayee gaasuwan eti tana worana' gaada qoppido gishshassa.

Doomettaabaa 42:18

Heezzantta gallassan Yooseefi eta, “Taani Xoossau yayyiya asa; intte issibaa oottikko, paxa de7ana.

Nahimiyaa Maxaafaa 5:15

SHin taappe kase doorettida haariyaageeti asaassi deexo tooho gididi, hachchi hachchi kattaassinne woiniyaa ushshaassi oitamu xaqara biraa qanxxissidosona. Harai atto haariyaageetu ashkkaratikka banttana asaa bollan goda milatissiiddi gam77idosona. Gidikkonne, taani Xoossaassi yayyido gishshau, hegaadan oottabeikke.

Iyyooba Maxaafaa 31:12

Ha nagarai tamaadan xuuggidi, ta aquwaa ubbaa xaissiyaabaa.

Iyyooba Maxaafaa 7:2

Kuwaa amottiya ashkkaraadan, woikko ba damoozaa ekkanau naagiya oosanchchaadan,

Mazamure Maxaafaa 36:1

Iita asi ba wozanan de7iya iitatettaa cenggurssaa ezggees. Xoossaassi yayyiyoobi a qofan baawa.

Mazamure Maxaafaa 81:8

Ta asau, taani inttena seeriyoogaa siyite; hai Israa7eelatoo, ezggeerekketii!

Kessaabaa 1:17

SHin maaretissiyaageeti Xoossau yayyidi, Gibxxe kawoi eta azazidoogaadan oottibookkona. Eti attuma naata paxa ashshidosona.

Kessaabaa 18:21

Qassi asaa ubbaa giddon danddayiya asata, Xoossaayyo yayyiyaageeta, ammanettidaageetanne mattaayiyaa miyoogaa ixxiyaageeta doora. Doorada etappe asaayyo shaalaqata, mato halaqata, hamssaalaqatanne assiraalaqata oottada suntta.

Kessaabaa 20:7

“Xoossaa ne GODAA sunttaa hadan denttoppa; aissi giikko, GODAI ba sunttaa hadan denttiyaagaa qaxxayana.

Kessaabaa 22:20

“GODAA xalaalaayyoppe attin, hara xoossaassi yarshshiya ooninne muleera xayo.

Leemiso Maxaafaa 16:6

Aggenna siiquwaaninne ammanettiyoogan nagarai atto geetettees; asi GODAAYYO yayyiyoogan iitabaa oottennan naagettees.

Leemiso Maxaafaa 8:13

Godaassi yayyiyoogee iitatettaa ixxiyoogaa; taani otoruwaanne ayyuwaa ixxais; iitasaa efiya ogiyaanne worddo haasayaa dosikke.

Isiyaasa 57:3

GODAI hagaadan yaagees; “Inttenoo, shareechchee naatoo, inttenoo laggettiyaarinne shaaramuxiyaari zerettatoo, haayite.

Ermmaasa 23:10

Aissi giikko, biittai shaaramuxatun kumiis. Qanggettaa gishshau, biittai yeekkees; bazzo hentta gadetikka melidosona. Hananabaa yootiyaageeti iita ogiyaa hemettoosona; bantta wolqqaakka likke gidennasan go7ettoosona.

Ermmaasa 27:10

Aissi giikko, eti intteyyo wordduwaa yootoosona; hegaa inttena intte biittaappe haassoosona. Taani inttena laaggada kessana; inttekka xayana.

Ermmaasa 27:9

Hegaa gishshau, inttena, 'Baabiloone kawuwaassi haarettekketa' yaagiya intte hananabaa yootiyaageeti, intteyyo kaayiyaageeti, intte aimuwaa birshshiyaageeti, intte shareechchotinne maliyaageeti yootiyoogaa siyoppite.

Ermmaasa 29:23

Aissi giikko, eti Israa7eelan pala nagaraa oottidosona. Eti bantta shoorotu maccaasaa laggettidosona; yaatidi taani eta azazabeenna worddobaa ta sunttan haasayoosona. Hegaa eriyaagee tana; hegau taani markka. Taani GODAI hagaa odaas' yaagees” yaagiis.

Ermmaasa 42:5

Eti zaaridi, Ermmaasau hagaadan yaagidosona; “GODAI ne Xoossai ne baggaara nuuyyo kiittiyoobaa ubbaa nuuni polana xayikko, GODAI ba huuphen nu bolli tumunne ammanettida markka gido.

Ermmaasa 5:2

SHin eti, 'GODAI ero' giikkokka, eti tumuppe wordduwan caaqqoosona” yaagees.

Ermmaasa 5:29

Yaatin, taani GODAI eta hegaa gishshau, qaxxayanau bessikkinaa? Hagaa mala kawotettaa bolli ta haluwaa kessanau bessikkinaa?” yaagees.

Wogaabaa 19:13

“'Ne shooruwaa sugoppa; woikko bonqqoppa. “'Keraa oottiya bitaniyaa damoozaa diggada, issi qammaanne ne matan aissoppa.

Wogaabaa 20:10

“'Issi asi ba shooruwaa keettaayeera zin77ikko, he zin77ida bitaneenne mishiriyaa naa77aikka haiqqona.

Wogaabaa 20:27

“'Issi attuma asi woikko macca asi moitilliyaara haasayiyaagaa woikko shareechcho gidikko, eti haiqqanau bessees. Eti shuchchan cadettona. Eta suuttaa acoi eta bollaana' yaaga” yaagiis.

Wogaabaa 20:6

“'Ai asinne tanan ammanettennan ixxidi, moitilliyaa haasayissiyaageetanne shareechchota oichchanau biikko, taani a morkkana; a asaa giddoppekka a xaissana.

Mikiyaasa 1:2

Inttenoo, asau ubbau, siyite! Qassi sa7aunne sa7an de7iya ubbatoo, hagaa ezggite! Ubbaa Haariya GODAI intte bolli markkattees; i ba geeshsha Beeta Maqidasiyan inttebaa haasayees.

Imbbaaqooma 1:12

Abeet GODAU, ta Xoossau, ta Geeshshau, neeni merinaappe doommada de7iya Xoossaa gidikkii? Neeni nu Zaalla gidiyo gishshau, nuuni haiqqokko. Abeet GODAU, Kaladaaweti nuna pirddanaadan, neeni eta denttadasa; denttada wolqqaakka etau immadasa.

Zakkaariyaasa 11:12

Taani eta, “Immanau bessees giikko, ta damoozaa hammite; koshshenna giikkokka, aggi bayite” yaagaas. Yaagin eti ta damoozaa hasttamu xaqara biraa taayyo immidosona.

Milkkiyaasa 1:6

Ubbaappe Wolqqaama GODAI hagaadan yaagees; “Inttenoo, ta sunttaa kaushshiya qeesetoo, na7ai ba aawaa, ashkkaraikka ba godaa bonchchees. Yaatin, taani intteyyo aawaa gidikko, intte tana bonchchiyo bonchchoi anee? Qassi taani intteyyo goda gidikko, intte taassi yayyiyo yashshai anee? “Intte ta sunttaa kaushshideta; yaatidi qassi, 'Nuuni ne sunttaa waatidi kaushshidoo?' yaageeta.

Milkkiyaasa 2:14

Intte, “I aissi nu yarshshuwaa ekkennee?” yaagidi oichchikko, gaasoi hagaa: intte intte yelagatettan ekkido machcheera machcheera he wode maacettido maachchaa kolideta; intte machchiyaa machchiyaa intteyyo siiqonne intte maachchan machchidooro. Hegau GODAI markka.

Milkkiyaasa 2:17

Intte intte haasayan GODAA daafurssideta. SHin intte, “Nuuni a waatidi daafurssidoo?” yaageeta. Intte a daafurssidoogee, “Iitaa oottiyaageeti ubbai GODAA sinttan suure; qassi ikka etan ufaittees” yaagiyoogan woikko, “Tumaa pirddiya Xoossai awan de7ii?” yaagiyoogaana.

Luqaasa 23:40

SHin hankkoi a, “Neeni hagaa mala pirddan de7aiddakka Xoossaassi yayyikkii?

Roome 3:8

Yaatin nuuni, “Lo77oi yaanaadan, ane iitabaa oottoos” aissi gookkonii? Issi issi asai hagaa tana mootiiddi cayidosona; eti Xoossaappe bessiya pirddaa ekkana.

Zaarettido Wogaa 15:13

Neeni ailletettaappe a kessa yeddiyo wode, mela kushe yeddoppa.

Zaarettido Wogaa 18:10

Ba attuma na7a woikko macca na7a yarshshossi giidi, taman xuuggiya ai asinne intte giddon beettoppo. Bitiyaabi, maracce xeelliyaabi, murunniyaabinne qaadaa odiyaabi qassi intte giddon de7oppo.

Zaarettido Wogaa 24:17

“Kare biitta asatu pirddaanne aawu aaya bainnaageetu pirddaa geellayoppa; am77ee maayuwaa a tal77idobau gaada oiqqoppa.

Zaarettido Wogaa 27:19

“'Betiyaa, aaya aawu bainna naatu pirddaanne am77ee pirddaa geellayiya asi qanggettidaagaa gido' yaagin, asai ubbai, 'Amin77i' yaago.

Zaarettido Wogaa 5:11

“'GODAA ne Xoossaa sunttaa hadan xeesoppa; aissi giikko, GODAI ba sunttaa hadan xeesiyaagaa qaxxayennan aggenna.

Koiro Tasalonqqe 4:6

Nuuni qassi kase intteyyo yootidoogaadaaninne inttena mintti zoridoogaadan, Godai hagaa malaban ubban halo kessiyaagaa gidiyo gishshau, ooninne ha yohuwan ba ishaa naaqqanaunne cimmanau bessenna.

Ibraawe 13:4

Ekkiyoogaanne geliyoogaa asai ubbai bonchchanau bessees; qassi azinainne machchiyaa issoi issuwau ammanettanau bessees; aissi giikko, Xoossai shaaramuxanau qaaqqatiyaageetanne shaaramuxiyaageeta pirddana.

Yaaqooba 5:12

SHin ubbaappe kase, ta ishatoo, saluwan gidin, woi sa7an gidin, woi hara caaquwan gidin, aibinkka caaqqoppite. SHin Xoossaa pirddan intte gelennaadan, intte yohoi ee giyoobaa gidikko, “Ee” giite; chii giyoobaa gidikko, “CHii” giite.

Yaaqooba 5:4

Akeekite; intte gaden kattaa cakkida asatuyyo qanxxibeenna keraa miishshai waassees; eta waasoi wolqqaama Godaa haittan siyettiis.

Ajjuutaa 21:8

SHin yayyiyaageeti, ammanennaageeti, tunati, shemppo woriyaageeti, shaaramuxiyaageeti, bitiyaageeti, eeqassi goinniyaageetinne worddotiyaageeti ubbai de7iyo sohoi tamainne dinnee eexxiyo abbaa gidana. Hegee naa77antto haiqo” yaagiis.

Ajjuutaa 22:15

SHin kanati, bitiyaageeti, shaaramuxiyaageeti, shemppuwaa woriyaageeti, eeqassi goinniyaageetinne bantta haasayaaninne bantta oosuwan worddotiyaageeti kareera de7oosona.