Mikiyaasa 7:10 - Wolaytta Bible

¹⁰ He wode ta morkkeekka be7ana; qassi tana, “GODAI ne Xoossai awan de7ii?” yaagi yaagidi qilliicciyaagee yeellaa maayana; i ogiyan de7iya urqqaadan yerettishinkka taani ta aifiyan be7ana.

Mikiyaasa 7:10 ပူးပေါင်းရင်းမြစ်များ

Sameela Maxaafaa Naa77anttuwaa 22:43

Taani eta baanadan liiqissaas; ogiyan de7iya urqqaadankka eta dirxxerettada yedhdhaas.

Mazamure Maxaafaa 109:29

Tana mootiyaageeti kaushshaa maayona; bantta yeellaakka kutadan qumaayona.

Mazamure Maxaafaa 115:2

Dere asati aissi, “Eta Xoossai awan de7ii?” giyoonaa?

Mazamure Maxaafaa 18:42

Carkkoi pittidi efiyo baanadan taani eta liiqissaas; ogiyan de7iya urqqaadankka eta yedhdhaas.

Mazamure Maxaafaa 35:26

Ta waayiyan ufaittiyaageeti mule yeellatonanne kauyyona. Ta bollan otorettiyaageeti yeellaanne kaushshaa maayona.

Mazamure Maxaafaa 42:10

Ta morkketi tana, “Ne Xoossai awan de7ii?” yaagi yaagidi, ta meqettaa menttidi cayoosona.

Mazamure Maxaafaa 42:3

Asati ubbatoo, “Ne Xoossai awan de7ii?” yaagiyo wode, taayyo gallassinne qammi ta afuttai quma gidiis.

Mazamure Maxaafaa 58:10

Haluwaa kessiyoogaa be7iyo wode, xilloti ufaittana. Iitatu suuttan bantta tohuwaa meecettana.

Mazamure Maxaafaa 79:10

Dereti aibissi, “Eta Xoossai awan de7ii?” yaaganee? Ne ashkkaratu suuttaa eti gussidoogaa haluwaa neeni kessiyoogaa nuuni xeellishin, eta gidduwan qonccissa.

Mazamure Maxaafaa 92:12

Xilloti zambbaadan daayana; qassi Liibaanoosa zigaadan diccana.

Isiyaasa 26:11

Abeet GODAU, neeni ne kushiyaa xoqqu oottadasa; shin eti be7okkona. Ne asau neeni mishettiyo mishuwaa be7idi yeellatona. Neeni ne morkketuyyo wottido tamai eta mi xaisso.

Isiyaasa 41:25

“Taani huuphessa baggappe issuwaa denttaas; denttin i yiis. Qassi ta sunttaa xeesiya issoi arshsho baggappe yaana. Urqqaa medhdhiyaagee urqqaa yedhdhiyoogaadan, i kaalettiyaageeta yedhdhana.

Ermmaasa 49:15

GODAI hagaadan yaagees; “Simmi taani inttena kawotettatu giddon guuttana; asaa giddonkka karettidaageeta oottana. Inttenoo, shuchchaa kooppuwaaninne deriyaa bollan de7iyaageetoo, intte yashissiyo yashshainne intte otoroi inttena cimmiis. Intte intte keettaa argganttaagaadan xoqqan keexxikkokka, taani inttena hegaappekka duge wottana.

Ermmaasa 51:24

GODAI hagaadan yaagees; “Baabiloone asainne Baabiloonen de7iyaageeti Xiyoone bolli oottido iitaa haluwaa taani intte xeellishin kessana.

Ermmaasa 51:51

Intte, 'Nuuni cayettido gishshau kauyyida; allagati GODAA Beeta Maqidasiyan de7iya geeshsha sohota gelido gishshau, nuuni yeellaa maayida' yaagideta.

Hizqqeela 7:18

Eti waaruwaa maayana; qassi yashshan kokkorana. Eta som77oikka yeellaa maayana; eta huupheekka meedettana.

Daaneela 3:15

Ha77i malkkataa, pulaaliyaa, maazinqqiyaa, diittaanne cora baqettan waaxettida diittaa kaa7iyoogaa siyiyo wode, taani essido misiliyaayyo gufannidi goinnikko, daro lo77o. SHin intte goinnennan ixxikko, sohuwaara eexxiya itoone tamaa giddon olettana. Ai xoossee inttena ta kushiyaappe ashshanai?” yaagiis.

Yuu7eela 2:17

GODAU oottiya qeeseti Beeta Maqidasiyaa baranddaappenne yarshshiyoosaappe gidduwan eqqidi yeekkona. Eti hagaadan yaagidi woossona; “Abeet GODAU, ne asau qaretta; ne asaa kawotettatu giddon boriyoobaanne baceessiyoobaa kessoppa. Asai ba giddon aissi, 'Eta Xoossai awan de7ii?' yaaganee?” yaagona.

Abddiyyu 1:10

“Yaaqooba zare gidiya ne ishanttu bolli neeni oottido iitabaa gishshau, neeni yeellaa maayana; neeni merinau xayaagana.

Abddiyyu 1:12

Neeni ne ishai metootiyo gallassi a metuwan ufaittanau bessenna; qassi Yihudaa asaa bolli bashshai gakkiyo gallassikka hashshu gaanau bessenna. Ee, eta un77uwaa gallassi eta bolli miiccanaukka bessenna!

Mikiyaasa 4:11

SHin ha77i daro kawotettati ne bolli shiiqidosona; shiiqidi, “Yerusalaamee tuno; nu aifeekka Xiyoone dereqqo” yaagoosona.

Mikiyaasa 7:8

Ta morkkiyau, ta metuwan ufaittoppa. Taani kunddikkokka denddana; taani xuman uttikkokka, GODAI taayyo poo7ana.

Sofonaasa 3:15

GODAI intte bolli pirddido pirddaa aggiis; intte morkketakka diggiis. GODAI, Israa7eela Kawoi, intte giddon de7ees; hagaappe sinttanau inttena yashissiyaabi baawa.

Zakkaariyaasa 10:5

Bantta morkketa ogiyaa urqqaara gattidi yedhdhiya mino olanchchatu mala gidana; GODAI etaara de7iyo gishshau, eti olettana; olettidi paraasatakka xoonana.

Milkkiyaasa 1:5

Hegaa intte intte aifiyan be7ana; be7idi, “Hekko GODAI Israa7eela biittaa zawaappe kareerakka gita” yaagana.

Milkkiyaasa 4:3

Taani oottiyo gallassi, nagaranchchati intte tohuwaappe garssa baggaara bidintta mala gidana; inttekka eta yedhdhana. Taani Ubbaappe Wolqqaama GODAI hagaa odais.

Maatiyoosa 27:43

Xoossan i ammanettees; Xoossai a ashshana koyikko ane ashsho; aissi giikko, i bana, ‘Taani Xoossaa Na7aa’ gees” yaagidosona.

Yaasu Maxaafaa 7:9

Kanaanetinne ha biittan de7iya asai ubbai ha yohuwaa siyidi, nuna dooddana; dooddidi nuna biittaappe xaissana. Yaatin, ne gita sunttaayyo neeni oottiyoobai aibee?” yaagiis.

Ajjuutaa 18:20

He katamiyaa xayido gishshau, saluwau, ufaitta! Geeshshatoo, Yesuusi kiittidoogeetoo, hananabaa yootiyaageetoo, ufaittite! Aissi giikko, a inttena oottidobaa gishshau Xoossai o pirddiis.