Mazamure Maxaafaa 90:10 - Wolaytta Bible

¹⁰ Nu de7uwaa laittai laappun tamma; woi minnikko, hosppun tamma; hegeekka metonne tugga. Nu laittai eesuwan aadhdhees; nuunikka eesuwan kichchoos.

Mazamure Maxaafaa 90:10 ပူးပေါင်းရင်းမြစ်များ

Doomettaabaa 47:9

Oichchin Yaaqoobi kawuwaa, “Taani yuuyaidda de7ido laittai xeetanne hasttama; ta laittai beni ta aawati yuuyiiddi de7ido laittatuppe guuttanne metoi daridoogaa” yaagiis.

Doomettaabaa 6:3

GODAI, “Ta Ayyaanai asan merinau de7enna; aissi giikko, asi haiqqiyaagaa; a laittaikka issi xeetanne laatama gidana” yaagiis.

Sameela Maxaafaa Naa77anttuwaa 19:35

Taani ha77i hosppun tammu laitta asa; taani ha77i iitaanne lo77uwaa shaakkada eranau danddayiyaanaa? Taani ne ashkkarai ta miyoobaanne uyiyoobaa mal77uwaa masuhuwaa shaakkada eranau danddayiyaanaa? Attumaageetinne maccaageeti yexxiyo yettaa taani siyanau danddayiyaanaa? Yaatin, taani ne ashkkarai ta godau kawuwau aibissi gujo tooho gidoo?

Sameela Maxaafaa Naa77anttuwaa 19:36

Taani ne ashkkarai Yorddaanoosa SHaafaa pinnada nena guuttaa moissana. SHin kawoi taayyo hegaadan kushe zaaranau aibissi koshshii?

Kawotu Maxaafaa Koiruwaa 1:1

Kawoi Daawiti cimidi wodiyaa keehippe sugiis. Yaatidaagau ashkkarati maayuwaa a bolli kuurinkka a ho77ennan ixxiis.

Iyyooba Maxaafaa 14:10

“SHin asi haiqqin, a wolqqai wurees; a shemppoi kiyaappe hini baggan, i awan de7ii?

Iyyooba Maxaafaa 20:8

Aimuwaadan i paalli xayana; simmidikka beettenna; qammaa ajjuutaadan i xayi bayana.

Iyyooba Maxaafaa 24:24

Iita asati guutta wodiyaassi xoqqu xoqqu goosona; shin sohuwaarakka sharafaadan shullidi xayoosona; kattaadan cakettoosona.

Iyyooba Maxaafaa 5:7

Tamai piri wodhdhiyoogaadan, asi metuwau yelettiis.

Mazamure Maxaafaa 78:39

Aissi giikko, eti asho xalaala gidiyoogaanne yaa carkkidosaappe haa simmenna carkko mala gidiyoogaa hassayiis.

Isiyaasa 38:12

Dorssaa heemmiyaagaa dunkkaaniyaadan, ta de7oi shodettiis. SHimainnee afalaa harppan xaaxiyoogaadan, taani ta de7uwaa xaaxaas; ikka tana wonddarashiyaappe duuttiis. Gallassaappe qammi gakkanaashin, neeni tana xaissadasa” yaagaas.

Wogaabaa 27:7

Hegaadankka qassi usuppun tammu laittanne hegaappe bollaara de7iya attumaagau tammanne ichchashu xaqara biraanne maccaarissi tammu xaqara biraa qanxxo.

Luqaasa 12:20

“SHin Xoossai a, ‘Laa ha eeyyau, neeni hachchi qamma haiqqaasa; yaatin, ha neeni shiishshidobai oossi gidanee?’ yaagiis.

Zaarettido Wogaa 34:7

Muusee haiqqiyo wode, a laittai xeetanne laatama; shin au aifee ixxibeenna; a wolqqaikka ixxibeenna.

Yaaqooba 4:14

Wontto intte de7oi ai hananaakkonne erekketa; guutta wodiyau intte beettidi, guyyeppe xayiya cuwa mala.

Yaasu Maxaafaa 14:11

Gidinkka ha77i tau de7iya minotettai beni Muusee tana kiittiyo wode de7iya minotettaakka mala. Taani ha77ikka olettanaunne aiba gidikkonne oottanau beni he wodeegaadan wolqqaama.