Mazamure Maxaafaa 89:29 - Wolaytta Bible

²⁹ Taani a zerettaa merinaayyo minttada essana; a kawotaa araataakka saluwaadan gam77ettana.

Mazamure Maxaafaa 89:29 ပူးပေါင်းရင်းမြစ်များ

Sameela Maxaafaa Naa77anttuwaa 23:5

“Tumu ta keettaa asai Xoossaa sinttan suure. I tanaara merinaa maachchaa maacettiis; ubbabaikka ha maachchaa giddon giigidinne minnidi uttiis. Xoossai taayyo xoonuwaa immana; qassi taani amottidobaa ubbaa i tumuppe polana.

Hanidabaa Odiya Koiro Maxaafaa 22:10

I ta sunttaayyo Beeta Maqidasiyaa keexxana. I ta na7a gidana; taanikka ayyo aawa gidana. A kawotaa araataa Israa7eelan merinau mintta essana' yaagiis.

Mazamure Maxaafaa 132:11

GODAI Daawitassi mulekka kaddenna caaquwaa hagaadan yaagidi caaqqiis; “Ne gulbbataappe yelettida ne naatuppe issuwaa taani kawoyana.

Mazamure Maxaafaa 21:4

Neeni de7uwaa ayyo immanaadan nena woossiis; woossin ayyo immadasa. Meri merinau a bariyaa adussadasa.

Mazamure Maxaafaa 45:6

Abeet Xoossau, ne kawotaa araatai meri merinau de7ees; ne kawotaa xam77aikka suuretettaa xam77aa.

Mazamure Maxaafaa 89:36

Hegeenne, a zerettai merinaassi daana; a kawotaa araataikka ta sinttan awaadan gam77ana.

Mazamure Maxaafaa 89:4

'Taani ne zerettaa merinaayyo kawoyana; ne kawotaa araataa yeleta ubbau minttana' yaagaas” yaagadasa.

Isiyaasa 55:3

“Ta asau, siyite; taakko haa yiite. SHemppoora paxa de7ana giikko, taani yootiyoogaa siyite. Taani inttenaara merinaa maachchaa maacettana. Taani anjjana gaada Daawita anjjidoogaadan, inttenakka anjjana.

Isiyaasa 59:21

Qassikka GODAI hagaadan yaagees; “Tana gidikko, taani etaara maacettiyo maachchai hagaa: intte bollan de7iya ta Ayyaanainne taani intte doonan wottido ta qaalai hachchippe doommidi, merinaa gakkanaashin, intte doonaappe, intte naatu doonaappenne intte naatu naatu doonaappe shaahettenna. Taani GODAI hagaa odais” yaagees.

Isiyaasa 9:7

A kawotettaa daruwaunne a sarotettau zawai de7enna; hachchippe doommidi, merinaa gakkanaassi, suure pirddaaninne xillotettan minttanaunne essanau Daawita kawotaa araataaninne a kawotettan i kawotana; Ubbaappe Wolqqaama GODAA mishoi hegaa polana.

Daaneela 2:44

“He kawotu laittan, saluwaa Xoossai mulekka kunddenna, hara asaukka imettenna kawotettaa essana. He eqqida kawotettai he kawotettata ubbaa gaaceretti xaissana; shin i merinau eqqidi daana.

Zaarettido Wogaa 11:21

Yaatikko, GODAI intte maizza aawatuyyo immana giidi caaqqido biittan intte laittainne intte naatu laittai sa7aappe bollaara de7iya saloi de7iyoogaa keena gidana.