Mazamure Maxaafaa 89:27 - Wolaytta Bible

²⁷ Taani a bairayana; sa7an de7iya kawotu ubbaappe a gitayana.

Mazamure Maxaafaa 89:27 ပူးပေါင်းရင်းမြစ်များ

Sameela Maxaafaa Naa77anttuwaa 22:47

“GODAI de7ees! Xoossai, ta wogga zaallai galatetto. Xoossai, tana ashshiya zaallai, xoqqu xoqqu go.

Sameela Maxaafaa Naa77anttuwaa 7:14

Taani ayyo aawa gidana; ikka taayyo na7a gidana. I baliyo wode, taani a asaa xam77an, asai shociyo lissuwan a seerana.

Hanidabaa Odiya Naa77antto Maxaafaa 1:12

taani neeyyo aadhdhida eratettaanne akeekaa immana. Qassi neeppe kase de7ida kawotuyyo woikko neeppe guyyiyan yaana kawotuyyookka bainna duretaa, aquwaanne bonchchuwaa taani neeyyo immana” yaagiis.

Mazamure Maxaafaa 2:7

He kawoi, “Taani GODAA higgiyaa awaajjana; GODAI tana, 'Neeni ta na7aa; taani hachchi neeyyo aawa gidaas.

Mazamure Maxaafaa 71:3

Neeni taani geemmiyo wogga zaallanne tana ashshiya mino qato gida. Ee, neeni ta wogga zaallaanne ta qato.

Mazamure Maxaafaa 72:11

Kawotu ubbai ayyo gulbbatona; kawotettati ubbai ayyo kiitettona.

Kessaabaa 4:22

He wode taani GODAI giyoobaa kawuwaassi hagaadan yaagada oda; '“Israa7eeli ta baira na7aa.

Isiyaasa 49:7

Asai karidoogau, ixxidoogaunne deriyaa haariyaageetu ashkkarau, GODAI, Israa7eela Woziyaagee, Israa7eela Geeshshai hagaadan yaagees; “Ammanettiya GODAA gishshaunne nena doorida Israa7eela Geeshshaa gishshau kawoti be7idi, denddi eqqana. Deriyaa haariyaageetikka be7idi goinnana” yaagees.

Qoodaabaa 24:7

Etau daro haattai pulttana; eta zerettau gidiya haattai de7ana. Eta kawoi Kawuwaa Agaagappe gitatana; eta kawotettaikka bonchchettana.

Roome 8:29

Xoossai ba Na7ai daro ishanttu giddon baira gidanaadan, i kase dooridoogeeti qassi ba Na7aa milatanaadan, kasetidi shaakki wottiis.

Zaarettido Wogaa 32:15

“Yaanidi Israa7eeli orddiis; makkaliis; mii miidi, boborcciis. Bana medhdhida Xoossaa aggiis; ba Atotettaa Zaallaa bollankka qilliicciis.

Qolasiyaasa 1:15

Kiristtoosi beettenna Xoossaa leemiso; i merettidabaa ubbaappe aadhdhiya baira Na7a.

Qolasiyaasa 1:18

I ba bollau, woosa keettau huuphe; i ubbaappe bolla gidana mala, kasetidi haiquwaappe denddida baira Na7a gidiis.

Ajjuutaa 19:16

A maayuwaa bollinne a wodiraa bolli, “Kawotu Kawuwaanne godatu Godaa” yaagiya sunttai xaafetti uttiis.

Ajjuutaa 21:24

Asa zerettai katamee poo7uwan hemettana. Sa7aa kawotikka bantta bonchchuwaa he katameekko ehaana.