Mazamure Maxaafaa 44:3 - Wolaytta Bible

³ Eti bantta bisuwan olidi, he biittaa kessibookkona; eti bantta kushiyaa minotettan xoonibookkona. SHin neeni eta siiqido gishshau, eti ne ushachcha kushiyaa, ne qesiyaanne ne sinttaa poo7uwaa wolqqan xoonidosona.

Mazamure Maxaafaa 44:3 ပူးပေါင်းရင်းမြစ်များ

Sameela Maxaafaa Naa77anttuwaa 7:23

Neeni ne asa oottanau wozido ne asaa Israa7eela milatiya hara kawotetti sa7aa bollan baawa. Neeni etayyo oottido gitanne maalaalissiya oosotu gaasuwan ne sunttai biittan sa7an erettiis. Neeni ne asaa sinttaappe hara kawotettatanne eta xoossata laaggadasa.

Hanidabaa Odiya Naa77antto Maxaafaa 20:7

Abeet nu Xoossau, kase ha biittan de7iyaageeta ne asaa Israa7eela sinttaappe yedettada, ne siiquwaa Abrahaama zerettatuyyo merinau immidai nena!

Mazamure Maxaafaa 111:6

Allagatu biittaa immiyoogan i ba oosuwaa wolqqaa ba asaa bessiis.

Mazamure Maxaafaa 17:7

Bantta morkketuppe baqatiyaageeta ne ushachcha kushiyan qottada ashshiyaagoo, garamissiya aggenna ne siiquwaa bessa.

Mazamure Maxaafaa 20:6

GODAI ba doorido kawuwaassi xoonuwaa immiyoogaa taani biron erais. I ba geeshsha saluwan siyana; siyidi, ba ushachcha kushiyan gita xoonuwaa ayyo immana.

Mazamure Maxaafaa 4:6

Daroti, “Nuna lo77obaa bessanai oonee?” yaagoosona. Abeet GODAU, neeni nuna keha aifiyan xeella.

Mazamure Maxaafaa 42:11

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Mazamure Maxaafaa 42:5

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Mazamure Maxaafaa 74:11

Ne kushiyaa shiishsha ekkada aissi gam77ai? Ne ushachcha kushiyaa ne qumaashshaa giddoppe kessa.

Mazamure Maxaafaa 77:15

Ne asaa, Yaaqoobanne Yooseefa zerettata ne qesiyan ashshadasa.

Mazamure Maxaafaa 78:55

I eta sinttaappe kawotettata laaggidi, eta biittaa shaakkidi, Israa7eela zaretuyyo gishshiis. Gishidi ba asaa eta keettan wottiis.

Mazamure Maxaafaa 80:16

Ne morkketi ne woiniyaa qeexidosona; taman xuuggidosona. Hegaa gishshau, neeni eta ne hanqquwaa suuluwan xaissa.

Mazamure Maxaafaa 80:9

Neeni lanqqiyaa qeexadasa; yaatin, xaphuwaa yeddidi, daayidi, biitta ubbaa gakkiis.

Kessaabaa 15:16

Dagamainne yashshai eta oiqqiis. Abeet GODAU, eti ne wolqqaa gitatettaa be7idi, ne asai aadhdhana gakkanaassi, neeni wozido asai aadhdhana gakkanaassi, shuchchadan tolettidi eqqidosona.

Isiyaasa 63:12

Ba bonchcho qesiyaa gita wolqqaa Muusessi ushachcha kushe gidanaadan kiittidaagee, ba merinaa haittaa kessanau, eta sinttan de7iya haattaa shaakkidaagee,

Zakkaariyaasa 4:6

Qassikka i, “Zarubaabeelassi GODAI odido qaalai hagaa; 'Ta Ayyaanaanappe attin, wolqqan woikko minotettan gidenna. Taani Ubbaappe Wolqqaama GODAI hagaa odais.

Qoodaabaa 14:8

GODAI nunan ufaittiyaabaa gidikko, maattainne eessai goggiyo he biittau nuna i gelissana; he biittaa nuuyyo i immana.

Naa77antto Qoronttoosa 4:7

SHin ubbaappe aadhdhiya wolqqai Xoossaagaa gidiyoogaappe attin, nuugaa gidennaagaa bessanau nuuyyo ha minjjai urqqaappe merettida miishsha giddon de7ees.

Zaarettido Wogaa 10:15

Gidikkonne GODAI intte maizza aawatun ufaittidi, eta siiqiis; qassi hachchi intte be7iyoogaadan, etappe guyyiyan eta zerettata gidiya inttena kawotettatu ubbaappe dooriis.

Yaasu Maxaafaa 24:12

Kashiyaa intteppe sinttau kiittada, Amooretu kawota naa77ata intte sinttaappe kessaas. Hagee ubbai hananau danddayidoogee, intte bisuwaaninne intte wonddafiyaani gidenna.

Yaasu Maxaafaa 3:10

De7o Xoossai intte giddon de7iyoogaanne i tumuppe Kanaaneta, Hiiteta, Hiiweta, Parzzeta, Gerggeeseta, Amooretanne Yaabuusata intte sinttappe kessanaagaa intte eranaagee,

Sameela Maxaafaa Koiruwaa 12:22

GODAI ba gita sunttaa gishshau ba asaa aggenna; aissi giikko, i inttena ba asa oottanau ufaittees.