Mazamure Maxaafaa 37:3 - Wolaytta Bible

³ Neeni GODAN ammanetta; lo77obaa ootta. Yaatada biittan saro de7a.

Mazamure Maxaafaa 37:3 ပူးပေါင်းရင်းမြစ်များ

Doomettaabaa 26:2

GODAI Yisaaqayyo qonccidi hagaadan yaagiis; “Gibxxe biitti duge booppa; taani neeyyo yootido biittan de7a.

Doomettaabaa 26:3

Ha biittan amaridaagaa takkashsha; taani nenaara gidana; nena anjjana; aissi giikko, ha biittaa ubbaa taani neeyyoonne ne zerettaayyo immana; taani ne aawaa Abrahaamayyo caaqqido caaquwaa minttana.

Kawotu Maxaafaa Koiruwaa 19:6

Yaagin denddidi i xeelliyo wode, ho77o shuchchaa mishuwan uukettida komppo oittainne oto haattai a huuphessan de7iyaagaa be7iis. Be7idi miidi uyiis; yaatidi guyye zin77iis.

Mazamure Maxaafaa 26:1

Abeet GODAU, taani suuretettan hemettido gishshaunne siree bainnan nena ammanettido gishshau, taayyo pirdda.

Mazamure Maxaafaa 33:19

Hegeenne, eta haiquwaappe ashshanaassanne koshaa wodiyan paxa wottanaassa.

Mazamure Maxaafaa 4:5

GODAAYYO likke yarshshuwaa yarshshitenne GODAN ammanettite.

Mazamure Maxaafaa 62:8

Asau, Xoossan ubba wode ammanettite; i nuuyyo qato gidiyo gishshau, intte metuwaa ayyo yootite.

Leemiso Maxaafaa 3:5

Ne polo wozanan GODAA ammanetta; ne akeekan zemppoppa.

Isiyaasa 40:11

I ba wudiyaa henttanchchaadan mizees; ba dorssa maratakka ba qesiyan shiishshidi, ba kiyuwan idimmana. Xanttiyaageetakka loddaara kaalettana.

Isiyaasa 50:10

Intte giddoppe GODAASSI yayyiyaageenne a ashkkaraa qaalaassi azazettiyaagee oonee? Xuman hemettiyaageenne poo7oi bainnaagee i oonee? He urai GODAA sunttan ammanetto; ba Xoossankka zemppo.

Luqaasa 22:35

Yesuusi ba erissiyo ashkkaratussi, “Korjjoi woi qarcciiti woi caammi bainnan taani inttena kiittido wode, inttessi paccidabi de7ii?” yaagiis. Yaagin eti, “Aibinne baawa” yaagidosona.

Zaarettido Wogaa 30:20

GODAA intte Xoossaa siiqite; a qaalaa siyite, ayyo azazettite; aara ohettite. Hegaadan hanikko, GODAI kase intte maizza aawatuyyo, Abrahaamayyo, Yisaaqayyoonne Yaaqoobayyo immanau caaqqido biittan inttenne intte naati adussa laittaa de7ana” yaagiis.

Sameela Maxaafaa Koiruwaa 26:19

Ha77ikka ta godau, kawuwau, neeni ta qaalaa, ne ashkkaraa qaalaa siyanaadan taani nena woossais; GODAI nena ta bolli denttidobaa gidikko, yarshshuwaa i ekko; shin asati nena denttidobaa gidikko, eti GODAA sinttan qanggettidaageeta gidona! Aissi giikko, 'Ba; hara xoossatussi goinna' yaagidi, GODAA biittan taayyo de7iya saamaappe eti tana ha77i kessidosona.