Mazamure Maxaafaa 31:7 - Wolaytta Bible

⁷ Ta metuwaa neeni be7ido gishshaunne ta tuggaa neeni erido gishshau, taani aggenna ne siiquwan ufaittananne ufaissau poocu gaana.

Mazamure Maxaafaa 31:7 ပူးပေါင်းရင်းမြစ်များ

Nahimiyaa Maxaafaa 9:32

“Nu Xoossau, gita, wolqqaamanne yayettida Xoossau, ne aggenna siiquwaa maachchaa naagiyaagoo, nu bollan gakkida metoi ne sinttan laafabaa milatoppo. Beni Asoore kawotu wodiyaappe doommidi, hachchi gakkanaashin, nu bollan, nu kawotu bollan, nu halaqatu bollan, nu qeesetu bollan, nu hananabaa yootiyaageetu bollan, nu maizza aawatu bollaaninne ne asa ubbaa bollan gita metoi gakkiis.

Iyyooba Maxaafaa 10:9

Neeni tana urqqaappe medhdhidoogaa hassaya. Yaatin, ha77i tana baanaadan liiqissanau hanai?

Iyyooba Maxaafaa 23:10

SHin i ta tangguwaa ubbaa erees; i tana paaccikko, taani worqqaadan geeshsha gidiyoogaa i be7ana.

Mazamure Maxaafaa 1:6

Aissi giikko, GODAI xillotu ogiyaa erees; shin iitatu ogee xayana.

Mazamure Maxaafaa 10:14

SHin Xoossau, neeni tumukka be7aasa; metuwaakka waayiyaakka xeellaasa. Neeni ubba wode nuna maaddanaassi giiga uttadasa. Aawai bainnaageeta neeni maaddiyo gishshau, hiyyeesai woikko qohettidaagee neeni maaddanaadan bana neeyyo sheedhdho.

Mazamure Maxaafaa 119:153

Ta tuggaa be7ada, tana ashsha; aissi giikko, taani ne higgiyaa dogabeikke.

Mazamure Maxaafaa 13:5

SHin aggenna ne siiquwan taani ammanettais; neeni tana ashshiyo gishshau, taani ufaittais.

Mazamure Maxaafaa 142:3

Taani hitido wode, neeni ta ogiyaa eraasa. Taani hemettiyo ogiyan taayyo gitiyaa qotti wottidosona.

Mazamure Maxaafaa 25:18

Ta metuwaanne ta tuggaa neeni be7a. Ta nagaraa ubbaa atto ga.

Mazamure Maxaafaa 71:20

Neeni ta bolli daro metuwaa ehaadasa; gidikkonne, neeni ta de7uwaa zaarada ooraxissana; neeni tana duufuwan gelennaadan naagana.

Mazamure Maxaafaa 9:13

Abeet GODAU, Xiyoone asaa karen taani eqqada, ne galataa yootana malanne hegan ne atotettan keehi ufaittana mala, ta morkketi tana yedettiyoogaa be7a. Neeni taayyo qarettada, haiquwaappe tana ashsha.

Mazamure Maxaafaa 90:14

Nu laittaa ubban nuuni ufaittanaadaaninne yexxanaadan, maallado maallado aggenna ne siiquwan nuna kalssa.

Isiyaasa 43:2

Neeni haattaa gidduwaara pinniyo wode, taani nenaara gidana. Neeni shaafatu gidduwaara pinniyo wodekka eti nena muukkokkona. Neeni tamaa giddoora aadhdhiyo wode, xuugettakka; lacoikka nena meenna.

Isiyaasa 49:13

Inttenoo salotoo, ufaissan yexxite. Nenoo biittau ufaitta. Inttenoo deretoo, ililite! Aissi giikko, GODAI ba asaa minttettiis; qassi ba metootanchchatussikka qarettees.

Isiyaasa 63:16

Abrahaami nuna erana xayikkokka, Yaaqoobi nuna akeekennan xayikkokka, abeet GODAU, neeni nu aawaa. Beni wodiyaasappekka doommidi, ne sunttai nuna woziyaagaa.

Isiyaasa 63:9

Eta waayee ubban i waayettiis. A sintta kiitanchchai eta ashshiis. I eta ba siiquwaaninne ba maarotan woziis. Kase aadhdhida wodetu ubban i eta denttidi tookkiis.

Ermmaasa Zilaassaa 5:1

Abeet GODAU, nu bolli gakkidabaa ubbaa hassaya; nuna xeella; nu kaushshaakka be7a!

Koiro Qoronttoosa 8:3

SHin ooninne Xoossaa siiqikko, Xoossai a erees.

Galaatiyaa 4:9

SHin ha77i Xoossaa eridi, ubbakka Xoossan erettiichchidi, laafanne qassi karettida ha ayyaanatukko waanidi simmeetii? Wodhdhi eqqidi, aille gididi, naa77anttuwaa etayyo haarettanau koyeetii?

Naa77antto Ximootiyoosa 2:19

Gidikkokka, Xoossai essido mino tuussai qaaxxana danddayenna. Qassi a bollan, “Godai baageeta erees”; qassi “Godaabaa gidiya ooninne iita ooso aggi bayo” yaagiya qaalati xaafettidosona.